tag:blogger.com,1999:blog-341681192012-01-27T07:44:33.543+01:00നൈജീരിയ വിശേഷങ്ങള്..അലിഫ് /alifhttp://www.blogger.com/profile/11207856034673114842noreply@blogger.comBlogger191100tag:blogger.com,1999:blog-34168119.post-70526878615060560402012-01-16T05:43:00.007+01:002012-01-16T06:22:13.034+01:00സമരത്തിനും അവധി..!സാധാരണ അവധി ദിനങ്ങളേക്കാൾ കൂടുതൽ പ്രഖ്യാപിത അവധി ദിനങ്ങളുള്ള രാജ്യമാണ് നൈജീരിയ എന്ന് പലപ്പോഴും തോന്നിയിട്ടുണ്ട്. ഉദാഹരണത്തിന് ഏതെങ്കിലും പബ്ലിക് അവധി ദിനം ഞായറാഴ്ച ആയിപ്പോയി എന്നിരിക്കട്ടെ, തിങ്കളാഴ്ചയും പറ്റുമെങ്കിൽ ചൊവ്വാഴ്ചയും പ്രഖ്യാപിത അവധി ആയിരിക്കും. ഇനി ഗവണ്മെന്റ് അവധി ദിനം കൂടിയായ ശനിയാഴ്ച ആണ് അവധിയെങ്കിലും തിങ്കളാഴ്ച അവധി ആയിരിക്കും; മിക്കവാറും വെള്ളിയാഴ്ച ഉച്ചകഴിഞ്ഞ് ആരും പണിക്കുണ്ടാവില്ല. ഇതിനു പ്രാദേശികമെന്നോ ദേശീയമെന്നോ ഉള്ള പക്ഷാഭേദമൊന്നുമില്ല തന്നെ.<br /><br />കഴിഞ്ഞ തിങ്കളാഴ്ചമുതൽ തുടങ്ങി ശക്തി പ്രാപിച്ചു വന്ന ഇന്ധന വിലകയറ്റ സമരത്തിനും ശനിയും ഞായറും അവധി പ്രഖ്യാപിച്ചു കളഞ്ഞു യൂണിയനും സർക്കാരും ചേർന്ന്. 'Re-Stock' എന്നൊരു പ്രയോഗവും; അതായത് സമരക്കാർക്കും അല്ലാത്തവർക്കും നിത്യജീവിതത്തിനുള്ള സാധന സാമഗ്രികൾ വാങ്ങി 'സ്റ്റോക്ക്' ചെയ്യാണുള്ള ഒരു ഇടവേള. ഇത്ര ജനകീയമായൊരു സമരം മറ്റെവിടെ കാണാനാകും എന്നാണു ചിന്തിക്കുന്നതെങ്കിൽ തെറ്റി; ശനിയും ഞായറും ഒരു പണിയും ചെയ്യാതിരിക്കുന്നത് ഇവിടുത്തുകാരുടെ ശീലമാണ്, അതിനി ഒരു സമരം കൊണ്ടൊന്നും മാറാൻ പോകുന്നില്ല.<br /><br />പലരും കരുതിയത് പോലെ, രണ്ട് ദിവസത്തെ അവധിയിലൂടെ സമരത്തിന്റെ ആവേശം കുറയുമെന്നാണ്, എവിടെ, ഇന്ന് മുതൽ പൂർവ്വാധികം ശക്തിയോടെ സമരം തുടരുകയാണത്രേ. കഴിഞ്ഞ രണ്ട് ദിവസമായി നടന്ന ചർച്ചകളൊക്കെ പരാജയപ്പെട്ടു; പക്ഷേ പ്രസിഡന്റിന്റെ പ്രത്യേക അഭ്യർത്ഥന മാനിച്ച് മാസ്സ് റാലികളും പൊതുയോഗങ്ങളും മറ്റും ഒഴിവാക്കാൻ തൊഴിലാളി യൂണിയനുകൾ തയ്യാറായിട്ടുണ്ട്. ഇത്തരത്തിലുള്ള പൊതുജന പ്രക്ഷോഭ പരിപാടികൾ തീവ്രവാദികളും മറ്റും 'ഹൈ ജാക്ക് ' ചെയ്തേക്കാമെന്ന മുന്നറിയിപ്പ് യൂണിയനുകൾ സ്വീകരിക്കുകയാണുണ്ടായത്; ഇത് തീർച്ചയായും പ്രശംസനീയമായൊരു തീരുമാനം തന്നെയാണ്. അതു പോലെ തന്നെ പൂർണ്ണമായ 'ഓയിൽ ഷട്ട് ഡൗൺ' ൽ നിന്നും ആ മേഖലയിലെ തൊഴിലാളികളും താത്കാലികമായി പിന്മാറിയിരിക്കുകയാണ്.<br /><br />രണ്ട് ദിനം സമരം നിറുത്തിവച്ചതിലൂടെ ആശ്വാസമായത് രാജ്യത്തിന്റെ പലഭാഗങ്ങളിൽ കുടുങ്ങി പോയ യാത്രക്കാർക്കാണ്; വിദേശികളും സ്വദേശികളുമുൾപ്പെടെ നിരവധിപേർ സ്വന്ത സ്ഥലങ്ങളിലേക്ക് എത്തിപെടാനായി. വിമാനത്താവളങ്ങളും മറ്റും സാധാരണ നിലയിൽ ( യാത്രക്കാരുടെ തിരക്ക് ഉണ്ടായെങ്കിലും) പ്രവർത്തിച്ചത് അനേകം പേർക്ക് ആശ്വാസമായി.<br /><br />ഇന്ന് വീണ്ട് 'ക്ലോസ്ഡ് ഡോർ' ചർച്ചകൾ നടക്കുകയാണ്; മിക്കവാറും ഇന്ന് തന്നെ സമരത്തിനു തിരശീല വീഴുമെന്നാണ് ഏവരും പ്രതീക്ഷിക്കുന്നത്; എല്ലാഭാഗത്ത് നിന്നും ഗവണ്മെന്റിനു മേൽ സമ്മർദ്ദം ഉണ്ടാകുന്നതും യൂണിയനുകൾ കടുംപിടുത്തങ്ങൾ ഒഴിവാക്കി സമരത്തെ ജനകീയമാക്കാൻ ശ്രമിക്കുന്നതും മറ്റും അതിനുള്ള തെളിവായിട്ടാണ് അവലോകനം ചെയ്യപെടുന്നത്.<div class="blogger-post-footer"><img width='1' height='1' src='https://blogger.googleusercontent.com/tracker/34168119-7052687861506056040?l=nigeriadiary.blogspot.com' alt='' /></div>Alif/അലിഫ്http://www.blogger.com/profile/07600949468497323258noreply@blogger.com1tag:blogger.com,1999:blog-34168119.post-88418225379455296292012-01-11T22:17:00.010+01:002012-01-12T06:30:02.155+01:00തൊഴിലാളി സമരവും മറ്റ് ചിലതും..!<p><span style="font-weight: bold;">ഇ</span>ന്ധന വില കയറ്റത്തിനെതിരെയുള്ള തൊഴിലാളി സമരം ഒരു വശത്ത് ശക്തിപ്രാപിക്കുന്നു, മറുവശത്ത് ബോക്കോ ഹറമെന്ന തീവ്രവാദ സംഘടന സ്ഫോടന പരമ്പരകളിലൂടെയും വെടിവെയ്പ്പിലൂടെയും നിരവധി സാധാ മനുഷ്യരെ കൊന്നൊടുക്കുന്നു..2012 പ്രസിഡന്റ് ഗുഡ്ലക്ക് ജോനഥന് 'ബാഡ് ലക്ക്' ആയേക്കുമോ എന്നാണ് നൈജീരിയൻ ജനത ഇപ്പോൾ ഉറ്റുനോക്കുന്നത്.<br /><br />മിക്കപ്രദേശങ്ങളിലേയും ഗവൺമന്റ് സ്ഥാപനങ്ങളും വിദ്യാഭ്യാസ സ്ഥാപനങ്ങളും ബാങ്കുകളും കഴിഞ്ഞ നാലു ദിവസമായി അടഞ്ഞ് കിടക്കുകയാണ്. സ്വകാര്യ സ്ഥാപനങ്ങൾ നാമമാത്രമായി പ്രവർത്തിക്കുന്നുണ്ട്. എയർപ്പോർട്ടുകൾ അന്താരാഷ്ട്ര സർവ്വീസുകൾക്കായി ഭാഗികമായി പ്രവർത്തിക്കുന്നുണ്ടെങ്കിലും വിമാനങ്ങൾ പലതും റദ്ദാക്കിയിരിക്കുകയാണ്; പ്രത്യേകിച്ച് യൂറോപ്യൻ സെക്റ്റർ. ഖത്തർ,എമിറേറ്റ്സ് എയർലൈനുകൾ ഒന്നിടവിട്ട ദിവസങ്ങളില് സർവ്വീസ് നടത്തുന്നുണ്ടെങ്കിലും മിക്കവരും ആഭ്യന്തര സർവ്വീസുകൾ ഇല്ലാത്തതിനാൽ മറ്റിടങ്ങളിലേക്ക് പോകാനാവാതെ ലാഗോസിൽ (പഴയ തലസ്ഥാനം, ഇപ്പോഴത്തെ വാണിജ്യ കേന്ദ്രം - സമരം കൊടുമ്പിരി കൊള്ളുന്നതും ഇവിടെയാണ്) കുടുങ്ങിപോയിരിക്കുന്നു.<br /><br />വമ്പിച്ച റാലികളും, സമ്മേളനങ്ങളുമായി ജന സമുദ്രമാകുകയാണ് ലാഗോസ് തെരുവുകൾ എന്നാണ് അറിയുന്നത്; അക്രമങ്ങളിലും പോലീസ് ഇടപെടലിലും മരണപെട്ടവർ 10 ല് താഴെയെ റിപ്പോർട്ട് ചെയ്യപ്പെട്ടിട്ടുള്ളുവെങ്കിലും തുടർന്നുള്ള ദിവസങ്ങളിൽ ഇത് വർദ്ധിക്കാനാണിട. ടയറുകൾ കത്തിച്ചും മറ്റും മാർഗ്ഗതടസ്സമുണ്ടാക്കുന്ന ജനകൂട്ടത്തെ പിരിച്ച് വിടാന് പലയിടത്തും പോലീസ് വെടിവെയ്പ്പ് നടത്തിയതായി റിപ്പോർട്ടുകൾ ഉണ്ട്. പ്രസിഡന്റ് ജോനഥനെ അനുകൂലിക്കുന്ന പി.ഡി.പി. ഭരണ സംസ്ഥാനങ്ങളിലേക്ക് കൂടി സമരം വരും ദിനങ്ങളിൽ വ്യാപിക്കാനാണിട.<br /><br />ഞങ്ങൾ പ്രവർത്തിക്കുന്ന ഒന്നേ പോർട്ട് (ലോകത്തിലെ തന്നെ ഏറ്റവും വലിയ ഓയിൽ ആൻഡ് ഗ്യാസ് ഫ്രീസോൺ പോർട്ട് ആണിത്) തുറന്ന് പ്രവർത്തിക്കുന്നുവെന്ന് അവകാശപെടുന്നുവെങ്കിലും സ്വദേശികളായ തൊഴിലാളികൾ തീരെയില്ലന്ന് വേണം പറയാൻ. റിഗ്ഗുകളിലേക്കും മറ്റും സർവ്വീസ് നടത്തുന്ന (ആഹാര സാധനങ്ങളും മറ്റും) ചെറു കപ്പലുകൾ ഒഴിച്ചാൽ മറ്റൊരു സർവ്വീസും ഇവിടെ നടക്കുന്നില്ല. എമർജൻസി വിഭാഗങ്ങൾ പ്രവർത്തിപ്പിക്കുവാൻ തൊഴിലാളി യൂണിയനുകൾ സമ്മതിച്ചിരിക്കുന്നത് തന്നെ വലിയ കാര്യമാണ്. ഓയിൽ മേഖല കൂടി ഇന്നുമുതൽ സമരത്തിന്റെ പരിധിയിൽ കൊണ്ടുവരുമെന്നാണ് അറിയുന്നത്. എണ്ണയുത്പാദന മേഖലയിലെ പ്രധാന തൊഴിലാളി സംഘടനയായ PENGASSAN (PETROLEUM and Natural Gas Senior Staff Association of Nigeria) പൂർണ്ണ സ്തംഭനം സൂചിപ്പിക്കുന്ന 'റെഡ് അലർട്ട്' പുറപ്പെടുവിച്ചു കഴിഞ്ഞു.<br /><br />ഇതിനിടെ ബോക്കോ ഹറം ഇന്ന് ഒരു ബാറിൽ നടത്തിയ വെടിവെയ്പ്പിൽ എട്ട് പേർ കൊല്ലപെട്ടിട്ടുണ്ട്. ക്രിസ്തുമസ് ദിനത്തിൽ അബുജ (തലസ്ഥാന നഗരി) യ്ക്കടുത്ത് ഒരു ക്രിസ്ത്യൻ ആരാധനാലയത്തിൽ 40 ലധികം പേരെ സ്ഫോടനത്തിൽ കൊന്നൊടുക്കിയതിന്റെ ഞെട്ടൽ ഇനിയും മാറിയിട്ടില്ല. ക്രിസ്ത്യന് ഭൂരിപക്ഷ പ്രദേശങ്ങളില് നിന്നും മുസ്ലിം സമുദായക്കാരും തിരിച്ചും സ്ഥലം വിട്ടുപോകുന്നതായി റിപ്പോര്ട്ടുകള് ഉണ്ട്.<br /><br />ബോക്കോ ഹറമിനെതിരെ സന്ധിയില്ലാ സമരം പ്രഖ്യാപിച്ച പ്രസിഡന്റെ ജോനഥന്റെ ജനസമ്മിതി പക്ഷേ ഇപ്പോഴത്തെ തൊഴിലാളി സമരത്തിൽ ഒലിച്ചുപോകുന്നതായാണ് രാഷ്ട്രീയ വിലയിരുത്തലുകൾ സൂചിപ്പിക്കുന്നത്. 60 കളിൽ ഇത്തരത്തിലുള്ള വർഗ്ഗീയ ചേരിതിരിവും ചെറു സമരങ്ങളുമാണ് ലക്ഷകണക്കിന് ആളുകളുടെ മരണത്തിനിടയാക്കിയ ആഭ്യന്തര യുദ്ധത്തിലേക്കും രാഷ്ട്രീയ അനിശ്ചിതത്തിലേക്കും നൈജീരിയയെ തള്ളിവിട്ടതെന്ന ചരിത്രം പലരും ചൂണ്ടികാണിക്കുന്നു. ക്രിസ്ത്യൻ മുസ്ലിം ചേരിതിരിവിലേക്ക് രാഷ്ട്രത്തെ വീണ്ടും കൊണ്ടെത്തിച്ചേക്കാവുന്ന തീവ്രവാദത്തെ അടിച്ചമര്ത്താനും രാജ്യത്തെ സാമ്പത്തിക രാഷ്ട്രീയ അനിശ്ചിതത്തിലെക്ക് തള്ളിവിടാനിടയുള്ള ഈ സമരത്തെ കൈവിട്ട് പോകും മുൻപ് തടയാനും ഇന്ധന വിലവർദ്ധനയ്കിടയായ സബ്സിഡി എടുത്തുകളയൽ തീരുമാനം പുനപരിശോധിക്കാനും ഇന്നലെ ചേർന്ന സെനറ്റ് പ്രസിഡന്റിനെ ഉപദേശിച്ചു കഴിഞ്ഞു.<br /></p><div class="blogger-post-footer"><img width='1' height='1' src='https://blogger.googleusercontent.com/tracker/34168119-8841822537945529629?l=nigeriadiary.blogspot.com' alt='' /></div>Alif/അലിഫ്http://www.blogger.com/profile/07600949468497323258noreply@blogger.com1tag:blogger.com,1999:blog-34168119.post-68629308180960185812012-01-09T10:43:00.004+01:002012-01-09T10:54:32.091+01:00നൈജീരിയ തൊഴിലാളി പ്രക്ഷോഭത്തിലേക്ക്..!ശക്തമായ തൊഴിലാളി സമരത്തിന്റെ തുടക്കം കുറിച്ചിരിക്കുകയാണിന്ന് നൈജീരിയ ഒട്ടാകെ. ഇന്ധന വിലയിൽ നൽകിയിരുന്ന ഗവണ്മെന്റ് സബ്സിഡി പിൻവലിക്കലിനെ തുടർന്നുണ്ടായ ഭീമമായ വിലവർദ്ധനയാണ് പ്രധാനമായും ഇത്തരമൊരു സമരപരിപാടിക്ക് തുടക്കം കുറിക്കാൻ എൻ.എൽ.സി (NLC - Nigerian Labour Congress) , റ്റി. യു. സി (TUC - Trade Union Congress) തുടങ്ങിയ തൊഴിലാളി സംഘടനകളെ പ്രേരിപ്പിച്ചിരിക്കുന്നത്. ഡീസൽ വില 65 നൈറയിൽ (Naira - Nigerian Currency )നിന്ന് കുത്തനെ 141 ലേക്കു (ചില പ്രദേശങ്ങളിൽ 200 നു മുകളിലേക്കും) വർദ്ധിച്ചിരിക്കുന്നത് കുറച്ചൊന്നുമല്ല ഇവിടുത്തെ നിത്യജീവിതത്തെ ബാധിക്കാൻ പോകുന്നത്; പ്രത്യേകിച്ച് താഴ്ന്ന വരുമാനക്കാരായ സാധാരണ ജോലിക്കാർക്കിടയിൽ.<br /><br />നിരവധി ചർച്ചകൾക്ക് ഗവണ്മെന്റ് കളമൊരുക്കിയെങ്കിലും ഇന്ന് തുടക്കം കുറിച്ചിരിക്കുന്ന സമരപരിപാടികളെ തടയാൻ കഴിഞ്ഞിട്ടില്ല. ലോക പെട്രോളിയം കയറ്റുമതിയിൽ ഏഴാം സ്ഥാനത്തുള്ള നൈജീരിയ പക്ഷേ താഴേ തട്ടിലുള്ള സാധാരണക്കാർക്ക് എന്ത് നൽകുന്നു എന്ന് പുറം ലോകത്തെ അറിയിക്കാനുള്ള പുറപ്പാട് കൂടിയായാണ് ഈ സമരത്തെ ഇപ്പോൾ കാണുന്നത്. പ്രധാനയിടങ്ങളിലെല്ലാം പ്രതിഷേധ പരിപാടികളും കൂറ്റൻ ജാഥകളും സംഘടിപ്പിച്ച് കൊണ്ടാണ് ആദ്യം ദിനം തുടങ്ങിയിരിക്കുന്നത് തന്നെ; പലയിടത്തും അക്രമ സംഭവങ്ങളുണ്ടായതായും ടി.വി റിപ്പോർട്ടുകൾ വന്നു കൊണ്ടിരിക്കുന്നു.<br />മിക്ക വിമാനത്താവളങ്ങളും അടച്ചുകഴിഞ്ഞു; പല ഇന്റർനാഷണൽ വിമാനകമ്പനികളും ഇന്നലെ തന്നെ യാത്ര ക്യാൻസൽ ചെയ്ത് തുടങ്ങിയിരുന്നു. പ്രാദേശിക റോഡുകളൊക്കെ ഒഴിഞ്ഞ് കിടക്കുകയാണ് ; ചരക്ക് ഗതാഗതവും സ്തംഭിച്ചിരിക്കുന്നു. വാഹനങ്ങൾ ഓടുന്നതിനെ സമരക്കാർ തടയുന്നില്ലെങ്കിലും മിക്കവരും വീടുകളിൽ തന്നെ കഴിഞ്ഞ് കൂടുന്നതായാണ് അറിയുന്നത്.<br /><br />ഇന്ന് മിക്ക വിദേശ കമ്പനികളും ജീവനക്കാർക്ക് അവധി നൽകിയിരിക്കുകയാണ്; അടിയന്തിര വിഭാഗങ്ങൾ ഒഴികെ മറ്റൊന്നും ഞങ്ങളുടെ കമ്പനിയും പ്രവർത്തിപ്പിക്കുന്നില്ല. എല്ലാ വിദേശ ജീവനക്കാർക്കും ഇനി ഒരു അറിയിപ്പുണ്ടാകും വരെ ക്യാമ്പ് വിട്ട് പോകാൻ അനുവാദമില്ല. സെക്യൂരിറ്റി പ്രശ്നങ്ങൾ കാരണം ഇന്ന് ജോലിക്ക് ഹാജരായ സ്വദേശികളായ ജീവനക്കാരെയും തിരികെ വീടുകളിലേക്ക് മടക്കി അയച്ചു കഴിഞ്ഞു.<div class="blogger-post-footer"><img width='1' height='1' src='https://blogger.googleusercontent.com/tracker/34168119-6862930818096018581?l=nigeriadiary.blogspot.com' alt='' /></div>Alif/അലിഫ്http://www.blogger.com/profile/07600949468497323258noreply@blogger.com3tag:blogger.com,1999:blog-34168119.post-33485976304504134782010-05-06T18:43:00.012+01:002010-05-06T19:39:53.983+01:00നൈജീരിയ പ്രസിഡന്റിന്റെ മരണവും രാഷ്ട്രീയവും<a onblur="try {parent.deselectBloggerImageGracefully();} catch(e) {}" href="http://3.bp.blogspot.com/_ZmropMUj2cE/S-MIMbdoaJI/AAAAAAAAAVs/Halt7JhG8JU/s1600/Yardua.jpg"><img style="display: block; margin: 0px auto 10px; text-align: center; cursor: pointer; width: 298px; height: 343px;" src="http://3.bp.blogspot.com/_ZmropMUj2cE/S-MIMbdoaJI/AAAAAAAAAVs/Halt7JhG8JU/s400/Yardua.jpg" alt="" id="BLOGGER_PHOTO_ID_5468223382181406866" border="0" /></a><br />ആറുമാസത്തിലേറെ നീണ്ടു നിന്ന അഭ്യൂഹങ്ങൾക്കും രാഷ്ട്രീയ നാടകങ്ങൾക്കും വിരാമമിട്ടുകൊണ്ട് പ്രസിഡന്റ് ഉമാറു മൂസ യാർ അദുവ യുടെ നിര്യാണവാർത്ത നൈജീരിയൻ നാഷണൽ ടി.വി അതോറിറ്റി ഔദ്യോഗികമായി ഇന്നലെ അറിയിച്ചു. ബുധനാഴ്ച രാത്രി 9നും 10നുമിടയിൽ മരണം സംഭവിച്ചതായിട്ടാണ് പ്രത്യേക വാർത്താ ബുള്ളറ്റിനിലൂടെ അറിയിച്ചത്. 58 വയസ്സായിരുന്നു, സംസ്കാരം ഇന്ന് ഉച്ചയ്ക്ക് പ്രാദേശികസമയം 2 മണിക്ക് ജന്മദേശമായ കറ്റ്സിന യില് , രാജ്യത്ത് ഏഴ് ദിവസത്തെ ഔദ്യോഗിക ദു:ഖാചരണം പ്രഖ്യാപിചിട്ടുണ്ട്.<br /><br /><a href="http://nigeriadiary.blogspot.com/2007/04/2.html" target=" _blank"><br />2007 ൽ നടന്ന രാഷ്ട്രീയ പ്രാധാന്യമേറിയ പൊതു തെരഞ്ഞെടുപ്പിലൂടെ</a>യാണു വടക്കൻ പ്രവിശ്യയായ 'കറ്റ്സിന' യിൽ നിന്നുള്ള ഉമാറു യാർ അദുവ അധികാരമേൽക്കുന്നത്. സ്വതന്ത്ര നൈജീരിയയുടെ ചരിത്രത്തിലാദ്യമായി നടന്ന ജനാധിപത്യ രീതിയിലുള്ള ഒരു അധികാരകൈമാറ്റം കൂടിയായിരുന്നു ഇത്.<br /><br />അന്നത്തെ പ്രസിഡന്റ് ഒബസാഞ്ചോ യുടെ അനുഗ്രാശിസ്സുകളോടെ അധികാരമേറ്റെങ്കിലും കറ്റ്സിനാ സ്റ്റേറ്റിന്റെ മുൻ ഗവർണ്ണറും രസതന്ത്ര അധ്യാപകനുമൊക്കെയായിരുന്ന യാർ അദുവയുടെ ആദ്യകാല ഭരണം മെല്ലെ പോക്ക് ശൈലിയിൽ ആണെന്ന് വിമർശനമേറ്റുവാങ്ങി; 'ബാബാ ഗോ സ്ലോ ' എന്നൊരു അപരനാമവും ഈ കാലയളവിൽ അദ്ദേഹം സമ്പാദിച്ചിരുന്നു. (ഇവിടെ വലിയ ട്രാഫിക്ക് കുരുക്കിനു പറയുന്ന വിശേഷണമാണു 'ഗോ സ്ലോ' ) പക്ഷേ പതുക്കെ പതുക്കെ ചുവടുറപ്പിച്ച ശേഷം വളരെയധികം ഭരണ- നയതന്ത്ര ഇടപാടുകളിൽ തിളങ്ങുകയും ചെയ്തു. അതിൽ പ്രധാനം നൈജീരിയയുടെ പ്രധാന വരുമാന സ്രോതസും എണ്ണപ്രകൃതിവാതക മേഖലയുമായ നൈജർ ഡെൽറ്റയിലെ പ്രാദേശികവാദവും, തീവ്രവാദവും അതിന്റെ ഉപ ഉല്പ്പന്നമായി പെട്രോളിയം അനുബന്ധ മേഖലകളില് ജോലിചെയ്യുന്ന വിദേശികളെ തട്ടികൊണ്ട് പോകല് , കൊള്ള, ലഹള തുടങ്ങിയവയൊക്കെ ചർച്ചകളിലൂടെയും മറ്റും ഒതുക്കി നിർത്തിയതാണ്. പഴയത് പോലെയല്ലെങ്കിലും താരതമ്യേന ശാന്തമാണ് നൈജര് ഡെല്റ്റയിപ്പോള് . ബാങ്കിംഗ്, നിർമ്മാണ മേഖല, സ്റ്റോക്ക് മാര്ക്കറ്റ് , വിതരണ ശൃംഖലകളിലൊക്കെ യാര് അദുവ ഭരണം സുദൃഢമായ നയരൂപീകരണം വഴി വ്യക്തമായ സ്വാധീനം ഉണ്ടാക്കി.<br /><br />മിത ഭാഷിയെങ്കിലും നയതന്ത്ര ബന്ധങ്ങളിൽ നല്ല സ്വാധീനം ചെലുത്തിയിയിരുന്നു യാർ അദുവ. ഇന്ത്യയുമായി നല്ല സുഹൃദ്ബന്ധം പുലർത്തിയിരുന്നതിന്റെ തെളിവാണു പ്രധാനമന്ത്രി മൻമോഹൻ സിങ്ങ് 2007 ഒക്ടോബറില് നടത്തിയ നൈജീരിയ സന്ദർശനം; ഇത് വളരയധികം വാര്ത്താ പ്രാധാന്യം നേടിയിരുന്നു.തെരഞ്ഞെടുപ്പ് കാലത്തെ പ്രധാന വാഗ്ദാനങ്ങളിലൊന്നായിരുന്ന സ്വന്തം സ്വത്തു വിവര പട്ടിക പരസ്യമാക്കിയതിലൂടെ രാഷ്ട്രീയ അഴിമതിക്കാർക്കും, സഹപ്രവർത്തകർക്കും മുന്നറിയിപ്പ് കൊടുത്തത്താണ് മറ്റൊരു സംഭവം.<br /><a onblur="try {parent.deselectBloggerImageGracefully();} catch(e) {}" href="http://2.bp.blogspot.com/_ZmropMUj2cE/S-MBUQZTTaI/AAAAAAAAAVc/mUo50sBWxbs/s1600/With+Manmohan+singh-+october+15+2007.jpg"><img style="display: block; margin: 0px auto 10px; text-align: center; cursor: pointer; width: 400px; height: 191px;" src="http://2.bp.blogspot.com/_ZmropMUj2cE/S-MBUQZTTaI/AAAAAAAAAVc/mUo50sBWxbs/s400/With+Manmohan+singh-+october+15+2007.jpg" alt="" id="BLOGGER_PHOTO_ID_5468215820068015522" border="0" /></a><br />പക്ഷേ 2009 നവംബറിൽ ഹൃദയത്തിനും വൃക്കകൾക്കും കടുത്ത രോഗം ബാധിച്ച് വിദഗ്ദ ചികിത്സാര്ത്ഥം സൗദി അറേബ്യയിലേക്ക് പോയതുമായ് ബന്ധപ്പെട്ട സംഭവവികാസങ്ങൾ യാർ അദുവയുടെ സുതാര്യ പ്രതിഛായക്ക് മങ്ങലേല്പ്പിച്ചു. സൗദിയിൽ വെച്ച് മരണം സംഭവിച്ചു എന്നും വിവരം പുറത്തറിയിക്കാതെ സ്വകാര്യലാഭങ്ങൾക്കായ് കുടുബാംഗങ്ങൾ മറച്ചു വെച്ചിരിക്കുകയാണെന്നുമുള്ള വാർത്തകൾ നിരവധി തവണ പ്രചരിച്ചു. സൗദിയിലെ ആശുപത്രി അധികാരികള് നിരവധി തവണ യാര് അദുവയുടെ ആരോഗ്യനില തൃപ്തികരമാണെന്ന് പത്രകുറിപ്പുകള് ഇറക്കിയത് വാര്ത്തയായിരുന്നു.<br /><br />2010 ജനുവരി അവസാനത്തോടെ മടങ്ങിയെത്തിയെന്ന് വാർത്ത വന്നുവെങ്കിലും ആരെയും കാണുവാൻ അനുവദിച്ചിരുന്നില്ല, ഭരണാധികാരങ്ങളിൽ നിന്ന് ഒഴിഞ്ഞു നിൽക്കുകയും ചെയ്തു. മറ്റൊരു പട്ടാള വാഴ്ചയിലേക്ക് രാജ്യം നീങ്ങുകയാണെന്ന് വരെ തോന്നിച്ചിരുന്ന ഈ രാഷ്ട്രീയ ഭരണ ശൂന്യതയിലാണ് വൈസ് പ്രസിഡന്റ് ഗുഡ് ലക്ക് ജോനഥൻ സ്വയം അധികാരമേൽക്കുന്നതിലേക്ക് നീക്കം നടത്തിയത്. പ്രസിഡന്റിന്റെ പത്നി തുവാരി യാർ അദുവ ഈ നീക്കത്തെ എതിർക്കുന്നതായും റിപ്പോർട്ടുകൾ ഉണ്ടായിരുന്നു. ഇക്കഴിഞ്ഞ ഫെബ്രുവരി 9നു സെനറ്റ് യോഗത്തിന്റെ കൂടി അംഗീകാരത്തോടെ താത്കാലിക പ്രസിഡന്റായി ജോനഥൻ സ്ഥാനമേറ്റു. ആദ്യ പടിയായ് നിലവിലുണ്ടായിരുന്ന ക്യാബിനറ്റ് പിരിച്ചു വിട്ടത് വാർത്തകളില് സ്ഥാനം പിടിച്ചിരുന്നു.<br />യാർ അദുവ യുടെ മരണം ഔദ്യോഗികമായി സ്ഥിതീകരിച്ചതോടെ ഇന്ന് രാവിലെ നടന്ന ലളിതമായ ചടങ്ങിൽ ഗുഡ് ലക്ക് ജോനഥൻ സമ്പൂർണ്ണ പ്രസിഡന്റായ് സ്ഥാനാരോഹണം നടത്തി.<br /><a onblur="try {parent.deselectBloggerImageGracefully();} catch(e) {}" href="http://1.bp.blogspot.com/_ZmropMUj2cE/S-MIdhCV5LI/AAAAAAAAAV0/aT64FXyYN2A/s1600/jonathan.jpg"><img style="display: block; margin: 0px auto 10px; text-align: center; cursor: pointer; width: 298px; height: 343px;" src="http://1.bp.blogspot.com/_ZmropMUj2cE/S-MIdhCV5LI/AAAAAAAAAV0/aT64FXyYN2A/s400/jonathan.jpg" alt="" id="BLOGGER_PHOTO_ID_5468223675735336114" border="0" /></a>ഇതോടെ നിരവധി നാളുകളായുള്ള രാഷ്ട്രീയ ശൂന്യതയ്ക്ക് അവസാനമായി എങ്കിലും തെക്കൻ (മുസ്ലിം)- വടക്കൻ (കൃസ്ത്യൻ) രാഷ്ട്രീയ അധികാര വടംവലിയിൽ നിർണ്ണായകമായ പലതും സംഭവിക്കാനിരിക്കുന്നതേയുള്ളൂ എന്നാണു രാഷ്ട്രീയ നിരീക്ഷകർ കരുതുന്നത്. ഇപ്പോള് തന്നെ തെക്കന് മേഖലയായ 'ജോസ്' പ്രദേശത്ത് പ്രാദേശികവാദവും മതമൗലികവാദവും കടുത്ത് വരികയാണ്. കഴിഞ്ഞമാസം ആദ്യത്തില് നിരവധി ആളുകള് ലഹളയില് കൊല്ലപെട്ടിരുന്നു. ഇപ്പോഴത്തെ പ്രസിഡന്റ് പദവി തെക്കന് പ്രവിശ്യയിലെ മുസ്ലിം വംശജര്ക്ക് അവകാശപെട്ടതാണെന്നും വടക്കന് മേഖലയിലെ കൃസ്ത്യന് വംശജനായ ജോനഥന് വൈസ് പ്രസിഡന്റായി തുടര്ന്നാല് മതിയെന്നൊക്കെയുള്ള വാദങ്ങള് ഉയര്ന്നിരുന്നു. 2011ല് അടുത്ത പ്രസിഡന്റ് തിരഞ്ഞെടുപ്പ് വരികെയാണെന്നും, അതുവരെ നൈജീരിയയെ സുരക്ഷിതമായി നയിക്കുകയാണു തന്റെ ലക്ഷ്യമെന്നും ഗുഡ്ലക്ക് ജോനഥന് സ്ഥാനാരോഹണവേളയില് പ്രഖ്യാപിച്ചു കഴിഞ്ഞിട്ടുണ്ട്.<div class="blogger-post-footer"><img width='1' height='1' src='https://blogger.googleusercontent.com/tracker/34168119-3348597630450413478?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com10tag:blogger.com,1999:blog-34168119.post-83880332973116212902008-06-29T08:47:00.006+01:002008-06-29T09:21:53.050+01:00നൈജീരിയ വിശേഷങ്ങൾ വീണ്ടും..!<p>പ്രിയപ്പെട്ട കൗച്ചു,</p><p>നിനക്കൊരു കത്തെഴുതിയിട്ട് എത്ര നാളുകളായി, കൃത്യം കണക്കെടുത്താൽ ഒരു വർഷത്തിലും കൂടുതലായിരിക്കുന്നു. ജോലിതിരക്കും യാത്രകളും അലോരസപ്പെടുത്തുന്നതിനിടയിൽ കത്തെഴുതാനെവിടെ നേരം. ഇനി 10 ശതമാനം സാധ്യതയേ നൈജീരിയയിലേക്ക് തിരികെ വരാനുള്ളൂ എന്നൊക്കെ കുറിച്ചുവെച്ചിരുന്നു അന്ന് നിനക്ക് അവസാനമായി എഴുതിയ കത്തിൽ. ആ പത്ത് ശതമാനം തന്നെ അവസാനം വിജയം കണ്ടു. ജോലിസ്ഥലം മാറ്റമുൾപ്പെടെയുള്ള ആവശ്യങ്ങൾ അത്രപെട്ടന്ന് കമ്പനി അംഗീകരിച്ചുകളയുമെന്ന് ഞാനും കരുതിയില്ല. കഴിഞ്ഞ ജൂലായിൽ ഞാൻ തിരികെ വന്നത് പുതിയ സ്ഥലത്തേക്കാണ്;പുതിയ ജോലിയിലേക്കും , തിരക്കുകളിലേക്കും. </p><p>നേരത്തെ പൂർണ്ണമായും പാർപ്പിട സമുച്ചയങ്ങളും അതിനോടനുബന്ധിച്ച മറ്റ് നിർമ്മാണ വികസനപ്രവർത്തനങ്ങളുടെയും ആർക്കിടെക്റ്റ്ചറൽ മേൽനോട്ടമായിരുന്നെങ്കിൽ ഇപ്പോൾ കുറച്ച് കൂടി ഉത്തരവാദിത്വമേറിയ ജോലിയാണ്. നേരത്തെ ഒരു കത്തിൽ സൂചിപ്പിച്ചിരുന്നു, "<a href="http://nigeriadiary.blogspot.com/2006/10/blog-post_116136843998695795.html" target="_blank">ഒന്നേ</a>" എന്ന സ്ഥലത്തെക്കുറിച്ച്. രണ്ട് തുറമുഖങ്ങളും അതിനോടനുബന്ധിച്ചുള്ള ഒരു ചെറു പഞ്ചായത്തോളം വരുന്ന പെട്രോളിയം അനുബന്ധമേഖല 'ഒന്നേ ഓയിൽ ആൻഡ് ഗ്യാസ് ഫ്രീസോൺ" എന്ന പ്രദേശത്തിന്റെ വികസനപ്രവർത്തനങ്ങളുടെ സാങ്കേതികമേൽനോട്ടമാണ് ഇപ്പോഴത്തെ ജോലി. എനിക്കത്ര പരിചയമില്ലാത്തതരം നിർമ്മാണപ്രവർത്തനങ്ങളും ശൈലിയും മറ്റുമാണെങ്കിലും ഉദ്യോഗസ്ഥാനം വെല്ലുവിളികൾ ഏറെ നിറഞ്ഞതാണെങ്കിലും ധാരാളമായി പുതിയ പുതിയ കാര്യങ്ങൾ പഠിക്കേണ്ടതുണ്ടന്നത് ഇവിടെ തുടരാൻ പ്രേരണയാകുന്നുണ്ട്.അതിവേഗതയിൽ നീങ്ങുന്ന നിർമ്മാണശൈലിയും സംതൃപ്തി നൽകുന്നു.</p><p>2007 മെയ് 29 നു അധികാരമേറ്റെടുത്ത പ്രസിഡന്റ് ഉമാർ യാർ ദുവ യുടെ പ്രവർത്തനങ്ങൾ നൈജീരിയയെ ഉന്നതിയിലേക്ക് എത്തിക്കുന്ന കാഴ്ചയാണ് പുറമേ കാണാൻ കഴിയുന്നത്. മറ്റ് രാജ്യങ്ങളുമായുള്ള നയതന്ത്ര ബന്ധങ്ങളിലായാലും, നാടിന്റെ ഉന്നമനത്തിനു വേണ്ടിയുള്ള പ്രവർത്തനങ്ങളിലായാലും മാറ്റങ്ങൾ വളരെ വ്യക്തമാണ്. ഇങ്ങനെയായാൽ 2008 അവസാനത്തോടെ നൈജീരിയയുടെ സാമ്പത്തിക മേഖലയിൽ വൻ ഉണർവ്വുണ്ടാകുമെന്നാണ് റിപ്പോർട്ടുകൾ. </p><p>പ്രാദേശികവാദികളെയും തീവ്രവാദപ്രവർത്തനങ്ങളെയും അമർച്ച ചെയ്യാൻ പ്രത്യേകിച്ച് ഈ നാടിന്റെ പ്രധാന സമ്പത്സ്രോതസായ പെട്രോളിയം മേഖലയിൽ പുതിയഭരണകൂടം ശ്രദ്ധപതിപ്പിച്ചു എന്ന് തന്നെ കരുതാം; അധികാരകൈമാറ്റ കാലഘട്ടം ഈ പ്രദേശം യുദ്ധകളമായിരുന്നെങ്കിൽ കൂടിയും. പക്ഷേ ഈ അടിച്ചമർത്തലിനെ തോൽപ്പിക്കുവാൻ തീവ്രവാദ സംഘടനകൾ മറ്റ് മാർഗ്ഗങ്ങൾ തേടുന്നത് പലപ്പോഴും സംഘർഷം സൃഷ്ടിക്കുന്നുണ്ട്, അത് കൊണ്ട് തന്നെ വിദേശികളുടെ സെക്യൂരിറ്റി നിലപാടുകളിൽ ഒരു മാറ്റവും ഇനിയും ഉണ്ടായിട്ടില്ല.</p><p>ചെറുരീതികളിലുള്ള വിദേശികളെ തട്ടികൊണ്ട് പോകലുകളിൽ നിന്നും വിട്ട് വമ്പൻ തലങ്ങളിലേക്ക് ഈ പ്രശ്നങ്ങളെ എത്തിക്കുവാൻ ചില സംഘടനകൾ ശ്രമിക്കുന്നുണ്ട്. ഞാൻ ഇത്തവണ അവധിക്ക് പോകുന്നതിനൊക്കെ മുൻപ് മെയ് പകുതിയോടെ തട്ടികൊണ്ട് പോകപ്പെട്ട ടൈഡ് വാട്ടർ എന്ന അമേരിക്കൻ കമ്പനിയുടെ ഒരു ചെറു കപ്പലും അതിലെ ജീവനക്കാരെയും ഇനിയും മോചിപ്പിക്കപ്പെട്ടില്ലന്നത് ഒരു ഉദാഹരണം മാത്രം. പ്രമുഖ പെട്രോളിയം കുത്തകയായ ഷെവ്റോണിന്റെ എണ്ണപ്പാടത്തേക്ക് ഞങ്ങളുടെ തുറമുഖത്ത് നിന്നും തിരിച്ച സർവ്വീസ് വെസൽ ആണിത്. പോർച്ച്ഗീസ് നാവികൻ ഉൾപ്പെടെ 11 ഓളം ജീവനക്കാർ അതിൽ കുടുങ്ങി കിടക്കുന്നുണ്ട്. </p><p>ഈ ജൂൺ 19ന് അവധി കഴിഞ്ഞ് വന്നിറങ്ങിയപ്പോൾ കിട്ടിയ വാർത്ത മറ്റൊരു പെട്രോളിയം കുത്തകയായ ഷെൽ, അവരുടെ പ്രതിദിനം 2,20,000 ത്തോളം ബാരൽ ക്രൂഡ് ഉത്പാദന ശേഷിയുള്ള '<a href="http://www.offshore-technology.com/projects/bonga/" target="_blank">ബോംഗ</a>' എണ്ണയുത്പാദന കേന്ദ്രം പൂട്ടിയെന്നാണ്. ആഗോള പെട്രോളിയം വിലവർദ്ധനയിൽ ഒരു ചെറുകണ്ണിയാകാൻ ഈ വാർത്തയ്ക്കാവുകയും ചെയ്തു. </p><p>മെൻഡ് (MEND- Movement for the Emancipation of the Niger Delta) എന്ന സംഘടനയിൽ പെട്ടവർ സ്പീഡ് ബോട്ടിൽ ആയുധധാരികളായി എത്തി ഈ ഉത്പാദന കേന്ദ്രം (കരയിൽ നിന്നും ഏകദേശം 120 കി.മീ അകലെയാണിത്) ആക്രമിച്ചു എന്നാണ് വാർത്ത വന്നത്.പിന്നീട് ഇത് ഈ സംഘടന ഏറ്റെടുക്കുകയും ചെയ്തു. എന്നാൽ ഈ ആഴ്ച തികച്ചും വ്യത്യസ്തമായ റിപ്പോർട്ടുകളാണ് വരുന്നത്. </p><p>ഇവിടെ ഒട്ടുമിക്ക എല്ലാ കമ്പനികളുടെയും സെക്യൂരിറ്റി ചുമതലകൾ പ്രൈവറ്റ് സുരക്ഷാ ഏജൻസികൾക്ക് നൽകുകയാണ് പതിവ്, മേൽനോട്ടം വഹിക്കാൻ അതാത് കമ്പനികൾക്ക് പ്രത്യേക സുരക്ഷാ വിഭാഗം തന്നെയുണ്ടാവുമെങ്കിലും. (സുരക്ഷാ നടപടികൾക്ക് മിലിട്ടറി സംഘത്തെപ്പോലും വേണെമെങ്കിൽ കരാർ അടിസ്ഥാനത്തിൽ ലഭ്യമാണ്) ഷെൽ ന്റെ ബോംഗാ പ്രദേശത്ത് ചുമതലയുള്ള പ്രൈവറ്റ് സെക്യൂരിറ്റി കമാൻഡൊകൾ, അവർക്ക് മൂന്ന് മാസമായി വേതനം നൽകാത്തതിന്റെ പേരിൽ സമരമാർഗ്ഗമായി കണ്ടതാണ് ഈ അടച്ച് പൂട്ടലും അക്രമവും എന്നൊക്കെയാണ് പുതിയ വാർത്തകൾ. ശരിയായ രീതിയിലുള്ള വാർത്താവിനിമയം നടക്കാത്തതിന്റെ അഭാവം, ഷെൽ ന്റെ അധികാരികളെ ആശയകുഴപ്പത്തിലാക്കി എന്നു വേണം കരുതാൻ. </p><p>ഏതായാലും പ്ലാന്റ് ഈ കഴിഞ്ഞ ചൊവ്വാഴ്ചമുതൽ വീണ്ടും പ്രവർത്തനം ആരംഭിച്ചു എന്ന് കേൾക്കുന്നു, അത് പക്ഷേ അത്ര വലിയ വാർത്തയായി ഒരു മാധ്യമത്തിലും കണ്ടില്ല. ലോക പെട്രോളിയം വിലകയറ്റത്തിലേക്ക് ചെറുതല്ലാത്ത സംഭാവനകൾ ഇത്തരം വാർത്തകൾ സൃഷ്ടിക്കുന്ന ആശയകുഴപ്പങ്ങൾ നൽകുന്നുണ്ടന്നത് വെച്ച് നോക്കുമ്പോൾ ഒരുപാട് രാഷ്ട്രീയ ലക്ഷ്യങ്ങൾ ഇത്തരം വാർത്തകൾ സൃഷ്ടിക്കുന്നവർക്കും ഉണ്ട് എന്ന് മനസ്സിലാക്കേണ്ടിയിരിക്കുന്നു.</p><p>ബാങ്കിംഗ് രംഗത്തെ കുതിച്ച് കയറ്റം,വൻ സാമ്പത്തിക വളർച്ചാനിരക്ക്, 2010 ഓട് കൂടി പ്രതിദിനം 4 മില്ല്യൺ ബാരൽ ക്രൂഡ് ഉത്പാദന/കയറ്റുമതി ലക്ഷ്യം, തുടങ്ങിയവയൊക്കെ നൈജീരിയയുടെ ഇതര മേഖലകളിലുള്ള മാറ്റത്തെയും സ്വാധീനിക്കുണ്ട്; സാധാരണ ജനജീവിതത്തെ എത്രമാത്രം സഹായിക്കുമെന്ന് അറിയില്ലെങ്കിലും. പുതിയ പുതിയ റോഡുകളും പാലങ്ങളും കെട്ടിട സമുച്ചയങ്ങളും ഉൾപ്പെടുന്ന നിർമ്മാണപ്രവർത്തനങ്ങളിൽ ഗവൺമന്റ് മുഴുകികഴിഞ്ഞു.നിരവധി പുതിയ പദ്ധതികൾക്ക് തുടക്കമിട്ടുകഴിഞ്ഞ സർക്കാരിന്റെ നടപടികളിൽ പക്ഷേ വിലകയറ്റത്തെ പിടിച്ച് നിർത്താനുള്ളതൊന്നും ഇല്ലന്നാണ് സാധാരണക്കാരന്റെ വേവലാതി.</p><p>ഇതൊക്കെതന്നെയാണ് ഇപ്പോഴത്തെ വിശേഷങ്ങൾ, ബാക്കിയൊക്കെ അടുത്ത കത്തിൽ. നിന്റെ വിശേഷങ്ങൾ അറിയിക്കുമല്ലോ, പുതിയ പ്രോജക്റ്റുകളെ പറ്റിയും.</p><p>സ്നേഹപൂർവ്വം</p><p>-അലിഫ്</p><div class="blogger-post-footer"><img width='1' height='1' src='https://blogger.googleusercontent.com/tracker/34168119-8388033297311621290?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com10tag:blogger.com,1999:blog-34168119.post-61188532777821976152007-09-26T16:47:00.000+01:002008-12-09T19:40:22.195+01:00അപ്പോഴേ പറഞ്ഞില്ലേ...,!<div align="left">നൈജീരിയ വിശേഷങ്ങളിലെ കഴിഞ്ഞ പോസ്റ്റിന്റെ വിഷയം പത്രമാദ്ധ്യമങ്ങളിലും..! നൈജീരിയ പോലുള്ള പ്രദേശങ്ങളിലെ വന്കിട ജോലി വാഗ്ദാനതട്ടിപ്പുകളില് കുടുങ്ങിയവര് നിരവധിയത്രേ. ഇത് കേരളകൗമുദി പത്രം സെപ്റ്റംബര് 21 ന്റെ ഓണ്ലൈന് പ്രിന്റ് എഡിഷനില് നിന്നും..<br /><br /></div><a href="http://3.bp.blogspot.com/_ZmropMUj2cE/RvqAEwjnJKI/AAAAAAAAALo/mblh15Ukz8E/s1600-h/News+clipings+-sep21.jpg"><img id="BLOGGER_PHOTO_ID_5114541146074719394" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://3.bp.blogspot.com/_ZmropMUj2cE/RvqAEwjnJKI/AAAAAAAAALo/mblh15Ukz8E/s200/News+clipings+-sep21.jpg" border="0" /><br /><p align="center"></a>(ചിത്രം വലുതായികാണുവാന് അതില് ക്ലിക്ക് ചെയ്താല് മതി) </p><br /><p align="left">ഫ്രാന്സിസ് എന്നൊരാള് നല്കിയ പരാതിയെകുറിച്ചാണു വാര്ത്ത. ജോലിവാഗ്ദാന തട്ടിപ്പില് പെട്ട് 72000 രൂപയോളം നഷ്ടപെട്ടുവത്രേ. ഈ വാര്ത്തയില് പറഞ്ഞിരിക്കുന്നതും നൈജീരിയ പോസ്റ്റില് മാതൃകയാക്കി കാണിച്ചിരുന്നതും ഷെവ്റോണ് എന്ന മള്ട്ടിനാഷണല് കമ്പനിയുടെ പേരില് നടന്ന തട്ടിപ്പാണന്നത് യാദൃശ്ചികമാകാം.<br /><br />ഒരു മള്ട്ടിനാഷണല് കമ്പനിയും ജോലി നല്കുവാന് വേണ്ടി അങ്ങോട്ട് പണമൊന്നും വാങ്ങില്ല എന്ന സാമാന്യബോധം മാത്രം മതി ഇത്തരം തട്ടിപ്പുകളില് കുടുങ്ങാതിരിക്കുവാന്. ഓണ്ലൈന് ജോലി തട്ടിപ്പുകളില് പെട്ട് പണം നഷ്ടപെടാതിരിക്കുവാന് വളരെയധികം സൂക്ഷിക്കുക.<br /><br />വാര്ത്തയ്ക്ക് കടപ്പാട്: കേരള കൗമുദി ഓണ്ലൈന് പ്രിന്റ് എഡിഷന്- സെപ്റ്റംബര്21</p><div class="blogger-post-footer"><img width='1' height='1' src='https://blogger.googleusercontent.com/tracker/34168119-6118853277782197615?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com8tag:blogger.com,1999:blog-34168119.post-57270436298446867562007-09-05T16:37:00.000+01:002008-12-09T19:40:22.397+01:00നൈജീരിയ - തൊഴില് മേഖലയും തട്ടിപ്പുകളും.കുറച്ചു നാളുകള്ക്ക് മുന്പ് ബ്ലോഗിലെ ചില സുഹൃത്തുക്കള് സമാനമായ കുറച്ചു മെയിലുകള് അയക്കുകയുണ്ടായി.വിഷയം സുഹൃത്തുക്കളുടെയോ, ബന്ധുക്കളുടേയോ നൈജീരിയയിലേക്കുള്ള ജോബ് റിക്രൂട്ട്മെന്റിനെ സംബന്ധിച്ചുള്ള സംശയകരമായ ഇ-മെയില് സന്ദേശങ്ങളെ കുറിച്ചുള്ളതാണ്. ഒപ്പം ഏതാണ്ട് ഇതേ വിഷയത്തില് നാട്ടിലെ നിരവധി സുഹൃത്തുക്കളും അന്വേഷിച്ചിരുന്നു. വളരെയധികം പേര് കബളിപ്പിക്കപ്പെടാനിടയുള്ള ഒരു വിഷയമായതിനാല് തന്നെ ബ്ലോഗില് താല്ക്കാലികമായി സജീവമല്ലായെങ്കിലും ഒരു കുറിപ്പ് ആകാമെന്ന് കരുതുന്നു.<br /><br />ഓണ്ലൈന് തട്ടിപ്പുകളുടെ പറുദീസയായ നൈജീരിയയിലെ പുതിയ ഇനം തട്ടിപ്പുകളിലൊന്നാണീ ഇ-മെയില് റിക്രൂട്ട്മന്റ് എജന്സികള് എന്നറിയുക. മോണ്സ്റ്റര്.കോം പോലുള്ള ജോബ് സൈറ്റുകളില് രെജിസ്റ്റര് ചെയ്യുന്നതില് നിന്നുമൊക്കെയാണ്, റിക്രൂട്ട്മന്റ് നടത്തേണ്ടവരുടെ ഇ-മെയില് ഐ.ഡി.കള് ഇവര് കരസ്ഥമാക്കുന്നത് എന്ന് മനസ്സിലാക്കേണ്ടിയിരിക്കുന്നു. പിന്നെ, മാതൃകയായി വിശകലനം ചെയ്ത മിക്ക ഉദ്യോഗാര്ത്ഥികളുടെയും മെയില് ഐ.ഡി. റെഡിഫ് ഡോട്ട് കോം ആണന്നത് ഒരു പക്ഷേ യാദൃശ്ചികമായിരിക്കാം.<br /><br />നിങ്ങളുടെ പ്രൊഫഷനു ഏറക്കുറെ അനുയോജ്യമായ തരത്തിലുള്ള ഒരു ജോലിക്ക് നൈജീരിയയില് പ്രവര്ത്തിക്കുന്ന ചെറുതും വലുതുമായ മള്ട്ടിനാഷണല് കമ്പനികളിലേതിലെങ്കിലും നിങ്ങളെ തിരഞ്ഞെടുത്തുവെന്ന് അറിയിക്കുന്ന ഇ-മെയില് സന്ദേശത്തോടെയാണ് തുടക്കം. ആദ്യമെയിലുകളില് മിക്കവാറും ഏതെങ്കിലും ജോബ് സൈറ്റുകളുടെ റെഫറന്സ് കൊടുത്തിട്ടുണ്ടാകും. ചിലപ്പോള് ഒരു വിശ്വാസ്യതയ്ക്കായി നിങ്ങളുടെ സര്ട്ടിഫിക്കറ്റുകളുടെ കോപ്പി ചോദിക്കുവാനും ഇടയുണ്ട്.പിന്നെ എന്തായാലും രണ്ട് മൂന്ന് ദിവസം കഴിഞ്ഞേ പ്രതികരണം ഉണ്ടാകുകയുള്ളൂ..കമ്പനിയുമായി ഇടപാടുനടത്തി നിങ്ങളുടെ ജോലി ഉറപ്പാക്കാനുള്ള കുറഞ്ഞ സമയമെങ്കിലും വേണ്ടേ..!!. നിങ്ങള് ആ കടമ്പ കടന്നു എന്നറിയിക്കുന്ന മെയില് തൊട്ടുപുറകെ എത്തും. മിക്കവാറും അതിന്റെ ഒപ്പമോ അല്ലെങ്കില് പ്രത്യേകമായോ, ഏതു കമ്പനിയിലേക്കാണോ നിങ്ങളെ തിരഞ്ഞെടുത്തത്, അവരുടെ തന്നെ ലെറ്റര് ഹെഡില് (ചിത്രം നോക്കുക) ജോലിയിലേക്ക് നിങ്ങളെ ക്ഷണിച്ച് കൊണ്ടുള്ള ഒരു കത്തും ,പിന്നെ ജോബ് കോണ്ട്രാക്റ്റ് ഒപ്പ് വെയ്ക്കുന്നതിലേക്ക് ഒരു റിക്രൂട്ടിംഗ് ഏജന്സിയെ ചുമതലപ്പെടുത്തികൊണ്ടുമൊക്കെയുള്ള കത്തിന്റെ കോപ്പി,തുടങ്ങിയവ ചിലപ്പോള് എം.എസ്. വേര്ഡില് റ്റൈപ്പ് ചെയ്തോ, അല്ലെങ്കില് കുറച്ച് കൂടി 'ഉറപ്പ്' തോന്നിപ്പിക്കുവാന് പ്രിന്റ് എടുത്തതിന്റെ സ്കാന് കോപ്പിയോ ആകും അയച്ചുകിട്ടുക. മിക്കവാറും ഇതില് കണ്ടാല് മോഹിപ്പിക്കുന്ന തരത്തിലുള്ള ഒരു 'സാലറിയും' അവര് പറഞ്ഞിട്ടുണ്ടാകും..ഇത് ഏകദേശം പ്രതിമാസം 20000 ഡോളര് മുതല് 30000 ഡോളര് വരെ ആകാം..ചില ഭാഗ്യവാന്മാര്ക്ക് 35000-40000 ഡോളറിനു മുകളിലും..!! ഇത് ഇവിടുത്തെ എല്ലാവിധ ചിലവുകള്ക്കും ശേഷം, ടാക്സ് ഫ്രീ ആയിട്ട് തന്നെ നാട്ടിലെ ബാങ്കിലെ അക്കൗണ്ടില് ഇട്ട് തരും എന്നൊക്കെ പറയും. പിന്നെയും ചിലപ്പോള് ഒന്ന് രണ്ട് ദിവസം..വിസ, എമിഗ്രേഷന് ഒക്കെ ശരിയാക്കണ്ടേ..!!<br /><br /><br /><p><a href="http://4.bp.blogspot.com/_ZmropMUj2cE/Rt7OpAZr45I/AAAAAAAAAKQ/xq8_kaplIqo/s1600-h/Joli+thattippu-+sample+letter.jpg"><img id="BLOGGER_PHOTO_ID_5106746231362413458" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://4.bp.blogspot.com/_ZmropMUj2cE/Rt7OpAZr45I/AAAAAAAAAKQ/xq8_kaplIqo/s400/Joli+thattippu-+sample+letter.jpg" border="0" /></a><br /><br />ഇതിനിടയില് നിങ്ങള് അയക്കുന്ന ഓരോ സംശയദുരീകരണ അന്വേഷണ മെയിലുകള്ക്കും അവര് മറുപടിയും തരും, ഒപ്പം നിങ്ങളുടെ വിശ്വാസം പിടിച്ചുപറ്റും വിധത്തിലുള്ള പുതിയ പുതിയ ഓഫറുകളും അയച്ചുകൊണ്ടിരിക്കും. കഴിഞ്ഞ മാസത്തില് എന്റെ കമ്പനിയില് എത്തിയ സുഹൃത്തിനും(ഇദ്ദേഹം ദുബയില് നിന്നും കമ്പനിയുടെ നേരിട്ടുള്ള റിക്രൂട്ട്മന്റ് വഴി എത്തിയതാണ്)ഇതേ അനുഭവം ഉണ്ട്..ഇദ്ദേഹത്തിനു കിട്ടിയ മെയിലുകളില്, ഇവിടെ കൊടുക്കാന് പോകുന്ന 'ലാപ് ടോപ്പിന്റെ' സ്പെസിഫിക്കേഷന് , മൊബെയില് ഫോണ് കണക്ഷന്റെ വിശദാംശങ്ങള് തുടങ്ങിയവ വരെ അയച്ചുകൊടുത്തിരുന്നുവത്രേ..<br /><br />ഇവിടുത്തെ താമസസൗകര്യത്തിന്റെ വിവരണം, ഓഫീസ് സൗകര്യങ്ങള്, ഉദ്യോഗാര്ത്ഥിയ്ക്കും ഫാമിലിയ്ക്കും കിട്ടുന്ന മറ്റ് സൗകര്യങ്ങള്,അവധി ദിനങ്ങളുടെയും, ഇന്ഷുറന്സിന്റെയും മറ്റും വിശദാംശങ്ങള് തുടങ്ങിയവയെല്ലാം പടിപടിയായോ, ഒരുമിച്ചോ നിങ്ങളെ അറിയിച്ചുകൊണ്ടിരിക്കും.<br /><br />നിങ്ങളുടെ വിശ്വാസം ഏതാണ്ട് ആര്ജ്ജിച്ച് കഴിയുമ്പോളാകും ( അല്ലെങ്കില് ഇര എതാണ്ട് ചൂണ്ടയില് കൊത്തിയെന്ന് അവര്ക്ക് തോന്നുമ്പോള്..) ഇവിടുത്തെ എന്തെങ്കിലും ഒരു തടസ്സ കാരണം (അത് മിക്കവാറും സത്യവും ആയിരിക്കും- ഒരു ബ്ലോഗ് സുഹൃത്തിന്റെ മെയില് വരുമ്പോള് ഇവിടെ പ്രസിഡെന്ഷ്യല് ഇലക്ഷന്റെ തിരക്കായിരുന്നു..അതു തന്നെ ആണെന്ന് തോന്നുന്നു അന്ന് കാരണമായി പറഞ്ഞിരുന്നത്..! )വിസ പ്രോസസിംഗിനും ഇമിഗ്രേഷനും ഒക്കെ അപ്രതീക്ഷിതമായി ഉണ്ടായി എന്ന് പറഞ്ഞ് കൊണ്ടുള്ള മെയില് അയക്കുകയാണീ തട്ടിപ്പിന്റെ അടുത്തപടി. അതിനോടൊപ്പം തന്നെയോ, അല്ലെങ്കില് പ്രത്യേകമായോ, ഈ തടസ്സം മാറ്റാന് കുറച്ച് ചിലവുണ്ടന്നും, അതിലേക്കായി തല്ക്കാലം ചില്ലറ ഡോളര്' അയക്കണമെന്നും കാണിക്കുന്ന മെയില് ലഭിക്കും. ഇത് മിക്കവാറും 1000 മുതല് 3000 ഡോളര് വരെ ആകാം. അതിനപ്പുറം പോകാറില്ലന്നണു മനസ്സിലാക്കുവാന് കഴിഞ്ഞത്. ഈ തുക തല്ക്കാലം ഉദ്യോഗാര്ത്ഥി കൊടുക്കുകയും പിന്നീട് ജോലിക്ക് എടുക്കുന്ന സ്ഥാപനം റീഫണ്ട് ചെയ്യുമെന്നും അതാത് 'കമ്പനി ലെറ്റര് ഹെഡില്' അവരുടെ ഹ്യൂമന് റിസോര്സ് മാനേജര്മാരെ കൊണ്ട് എഴുതി ഒപ്പിട്ട് വാങ്ങി നിങ്ങള്ക്ക് അയച്ചു തന്നാല് പിന്നെ എങ്ങിനെ വിശ്വസിക്കാതിരിക്കും..! (ചില ഏജന്സികള് ഇതെല്ലാം കൂടി ഒന്നോ രണ്ടോ മെയിലുകളില് ഒതുക്കുമ്പോള് മറ്റു ചിലരാകട്ടെ, ഇതൊരു വലിയ പ്രോസസ്സ് ആയി ചിത്രീകരിച്ച് വിശ്വാസം പിടിച്ച് പറ്റും..!)<br /><br />20000- 30000 യു എസ് ഡോളര് ഒക്കെ പ്രതിമാസ ശമ്പള സാധ്യതയുള്ള ഒരു 'മള്ട്ടിനാഷണല് കമ്പനി ജോലിക്ക് ഈ 1000-3000 ഡോളര് ചിലവ് 9അതും റീഫണ്ട് ചെയ്യപ്പെടുന്നത്..!!) വലിയ ഒരു സംഭവമാണോ എന്ന് ചിന്തിയ്ക്കുന്ന 'മിടുക്കന്' മാരെ തന്നെയാണ് ഇവര് ലക്ഷ്യമിടുന്നത്..!! ഈ തുക നിങ്ങള് നേരിട്ട് അയക്കണമെന്നില്ല, മണിട്രാന്സ്ഫര് വഴി കിട്ടിയാലും മതി..അല്ലെങ്കില് ക്രഡിറ്റ് കാര്ഡ് മുഖാന്തിരമുള്ള ട്രാന്സ്ഫര്..! (എന്തെല്ലാം സൗകര്യങ്ങള്, അല്ലെ...!!)<br /><br />ഇത്തരം ജോലി വാഗ്ദാന മെയിലുകള് സുഹൃത്തുക്കള്ക്കോ ബന്ധുക്കള്ക്കോ നിങ്ങള്ക്ക് തന്നെയോ ലഭിക്കുമ്പോള് ഒരു കാര്യം മാത്രം ചിന്തിയ്ക്കുക.. ഇത്രയും അധികം തുക പ്രതിമാസം ശമ്പളം പറ്റുവാന് അര്ഹതയുണ്ടോ..ഒരു സ്വയം വിലയിരുത്തല്..ഉണ്ട് എന്ന് തോന്നിയാല് ,ഇത്ര വിലയേറിയ സേവനം തേടുകയും, അതിനു ഇത്രയും അധികം തുക ശമ്പളമായി തരാന് കെല്പ്പുള്ള സ്ഥാപനത്തിനു ഈ കാലഘട്ടത്തില് എന്തായാലും ഒരു വെബ് സൈറ്റ് എങ്കിലും ഉണ്ടാകാന് സാധ്യതയുണ്ടെന്ന് ഓര്ക്കുകയും, ഒന്ന് പരതിനോക്കാനുള്ള വ്യഗ്രതയും കാട്ടുക.<br /><br />നൈജീരിയയില് പ്രവര്ത്തിക്കുന്ന മിക്ക മള്ട്ടിനാഷണല് കമ്പനികളുടെയും വെബ് സൈറ്റുകളിലെ കരിയര്- ജോബ് വിഭാഗത്തിന്റെയും ആദ്യ പേജില് തന്നെ 'ഞങ്ങളുടെ തെരഞ്ഞെടുക്കപ്പെട്ട ഉദ്യോഗാര്ത്ഥികള് ഒരു കാരണവശാലും ഒരു തുകയും എവിടെയും അടയ്ക്കേണ്ട അവസ്ഥ ഇല്ലെന്നും, അങ്ങിനെ നടക്കുന്നുണ്ടെങ്കില് അത് തികച്ചും ഫ്രോഡ് റിക്രൂട്ട്മന്റ് ആണെന്നും' കാണിക്കുന്ന ഒരു അറിയിപ്പ് ഉണ്ടാകും.( ഇതൊക്കെ ഈ അടുത്ത കാലത്ത് ചേര്ത്തതാണ്, അത്രയധികം തട്ടിപ്പു നടക്കുന്നുണ്ട് എന്നതിനു വേറെ തെളിവു വേണോ.)<br /><br />അതുപോലെ തന്നെ , ഞാന് നേരിട്ട് അന്വേഷിച്ചിടത്തോളം, നൈജീരിയയിലെ മിക്കവാറും വമ്പന് കമ്പനികള് ഒന്നും തന്നെ ഇങ്ങിനെ പ്രൈവറ്റ് എജന്സി വഴിയായി റിക്രൂട്ട്മന്റ് നടത്തുന്നില്ല. ഇവരോട് ചേര്ന്ന് പ്രവര്ത്തിക്കുന്ന ചില കോണ്ട്രാക്റ്റ് സ്ഥാപനങ്ങളും മറ്റും ( ഇത് മിക്കവാറും നൈജീരിയന് ഒറിജിന് ആകും) ജോലിക്ക് ആളെ എടുക്കാറുണ്ട്, പക്ഷേ അവര്ക്ക് ഈ യഥാര്ത്ഥ കമ്പനികളിലെ ഉദ്യോഗസ്ഥര്ക്ക് കിട്ടുന്ന യാതൊരു വിധ ആനൂകൂല്യങ്ങള്ക്കും, ജീവിത സൗകര്യങ്ങള്ക്കും അര്ഹതയുണ്ടാവാറില്ല. വിദേശികളെ തട്ടികൊണ്ട് പോകുന്നതുള്പ്പെടെ തികച്ചും അപകടകരമായ (<a href="http://nigeriadiary.blogspot.com/2006/10/blog-post_02.html" target="_blank">ഇക്കാര്യങ്ങള്</a> വിശദമായി നൈജീരിയ ഡയറിയില് മുന്പ് എഴുതിയിരുന്നു) തൊഴില് മേഖലയിലേക്ക് വരുവാന് തയ്യാറെടുക്കും മുന്പ്, വളരെ വ്യക്തമായും കൃത്യമായും ജോലി ചെയ്യാന് പോകുന്ന സ്ഥാപനത്തോട് നേരിട്ട് തന്നെ അന്വേഷിച്ച് തീരുമാനമെടുക്കേണ്ടതുണ്ട്.<br /><br />ചില തൊഴില് സേവന ഏജന്സികള്, നിങ്ങള്ക്ക് ഇങ്ങോട്ടുള്ള യാത്രപ്പടി ഇപ്പോള് തന്നെ നാട്ടിലെ ബാങ്ക് അക്കൗണ്ടില് ജോലി കിട്ടാന് പോകുന്ന കമ്പനി വഴി എത്തിക്കാമെന്ന് പറയും.,ലക്ഷ്യം ഒന്നേയുള്ളൂ..നിങ്ങളുടെ ബാങ്ക് അക്കൗണ്ട് നമ്പര് കരസ്ഥമാക്കുക.!ഓണ്ലൈന് ബാങ്കിംഗ് ഇടപാടുകള് നടത്തരുത്,അല്ലെങ്കില് വളരെ അധികം കരുതലോടെ മാത്രം നടത്തുക എന്ന് ഇന്ത്യന് ഹൈക്കമ്മിഷന് തന്നെ നൈജീരിയയിലെ ഇന്ത്യന് വംശജര്ക്ക് സര്ക്കുലര് അയച്ച് മുന്നറിയിപ്പ് കൊടുത്തിട്ടുണ്ട്.<br /><br />ഇനി ഇവിടുത്തെ തൊഴില് മേഖലയെകുറിച്ചുകൂടി ചുരുക്കി പറയാം. വളരെ അധികം തൊഴില് സാധ്യതകള് ഉള്ള സ്ഥലം തന്നെയാണു നൈജീരിയ. പെട്രോളിയം അനുബന്ധവ്യവസായങ്ങളില് ഏര്പ്പെട്ടിരിക്കുന്ന ഒട്ടുമിക്ക മള്ട്ടിനാഷണല് കമ്പനികളും ഇവിടെ പ്രവര്ത്തിക്കുന്നു. ഇവയില് മിക്കതിന്റെയും പ്രവര്ത്തനമേഖല പെട്രോളിയം സിറ്റി എന്നറിയപ്പെടുന്ന പോര്ട്ട് ഹാര്കോര്ട്ടിലും പരിസരങ്ങളിലുമാണ്. പ്രധാന ഓഫീസുകള് പഴയ തലസ്ഥാനമായ ലാഗോസ്, ഇപ്പോഴത്തെ തലസ്ഥാനനഗരിയായ അബുജ തുടങ്ങിയ സ്ഥലങ്ങളിലും. (പ്രധാനപ്പെട്ട രണ്ട് പോര്ട്ടുകള് ഉള്പ്പെടുന്ന 'ഒന്നേ' ഓയില്& ഗ്യാസ് ഫ്രീ സോണില് ആണു ഞാനിപ്പോള് ഉള്ളത്. നേരത്തെ പോര്ട്ട് ഹാര്കോര്ട്ടിനടുത്ത് അമാദി ക്രീക്ക് എന്ന പ്രദേശത്തും - ഒന്നേ പ്രദേശത്തെ പരാമര്ശിക്കുന്ന കുറിപ്പ് <a href="http://nigeriadiary.blogspot.com/2006/10/blog-post_116136843998695795.html" target="_blank">ഇവിടെ</a>) ഷെല്, മോബില്, ഷെവ്റോണ്, ടോട്ടല്, തുടങ്ങിയ വമ്പന് മള്ട്ടിനാഷണല് കമ്പനികളോടൊപ്പം, നൈജീരിയ ലിക്വിഡ് & നാചുറല് ഗ്യാസ് [NLNG] , നൈജീരിയ പെട്രോകെമിക്കല്സ് തുടങ്ങിയ തദ്ദേശീയ സ്ഥപനങ്ങളിലും ധാരാളം തൊഴില് അവസരങ്ങളുണ്ടാകാറുണ്ട്. ഒരു വര്ഷം മുന്പ് ഇവിടെ പ്രവര്ത്തനം തുടങ്ങിയ ഇന്ത്യന് -ഇന്തോനേഷ്യന് സംരംഭമായ ഇന്തോരമ (ഇവിടെ നിന്നാണ് കുറച്ച് നാളുകള്ക്ക് മുന്പ് -കഴിഞ്ഞ മെയ് മാസ്ത്തില് - കുറച്ച് ഭാരതീയരെ തട്ടികൊണ്ട് പോയതും വാര്ത്തയായതും) യില് 90 ശതമാനത്തിലധികം ഉദ്യോഗസ്ഥരും ഭാരതീയരാണ്. ലാഗോസ് കേന്ദ്രമാക്കി പ്രവര്ത്തിക്കുന്ന നിരവധി കമ്പനികളിലും ഭാരതീയര് ധാരാളമായുണ്ട്, മലയാളികളും. ( നിരവധി ഇന്ത്യന് കമ്പനികള് നൈജീരിയയില് ഉണ്ടെങ്കിലും, സേവന വേതന വ്യവസ്ഥകളും, അവധി ദിനങ്ങളുടെ ക്രമീകരണവും ഒന്നും അത്ര മെച്ചമാണെന്ന് കേട്ടിട്ടില്ല, വിശദമായി അറിയില്ല.)<br /><br />ഇവിടെ കമ്പനികള് ഗസ്റ്റ് ഹൗസുകളിലോ, സ്വന്തം ക്യാമ്പുകളിലോ, അല്ലെങ്കില് പുറത്ത് വലിയ വീടുകള് എടുത്ത് കൊടുത്തോ ആണ് നേരത്തെയൊക്കെ ഉദ്യോഗസ്ഥര്ക്ക് താമസസൗകര്യം ഒരുക്കിയിരുന്നത്.സ്വന്തം നിലയില് വീടുകള് വാടകയ്ക്ക് എടുത്ത് താമസിക്കുവാനും അനുവദിച്ചിരുന്നു. എന്നാല് ഇപ്പോള് തട്ടികൊണ്ട് പോകല് പോലുള്ള ഭീക്ഷണികള് നിലനില്ക്കുന്നതിനാല്(ഇപ്പോള് പോര്ട്ട് ഹാര്കോര്ട്ട്-ഒന്നേ പ്രദേശങ്ങള് ഉള്പ്പെടുന്ന റിവര് സ്റ്റേറ്റില് കര്ഫ്യൂ പ്രഖ്യാപിച്ചിരിക്കുകയാണ്) മിക്ക കമ്പനികളും വളരെ അധികം സുരക്ഷാസംവിധാനങ്ങളോടെ സ്വന്തമായി ക്യാമ്പ് ഉണ്ടാക്കുകയോ, ഇത്തരം ക്യാമ്പുകള് വാടകയ്ക്ക് എടുത്ത് താമസസൗകര്യം ഒരുക്കുകയോ ചെയ്യാന് നിര്ബന്ധിതരായിരിക്കുന്നു.പുറത്തേക്കുള്ള യാത്ര തുടങ്ങിയവയ്ക്കും വളരെയധികം സുരക്ഷാക്രമീകരണങ്ങള് ഉണ്ട്.<br /><br />ഇവിടെ ഇപ്പോള് മിക്ക കമ്പനികളും ഫാമിലിയെ കൊണ്ട് വരുന്നത് പ്രോത്സാഹിപ്പിക്കുന്നില്ല എന്നറിയുക. പോര്ട്ട് ഹാര്കോര്ട്ടില് ഉണ്ടായിരുന്ന ഇന്ത്യന് സ്കൂള് ഉള്പ്പെടെ പൂട്ടികഴിഞ്ഞു..(ഇവിടുത്തെ സ്ഥിതിവിശേഷങ്ങള് മാറി വരുന്ന മുറയ്ക്ക് ഇതെല്ലാം പുനസ്ഥാപിക്കപെടുമായിരിക്കാം..!) എന്റെ കമ്പനിയിലെ വനിതാ സ്റ്റാഫ് ഒക്കെ അവധിക്കുപോയിട്ട് തിരികെ വരാനാകാതെ കുഴങ്ങിയിരിക്കുകയാണ്. യൂറോപ്യന് -ഇന്ത്യന് കമ്പനികളിലെവിടെയും ഇപ്പോള്സ്ത്രീകളെയും കുട്ടികളെയും കൊണ്ടുവരുവാന് അനുവദിക്കുന്നില്ല.<br /><br />മിക്ക റെസിഡെന്ഷ്യല് ക്യാമ്പുകളും വളരെ മനോഹരവും സൗകര്യപ്രദമായ താമസത്തിനു പറ്റിയതുമാണ്,കാലാവസ്ഥയും (പ്രത്യേകിച്ച് പോര്ട്ട് ഹാര്കോര്ട്ട്/ ഒന്നേ പ്രദേശങ്ങള് ഉള്പ്പെടുന്ന റിവര് സ്റ്റേറ്റ്) എന്തുകൊണ്ടും നല്ലത് തന്നെയാണ്..മഴയും അത്ര അധികമല്ലാത്ത ചൂടും ആണ് മിക്കവാറും. ഞാന് നേരത്തെ താമസിച്ചിരുന്ന അമാദി ക്രീക്ക് പ്രദേശമൊക്കെ ഏതാണ്ട് കുട്ടനാടിനു തുല്യം മനോഹരമാണ്.തെങ്ങുകളും കായലും, വാഴയും ചേമ്പും ചേനയുമൊക്കെ കണ്ടാല് നാട്ടിലെത്തിയ പ്രതീതി തന്നെയാണ്. ക്യാമ്പിനും തൊഴിലിടത്തിനും പുറത്തേക്കുള്ള യാത്രയ്ക്കൊക്കെ പരിമിതികള് ഒക്കെയുണ്ടെങ്കിലും, മിക്ക കമ്പനികളും വര്ഷത്തില് കുറഞ്ഞത് മൂന്ന് നാലു തവണയെങ്കിലും നാട്ടില് പോകാന് ടിക്കറ്റും അവധി ശമ്പളവുമുള്പ്പെടെ നല്കുന്നുവെന്നതിനാല് അത്ര ബുദ്ധിമുട്ട് തോന്നാറില്ലന്നാണ് ഞാന് സംസാരിച്ച മിക്ക ഇന്ത്യാക്കാരുടെയും അഭിപ്രായം. 100-20, 90 -20,90-30, 60 -25 തുടങ്ങി പലവിധമായ ജോലി-അവധി ദിന ക്രമീകരങ്ങള് ഉണ്ട്, ജോലിചെയ്യുന്ന സ്ഥാപനത്തെയും, ജോലിചെയ്യുന്ന ഫീല്ഡിനെയും ആശ്രയിച്ചാണ് ഇതൊക്കെ. എന്റെ ഒരു സുഹൃത്ത് വര്ഷത്തില് പകുതി ദിനങ്ങള് നാട്ടിലും, ബാക്കി ഇവിടെയുമാണ്.60 ദിവസം ജോലി -60 ദിവസം അവധി കൂടെ 2 ദിവസം വെച്ച് ഓരോ അവധിക്കും യാത്രാ സമയവും. (പക്ഷെ ഇത്തരത്തിലാണെങ്കില് അവധി ദിനങ്ങളില് പകുതി ശമ്പളമേ ചില കമ്പനികളില് നല്കാറുള്ളൂ) ഇപ്പോള് ഈ തരം അവധിക്രമീകരണങ്ങള് എല്ലാം ഫാമിലി നാട്ടിലാകുന്നത് കൊണ്ടാണ്, അല്ലെങ്കില് വര്ഷത്തില് ഒരിക്കല് ആകും, എങ്കിലും മൊത്തം കുടുംബത്തിന്റെയും സകലവിധയാത്രാ ചിലവുകളും മറ്റും കമ്പനികള് തന്നെ വഹിച്ചിരുന്നു.<br /><br />ഇവിടെ മിക്ക കമ്പനികളും ശമ്പളം യു.എസ്. ഡോളറില് നാട്ടിലെ ബാങ്കില് നിക്ഷേപിക്കുകയാണ് ചെയ്യുക. പിന്നെ ഇവിടുത്തെ പ്രാദേശിക ചിലവുകള്ക്കായി മറ്റൊരു തുക (അത്യാവശ്യം അതില് നിന്നും വേണമെങ്കില് നമുക്ക് മിച്ചം പിടിക്കാം..!!) കൊടുക്കും, അത് ഇവിടുത്തെ കറന്സിയായ 'നൈറ' യില് ആയിരിക്കും. കമ്പനി വക മെസ്സ് / റെസ്റ്റാറന്റ് സൗകര്യം ഉപയോഗിക്കുന്നവര്ക്ക് പ്രാദേശിക അലവന്സ് കുറവോ, ഒട്ടും തന്നെ ഇല്ലാതെയും ആകാം. ഇപ്പോഴത്തെ വിനിമയ നിരക്ക് 130 -129 നൈറയ്ക്ക് ഒരു ഡോളര് എന്നതാണ്.<br /><br />സാമ്പത്തികമായും മറ്റും മിഡില് ഈസ്റ്റ് നെക്കാളും (പെട്രോളിയം, കണ്സ്റ്റ്രക്ഷന് മേഖലകളിലാണധികവും) മെച്ചപ്പെട്ട അവസ്ഥയില്തന്നെ ജോലി കിട്ടുവാനുള്ള സാധ്യതകള് വളരെ അധികമാണ്. അതുകൊണ്ട് തന്നെ ജോലി വാഗ്ദാന കബളിപ്പിക്കപ്പെടലുകള്ക്ക് വിധേയമാകാതെ സൂക്ഷിക്കുക.നേരിട്ട് കമ്പനികളുമായി ബന്ധപ്പെടുകയോ, ഇവിടെ ജോലിയെടുക്കുന്നവരുടെ കെയര് ഓഫില് ജോലിയും വിസയും കിട്ടിയ ശേഷം വരികയോ,നാട്ടിലോ (ദുബായ്ലും) വച്ച് നടത്തപ്പെടുന്ന കമ്പനികളുടെ തന്നെ ഇന്റര്വ്യൂവിലൂടെ (അതും ഉറപ്പ് വരുത്താന് അതാത് കമ്പനികളുടെ ഹ്യൂമന് റിസോര്സ് സെന്ററുമായി ബന്ധപ്പെടുക)ജോലി കരസ്ഥമാക്കുകയോ ഒക്കെയാണു നല്ലതും സുരക്ഷിതവും. നൈജീരിയയിലെ ഇന്ത്യന് ഹൈക്കമ്മീഷനും കമ്പനികളുടെ നടത്തിപ്പിനെയും മറ്റുമുള്ള വിവരങ്ങള് തന്ന് ഇക്കാര്യത്തില് ഉദ്യോഗാര്ത്ഥികളെ സഹായിക്കുവാനാകും ( വെബ് സൈറ്റ്- <a href="http://www.hicomindlagos.com/">http://www.hicomindlagos.com</a> )<br /><br />ഒരു കാരണവശാലും മതിയായ ഉറപ്പില്ലാതെ സര്ട്ടിഫിക്കറ്റുകളുടെയും, പാസ്പോര്ട്ടിന്റെയും പകര്പ്പും മറ്റും കൊടുക്കാതിരിക്കുക.നമ്മുടെ ബാങ്ക് അക്കൗണ്ടുമായി ബന്ധപ്പെട്ട രേഖകള്, (നമ്പര് പോലും) ക്രഡിറ്റ് കാര്ഡ് നമ്പര് മുതലായവ ഇവിടുത്തെ ഒരു മള്ട്ടിനാഷണല് കമ്പനിയ്ക്കും വിസ പ്രോസസിംഗിനും ഇമിഗ്രേഷന് ക്ലിയറന്സീനുമൊന്നും ആവശ്യമില്ല. ശമ്പള സംബന്ധിയായ മണിട്രാന്സ്ഫറിനുള്ള അക്കൗണ്ട് നമ്പറും മറ്റും ഇവിടെ വന്ന് ജോലിയില് പ്രവേശിക്കുന്നതിനൊപ്പം മാത്രം നല്കിയാല് മതിയാകും. നമ്മുടെ നാട്ടിലെ വിസ സ്റ്റാമ്പിംഗ് , യാത്ര, ഈ ജോലിയില് ചേരുന്നതമായി ബന്ധപ്പെട്ട് ഉണ്ടാകുന്ന മറ്റ് ചിലവുകള് തുടങ്ങിയവയെല്ലാം മിക്ക കമ്പനികളും മതിയായ രേഖനല്കിയാല് റീഫണ്ട് ചെയ്യുക പതിവാണ്, പക്ഷെ അതൊക്കെ ഇവിടെ വന്ന് ജോലിയില് പ്രവേശിച്ച ശേഷം മാത്രം!.<br /><br />ഒന്നുകൂടി, ഇവിടേക്ക് വരും മുന്പ് നാട്ടില് നിന്നും യെല്ലോ ഫീവര് ന്റെ ഒരു വാക്സിനേഷന് എടുത്ത് അതിന്റെ കാര്ഡ് സൂക്ഷിക്കേണ്ടതുണ്ട്- ഇവിടേക്ക് വരാന് അല്ല, തിരികെ നാട്ടില് എത്തുമ്പോള് എമിഗ്രേഷന് ഉദ്യോഗസ്ഥരെ ചിലപ്പോള് ബോധിപ്പിക്കേണ്ടിവരും. കൊച്ചിന് പോര്ട്ട് ട്രസ്റ്റിനോട് ചേര്ന്നുള്ള പോര്ട്ട് മെഡിക്കല് ക്ലിനിക്കില് ഇത് എടുക്കാം.(പുറത്തെ പ്രൈവറ്റ് ക്ലിനിക്കുകളില് ഇതിനു അമിതമായ ചാര്ജ്ജ് വാങ്ങുന്നുണ്ട് എന്ന് കേട്ടിട്ടുണ്ട്, ഈ ക്ലിനിക്കില് 200 രൂപയോ മറ്റോ ആണു ചാര്ജ്ജ്) ഈ 'മഞ്ഞകാര്ഡ്' എല്ലാതവണയും യാത്ര ചെയ്യുമ്പോള് കൂടെ കരുതേണ്ടതുണ്ട്.<br /><br />ഇവിടുത്തെ തൊഴില് സാധ്യതകളെയും, ജോലി തട്ടിപ്പിനെയും പറ്റി കുറേ കാര്യങ്ങള് കൂടി എഴുതണമെന്നുണ്ട്, ഇപ്പോഴത്തെ പുതിയ ജോലിയിലെ തിരക്കും മറ്റും അനുവദിക്കുന്നില്ലന്ന കാരണം തല്ക്കാലം കുറിപ്പ് ചുരുക്കുന്നു; ഇതുമായി ബന്ധപ്പെട്ട കാര്യങ്ങള് കുറേയെങ്കിലും വിശദമാക്കി എന്ന വിശ്വാസത്തില്<br /><br />ആശംസകളോടെ<br />അലിഫ് </p><div class="blogger-post-footer"><img width='1' height='1' src='https://blogger.googleusercontent.com/tracker/34168119-5727043629844686756?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com13tag:blogger.com,1999:blog-34168119.post-1208636133177223532007-04-28T12:55:00.000+01:002007-04-28T13:08:43.331+01:00നൈജീരിയ തെരഞ്ഞെടുപ്പ്-2പ്രിയപ്പെട്ട കൗച്ചു,<br />നിനക്ക് സുഖം തന്നെയല്ലേ, ഇപ്പോള് നിന്റെ കത്തുകള്ക്കും കനം കുറവ്..തിരക്കിലാവുമല്ലേ? ഇവിടെയും സ്ഥിതി വ്യത്യസ്തമല്ല..തിരക്കോട് തിരക്ക്..! ഒപ്പം, തെരഞ്ഞെടുപ്പിന്റെ പേരില് ഈ മാസം നഷ്ടമായ ജോലിദിവസങ്ങളുടെ കുറവു തീര്ക്കല് തത്രപ്പാടിലും.<br /><br />പ്രതീക്ഷിച്ച പോലെ വന് അക്രമങ്ങള് ഒന്നുമുണ്ടായില്ലെങ്കിലും, തോക്കിന്റെയും സ്ഫോടനങ്ങളുടെയും നിഴലില് തന്നെയാണ് പ്രസിഡന്റ് തെരഞ്ഞെടുപ്പ് പ്രക്രിയ അവസാനിച്ചത്. ഒപ്പം നൈജീരിയന് ഭരണചരിത്രത്തിലെ സുപ്രധാന സംഭവം കൂടിയായിമാറി ഈ തെരഞ്ഞെടുപ്പ്. നൈജീരിയയുടെ സ്വാതന്ത്ര്യാനന്തര 47 വര്ഷത്തെ ഭരണകൂട ചരിത്രത്തിലെ നാഴികകല്ലായി മാറിയ ഈ തെരഞ്ഞെടുപ്പിലൂടെ, ആദ്യമായി ജനങ്ങളാല് തെരഞ്ഞെടുക്കപ്പെട്ട് അധികാരത്തിലേറിയ ഒരു ഗവണ്മന്റ്, മറ്റൊരു തെരഞ്ഞെടുക്കപ്പെട്ട പ്രസിഡന്റിനു അധികാരം കൈമാറുകയാണ്. ഇതുവരെയും ഒന്നുകില് ജനഹിതത്തിനെതിയായി പട്ടാളം അധികാരം കൈയ്യടക്കുകയോ, പട്ടാളഭരണത്തില് പൊറുതിമുട്ടി ജനങ്ങള് തെരുവിലിറങ്ങുമ്പോള് താല്ക്കാലികമായ തെരഞ്ഞെടുപ്പ് പ്രഹസനത്തിലൂടെ അധികാരകൈമാറ്റം നടത്തുകയോ ഒക്കെയാണ് ഉണ്ടായിട്ടുള്ളത്. എന്നു കരുതി, ഈ തെരഞ്ഞെടുപ്പ് പ്രഹസനമല്ലാതായിരുന്നു എന്നും കരുതുക വയ്യ.<br /><br />ഏപ്രില് 16നു സുപ്രീം കോടതിയുടെ അനുകൂല വിധി നേടിയെടുത്ത, ഇപ്പോഴത്തെ ഗവണ്മെന്റില് വൈസ്പ്രസിഡന്റ് ആയിരിക്കുകയും, എന്നാല് ഗവണ്മെന്റുമായി ഇടഞ്ഞ് പ്രസിഡന്റ് സ്ഥാനത്തേക്ക് മത്സരിക്കുവാന് തീരുമാനിക്കുകയും, അഴിമതി അന്വേഷണം നേരിടുന്നു എന്ന പേരില് ഇലക്ഷന് കമ്മീഷന് , നോമിനേഷന് തള്ളികളയുകയും ചെയ്ത അറ്റിക്കു അബൂബക്കറിന്റെ സ്ഥാനാര്ത്ഥിത്വം, ഈ തെരഞ്ഞെടുപ്പിനെ വല്ലാതെ ബാധിച്ചു എന്നുതന്നെ കരുതാം.<br /><br />മുന്നിശ്ചയിച്ച ദിനപട്ടിക പ്രകാരം ഏപ്രില് 21നു തന്നെ തെരഞ്ഞെടുപ്പ് നടത്തുവാന് ഇലക്ഷന് കമ്മീഷന് തീരുമാനിക്കുകയും ചെയ്തു. അവസാന നിമിഷം ലക്ഷകണക്കിനു ബാലറ്റ് പേപ്പറുകളില് പുതിയ ഒരു സ്ഥാനാര്ത്ഥിയെകൂടി ഉള്കൊള്ളിക്കേണ്ടതിന്റെ സാങ്കേതികപ്രശ്നങ്ങള്, ബാലറ്റ് പേപ്പര്, പെട്ടികള് തുടങ്ങിയവ പോളിംഗ് സ്റ്റേഷനുകളിലെത്തിക്കുവാന് നേരിട്ട കാലതാമസം, ബാലറ്റ് പേപ്പറുകളിലെ തുടര്ച്ചയായ സീരിയല് നമ്പറുകളില് അപാകത കണ്ടത്തിയതിനെ തുടര്ന്നുണ്ടായ പോളിംഗ് മരവിപ്പിക്കല്, തുടങ്ങിയ നിരവധി പ്രശ്നങ്ങള്ക്കിടയില് നടന്ന തെരഞ്ഞെടുപ്പ് കുറ്റമറ്റരീതിയിലായിരുന്നില്ല എന്നാണ് യൂറോപ്യന്യൂണിയന് നിരീക്ഷകരും അന്താരാഷ്ട്ര മാദ്ധ്യമങ്ങളും റിപ്പോര്ട്ട് ചെയ്തത്.<br /><br />ഇതിനിടയില് തീവ്രവാദികള് പോളിംഗ് ദിവസം രാവിലെ ഇലക്ഷന് കമ്മീഷന് ഓഫിസിനു നേരെ ട്രക്ക് ബോബിംഗ് ലക്ഷ്യമിട്ടത് , നേരിയവ്യത്യാസത്തില് ആളപായം ഒന്നുമില്ലാതെ ഒഴിവായി. അക്രമങ്ങളില് രണ്ട് ഡസനിലധികം ആള്ക്കാര് കൊല്ലപ്പെട്ടുവെങ്കിലും, ഇവിടുത്തെ സാധാരണ അക്രമങ്ങള് വച്ച് നോക്കുമ്പോള്, ഇത് വളരെ കുറവാണ് എന്നാണ് നാട്ടുകാര് തന്നെ പറയുന്നതും ആശ്വസിക്കുന്നതും. ചില പോലീസ് സ്റ്റേഷന് അക്രമങ്ങളും മറ്റും, ഞാന് താമസിക്കുന്നപ്രദേശത്ത് ഭീതി ജനിപ്പിച്ചിരുന്നു.<br /><br />ഇലക്ഷന് സജ്ജീകരണങ്ങളും, പോളിംഗ് നടക്കുന്നതുമൊക്കെ മിക്ക പ്രാദേശിക ടെലിവിഷന് ചാനലുകളും ലൈവ് ആയി കാണിച്ചിരുന്നത് കൗതുകകരമായിതോന്നി. തുറസ്സായ സ്ഥലത്തും, മാര്ക്കറ്റിലും, മരത്തണലിലുമൊക്കെയായിരുന്നു മിക്ക പോളിംഗ് ബൂത്തുകളും. നാട്ടിലെ പോലെ കടുത്ത സെക്യൂരിറ്റി ബന്തവസ്സ് ഒന്നുമില്ലാതെ ആര്ക്കും കാണാവുന്നപോലെ സജ്ജികരിച്ചിരിക്കുന്നത് എനിക്ക് കൗതുകകരമായി തോന്നിയത് ഒരു പക്ഷേ നാട്ടില് മൂന്ന് തവണ തെരഞ്ഞെടുപ്പ് ഡ്യൂട്ടിയില് പ്രിസൈഡിംഗ് ആപ്പീസര് ആയി പോയത് കൊണ്ടാവാം. (ഹോ, എന്തൊരു പെടാപ്പാടായിരുന്നു, എങ്കിലും നല്ല രസവുമായിരുന്നു എന്നോര്ക്കുന്നു.) ഇവിടെ ബാലറ്റ് ബോക്സ് എന്ന് പറയുന്നത് പെട്ടി പോലിരിക്കുന്ന സുതാര്യമായ ഒരു പോളിത്തീന് സഞ്ചി, സിബ്ബ് ഒക്കെയുള്ളത് ആണ്.വോട്ട് രേഖപ്പെടുത്തിയ ബാലറ്റ് പേപ്പര് പെട്ടിയില്(സഞ്ചിയില്..!!) നിക്ഷേപിച്ചിരിക്കുന്നത്, മടക്ക് ഒക്കെ നിവര്ന്ന് , ഒരുവിധമൊക്കെ പെട്ടിപൊട്ടിക്കാതെ തന്നെ എണ്ണാം എന്ന നിലയിലും. ( പിറ്റേന്ന് നടന്ന് ഫ്രഞ്ച് പ്രസിഡന്റ് തിരഞ്ഞെടുപ്പിലും സുതാര്യമായ അക്രിലിക് പെട്ടികള് ഉപയോഗിക്കുന്നത് ടി.വി.യില് കണ്ടു, പക്ഷേ അവര് വോട്ട് രേഖപ്പെടുത്തിയ ബാലറ്റ് ഒരു കവറില് തിരുകിയാണ് പെട്ടിയില് ഇടുന്നത്.എന്തായാലും നമ്മുടെ നാട്ടിലെ ഇരുമ്പ് പെട്ടിയുടെ ഭാരവും, ഇലക്ട്രോണി വോട്ടിംഗ് മെഷീനിന്റെ പ്രായോഗികതയും ഒക്കെ ഓര്ത്തുപോയി..!!)<br /><br />വോട്ട് എണ്ണല് അതിലും രസമാണ്. പോളിംഗ് കഴിയുന്ന (അവിടെ തന്നെയാണെന്ന് തോന്നുന്നു) പിന്നെ കാത്തിരിപ്പ് ഒന്നുമില്ല..എല്ലാം തറയിലോ, അല്ലെങ്കില് കിട്ടുന്ന സ്ഥലത്ത് തട്ടിയിട്ട് ആകെ വിരകി ഒരു എണ്ണലാണ്. രാത്രിയില് അരണ്ട വെളിച്ചത്തില് (മിക്കയിടത്തും മെഴുകുതിരിയോ, റാന്തലോ ആണ് കണ്ടത്. തങ്ങളുടെ ക്യാമറ ലൈറ്റ് ഉപയോഗിച്ച്, വോട്ട് എണ്ണിതിട്ടപെടുത്തുന്നത് സി.എന്.എന് കാണിച്ചിരുന്നു) എണ്ണുന്ന വോട്ടുകളുടെ നിജസ്ഥിതി നമുക്ക് ഊഹിക്കാവുന്നതേയുള്ളൂ. ഈ തെരഞ്ഞടുപ്പ് നടപടിയില്, ആകെ നമ്മുടെ നാട്ടിലേതുമായി സാമ്യം തോന്നിയത് പൊതുജനം, പൊരിവെയിലത്ത് ക്യൂ നില്ക്കുന്നത് മാത്രമാണെന്ന് തോന്നുന്നു..!!<br /><br />പ്രതിപക്ഷ പാര്ട്ടികളുടെയും സ്ഥാനാര്ത്ഥികളുടെയും ശക്തമായ പ്രതിഷേധങ്ങള്ക്കിടയിലും 70% ത്തിലധികം വോട്ടുകള്ക്ക് ഭരണകൂട പാര്ട്ടിയായ പി.ഡി.പി.യുടെ സ്ഥാനാര്ത്ഥി <strong>ഉമാറു യാര് ദുവ</strong> തെരഞ്ഞെടുക്കപെട്ടതായി നൈജീരിയന് ഇലക്ഷന് കമ്മീഷന് ഔദ്യോഗികമായി പ്രഖ്യാപിച്ചു കഴിഞ്ഞു. 1951 ല് കറ്റ്സിന എന്ന പ്രവിശ്യയില് ജനിച്ച ഉമാറു യാര്ദുവ കഴിഞ്ഞ 7 വര്ഷമായി കറ്റ്സിന സംസ്ഥാനത്തിന്റെ തെരഞ്ഞെടുക്കപ്പെട്ട ഗവര്ണര് പദവി വഹിക്കുന്ന ആളാണ്.<br /><br />നൈജീരിയയുടെ ആദ്യ റിപ്പബ്ലിക്കന് മന്ത്രിസഭയില് അംഗമായിരുന്ന പിതാവിന്റെയും, ഇപ്പോഴത്തെ പ്രസിഡന്റ് ജനറല് ഒബസാഞ്ചോയുടെ പഴയ പട്ടാളഭരണകൂടത്തിലെ ഉറ്റ അനുയായി ആയിരുന്ന സഹോദരന്റെയും (ഇദ്ദേഹം പിന്നീട് പട്ടാളഭരാധികാരി സാനി അബാച്ചയ്ക്കെതിരെയുണ്ടായ അട്ടിമറി-വധശ്രമ ആരോപണത്തില് ഒബസാഞ്ചോയോടൊപ്പം ജയില് ശിക്ഷയ്ക്ക് വിധേയനാവുകയും ചെയ്തു) പാത പിന്തുടര്ന്ന് സജീവ രാഷ്ട്രീയത്തിലേക്ക് എത്തിയ , കടുത്ത കമ്യൂണിസ്റ്റ് അനുഭാവിയായിരുന്ന യാര്ദുവ സഹോദരന്റെ മുതലാളിത്വ അനുഭാവ രാഷ്ട്രീയത്തോട് എതിര്പ്പ് പ്രകടിപ്പിച്ച് ശ്രദ്ധനേടിയിരുന്നു. പക്ഷേ, പിന്നീട് വളരെ പെട്ടന്ന് തന്നെ പ്രസിഡന്റ് ഒബസാഞ്ചോയുടെ വലം കൈയ്യാവുകയും, അധികാരമുന്നണിയിലെ പ്രമുഖസ്ഥാനത്തുള്ള പി.ഡി.പി.യിലേക്ക് എത്തുകയും ചെയ്തു. സ്ഥാനമൊഴിയുന്ന ഒബസാഞ്ചോയുടെ പ്രത്യേക നോമിനേഷനിലാണ്, യാര്ദുവ ഈ തെരഞ്ഞെടുപ്പില് സ്ഥാനാര്ത്ഥിയാകുന്നത് തന്നെ. ഇക്കഴിഞ്ഞ കാലയളവില്, നൈജീരിയയില് അഴിമതി അന്വേഷണം നേരിടാത്ത ചുരുക്കം ചില സംസ്ഥാന ഗവര്ണ്ണര് മാരില് ഒരാളാണ് കറ്റ്സിനയുടെ ഈ ഭരണാധികാരിയെന്നതും, കറ്റ്സിനയുടെ വികസനത്തിലും പദ്ധതി വിഹിത ചെലവുകളിലും വ്യക്തതയും, സുതാര്യവുമായ രീതി പിന്തുടര്ന്നിരുന്നതും പുതിയ പ്രസിഡന്റിനു ജനങ്ങളുടെ ഇടയില് ഒരു ക്ലീന് ഇമേജ് സൃഷ്ടിച്ചിട്ടുണ്ട്, അത് തെരഞ്ഞെടുപ്പില് പ്രതിഫലിക്കുകയും ചെയ്തു.<br /><br />തെരഞ്ഞെടുപ്പ് നടപടിക്രമങ്ങളില് ഉണ്ടായ അനാസ്ഥയും , സ്വജന പക്ഷപാതവും, അക്രമവുമൊക്കെ ചോദ്യം ചെയ്ത് പരാജിതരായവരിലെ പ്രമുഖര് മുന് മേജര് ജനറല് മുഹമ്മദ് ബുഹാരി, അറ്റിക്കു അബൂബക്കര് തുടങ്ങിയവര് നിയമനടപടികളിലേക്ക് നീങ്ങുമ്പോഴും, ജനങ്ങളോട് അവരുടേതായ രീതിയില് പ്രതികരിക്കുവാന് ആവശ്യപ്പെടുമ്പോഴും അങ്ങിങ്ങായി അക്രമസംഭവങ്ങള് തുടരുമ്പോഴും, നൈജീരിയന് ജനത കാത്തിരിക്കുകയാണ്, മെയ് 29 നു ഉമാറു യാര്ദുവയുടെ നേതൃത്വം നൈജീരിയയുടെ ഭരണകൂടചരിത്രത്തിലെ സുപ്രധാനമായ സ്ഥാനാരോഹണം നടത്തുന്നത്.<br /><br />ഒപ്പം ഞാനും കാത്തിരിക്കുന്നു, ഇനി ഒരാഴ്ചയ്ക്കുള്ളില് നാട്ടിലേക്ക് അവധിക്ക് പോകാം. തെരഞ്ഞെടുപ്പ് കാരണം, ഈ മാസത്തില് യാത്ര അനുവദിച്ചിരുന്നില്ല. മെയ് മാസം എന്തായാലും കുട്ടികളോടൊപ്പം നാട്ടില്, അവര്ക്കും അവധിയാണല്ലോ. ഞാന് ഇവിടെ നിന്നും തിരിക്കും മുന്പ് ഫോണ് ചെയ്യാമെന്ന ഉറപ്പോടെ<br />തല്ക്കാലം നിര്ത്തുന്നു<br />ആശംസകളോടെ<br /><br />അലിഫ്<div class="blogger-post-footer"><img width='1' height='1' src='https://blogger.googleusercontent.com/tracker/34168119-120863613317722353?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com6tag:blogger.com,1999:blog-34168119.post-36300477992304253372007-04-14T08:16:00.000+01:002008-12-09T19:40:23.152+01:00നൈജീരിയ തെരഞ്ഞെടുപ്പ് -1പ്രിയ കൗച്ചൂ,<br />നാളെ വിഷു. ഞങ്ങളുടെ നാട്ടിലെ പുലരിക്ക് നാളെ കണികാണലിന്റെ വിശുദ്ധിയും, കണിവെള്ളരിയുടെയും കണികൊന്നപ്പൂവിന്റെയും കടും മഞ്ഞ കലര്ന്ന തുടുപ്പുമാകും. ഒപ്പം, വിഷു കൈനീട്ടത്തിന്റെ സമൃദ്ധിയില് കിലുങ്ങുന്ന കുഞ്ഞിപോക്കറ്റുകളുടെ ബാല്യവും. ചിങ്ങത്തിലെ ഓണം പോലെതന്നെ സമൃദ്ധിയെ വരവേല്ക്കാനുള്ള ഒരാഘോഷം, നിങ്ങള്ക്ക് ദീപാവലിയെന്നപോലെ സന്തോഷസൂചകമായി പടക്കവും , പൂത്തിരിയും മത്താപ്പുമെല്ലാം കത്തിച്ച് വര്ണ്ണാഭമായി വിഷു ആഘോഷിക്കുന്ന കുട്ടിത്തം. ഇന്നത്തെ കുട്ടികള്ക്ക് ഒരു പക്ഷേ, ഇതൊക്കെ ഒരു ചടങ്ങും ടെലിവിഷനിലെ പ്രത്യേക സിനിമാപരിപാടികളുടെ ആഘോഷവും മാത്രമായി തീര്ന്നിരിക്കാം.ഒപ്പം നീണ്ട വേനലവധിയിക്കിടയിലെ പ്രയോജനമില്ലാത്ത മറ്റൊരു അവധി ദിനമെന്ന വിഷമവും. ഫ്ലാറ്റ് സംസ്കാരത്തിലേക്കുള്ള കുതിച്ച് ചാട്ടത്തില് നമുക്ക് നഷ്ടമാകുന്നത് ഒരു പൂത്തിരി കത്തിക്കാനുള്ള ഇടവും സ്വാതന്ത്ര്യവും കൂടിയാണോ..?<br /><br />വിഷു ദിനത്തിലെ നാട്ടിലെ പടക്കം പൊട്ടിക്കലുമൊക്കെ ഓര്ത്തിവിടെ ഇരിക്കുമ്പോള് തന്നെ , തൊട്ടടുത്തെവിടെയൊക്കെയോ പൊട്ടാനിടയുള്ള ബോംബുകളുടെ കണക്ക് നിറയുന്ന ടെലിവിഷന് സ്ക്രീനിലാണെന്റെ കണ്ണുകള്. സ്ഫോടനങ്ങളുടെയും നിറതോക്കുകളുടെയും നിഴലില് പോളിംഗ് ബൂത്തിലേക്ക് ആനയിക്കപ്പെടാന് വിധിക്കപ്പെട്ട ജനാധിപത്യ പ്രക്രിയ, സംസ്ഥാന ഇലക്ഷന്റെ രൂപത്തില് നൈജീരിയന് ജനത ഇന്ന് നിര്വ്വഹിക്കുന്നു.<br /><br />സംസ്ഥാന ഗവര്ണ്ണര്മാരെയും നിയമസഭാ സാമാജികരെയും തെരഞ്ഞെടുക്കുവാനുള്ള വോട്ടെടുപ്പ് ഇന്ന് കാലത്ത് തുടങ്ങികഴിഞ്ഞു. നാട്ടിലെ ഒരു ചെറു പഞ്ചായത്ത് തെരഞ്ഞെടുപ്പിന്റേയോ, എന്തിന് നാട്ടിന്പുറത്തെ സഹകരണസംഘ തിരഞ്ഞെടുപ്പിന്റെയോ പോലും കോലാഹലമുയര്ത്താത്ത പ്രചാരണപരിപാടികളേ കണ്ടുള്ളൂ. സിറ്റിയില് ഇടയ്ക്ക് മൂന്ന് നാലിടത്ത് വന് ഹോര്ഡിംഗുകളുമൊക്കെ ഉയര്ത്തിയിട്ടുണ്ടെന്നത് ഒഴിച്ചാല് അത്രയധികം പരസ്യപ്രചാരണം എങ്ങും കാണാനില്ല.ഒരു പക്ഷേ, ജനവാസ കേന്ദ്രങ്ങളിലും ഗ്രാമങ്ങളിലുമൊക്കെയാവാം, പ്രധാന പരിപാടികള്.<br /><br /><br /><p><a href="http://1.bp.blogspot.com/_ZmropMUj2cE/RiCA6BNOe5I/AAAAAAAAAJI/XsflMWOxReA/s1600-h/Nigeria+states-+map+malayalam-01.jpg"><img id="BLOGGER_PHOTO_ID_5053180516154375058" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://1.bp.blogspot.com/_ZmropMUj2cE/RiCA6BNOe5I/AAAAAAAAAJI/XsflMWOxReA/s400/Nigeria+states-+map+malayalam-01.jpg" border="0" /></a><br />മുന് വര്ഷങ്ങളില് ഏറെ തെരഞ്ഞെടുപ്പ് അക്രമങ്ങള് നടന്നിട്ടുള്ള റിവര് സ്റ്റേറ്റിലാണ് ഞങ്ങളുടെ ക്യാമ്പ് എന്നതിനാലാവും വളരെ ശക്തമായ സുരക്ഷാക്രമീകരണങ്ങള്ക്ക് നടുവിലാണിപ്പോള്. രണ്ട് മൂന്ന് ദിവസമായി പുറത്തേക്ക് പോകാനൊന്നും അനുവാദമില്ല, ഇന്ന് തീരെയും. രാജ്യമൊട്ടാകെ ഇന്ന് 'നോ മൂവ്മന്റ് ഡേ' ആയും പ്രഖ്യാപിച്ചിരിക്കുന്നതിനാല്. മിലിട്ടറി, പോലീസ്, പ്രസ്സ് , ഇലക്ഷന് കമ്മീഷന് , തുടങ്ങിയവയുടേതൊഴിച്ചുള്ള ഒറ്റ വാഹനവും നിരത്തിലില്ല. രരവിലെ 7 മണിമുതല് തുറ്റങ്ങിയ പോളിംഗ് അവസാനിക്കുന്ന വൈകിട്ട് 3 മണി വരെയും ഇന്ന് നിരത്തുകളില് വാഹനങ്ങള് ഓടില്ല . ഇന്നലെയും അതിന്റെ തലേദിവസവും ഇവിടെ പൊതു അവധി പ്രഖ്യാപിച്ചിരുന്നു.ദൂരെയിടങ്ങളില് ജോലിയെടുക്കുന്നവര്ക്കും മറ്റും , അവരവരുടെ മണ്ഡലങ്ങളിലെത്തി വോട്ട് രേഖപ്പെടുത്തുവാനുള്ള അവസരമുണ്ടാക്കാനാണിതെന്ന ഗവണ്മന്റ് വിശദീകരണം നല്കിയിരുന്നെങ്കിലും, അതും വിവാദമായികഴിഞ്ഞു. </p><p>ഈ അവധി ദിനങ്ങളിലും സ്വകാര്യ കമ്പനികളില് മിക്കതും നൂറ് ശതമാനം ഹാജരോടെ പ്രവര്ത്തിച്ചത് അത്ഭുതം തന്നെയായിരുന്നു. തെരഞ്ഞെടുപ്പിനോടുള്ള താത്പര്യകുറവ് കൊണ്ടോ, ചെയ്യുന്ന ജോലിയോടുള്ള ആത്മാര്ത്ഥത കൊണ്ടോ ആണ് മിക്കവരും ഈ അവധി ദിനങ്ങളില് ജോലിക്കെത്തുന്നത് എന്ന് ധരിച്ചാല് തെറ്റി. അവധി ദിനങ്ങളില് ലഭിക്കുന്ന രണ്ടിരട്ടിയും അതിലധികവും ശമ്പളം തന്നെയാണ്, ഹാജര്ബുക്കിലെ ചുവന്ന വെട്ട് ഒഴിവാക്കുന്നത്. (ഒരു വിധപ്പെട്ട അവധിദിനങ്ങളിലൊക്കെയും ഇത് സാധാരണമാണിവിടെ..) എന്റെ ഓഫീസില് ജോലിയെടുക്കുന്ന തദ്ദേശീയരായവരില് മിക്കവര്ക്കും വോട്ട് ചെയ്യാന് യാതൊരു താത്പര്യവുമില്ല. ചോദിച്ചപ്പോള്, ' വെറുതെ പോളിംഗ് ബൂത്തില് പോയി തലകളയുന്നതിലും ഭേദം വീട്ടില് കുത്തിയിരിക്കുന്നതല്ലേ' എന്നാണ് മറുചോദ്യം. ഇവിടെ ഇലക്ഷന് ഒന്നുമല്ല, സെലക്ഷനാണ് നടക്കുന്നത് എന്നാണ് ഭൂരിപക്ഷത്തിന്റെയും അഭിപ്രായം. എങ്കിലും, ചിലരൊക്കെ, ഇത്തവണ അത്തരം അക്രമങ്ങള് ഒന്നുമുണ്ടാകില്ല എന്ന് ആശ്വാസം കൊള്ളുന്നുമുണ്ട്. </p><p>സുരക്ഷാക്രമീകരണ നടപടികളുടെ വിശദാംശങ്ങളും, നിര്ഭയമായി വോട്ട് ചെയ്യാനുള്ള സാഹചര്യമൊരുക്കലുമൊക്കെ ദിവസവും ടെലിവിഷന് ചര്ച്ചകളിലും, സ്വതന്ത്ര ദേശീയ തെരഞ്ഞടുപ്പ് കമ്മീഷന്റെ (INEC) പ്രസ്ഥാവനകളിലുമൊക്കെ കാണുന്നുണ്ട്. പക്ഷേ മുന്കാല ചരിത്രമൊക്കെയും തെരഞ്ഞെടുപ്പ് അക്രമങ്ങളുടെ പരമ്പരകളുടെയും, തുടര്ന്നുണ്ടാകുന്ന പട്ടാള ഭരണത്തിന്റെയും ഒക്കെയായതിനാല് , നാട്ടുകാര്ക്ക് സത്യത്തില് ആശങ്കയാണ്. ഇതിന് അടിവരയിടുന്നതാണ്, ഒറ്റപ്പെട്ടതെങ്കിലും പ്രചാരണപരിപാടികള്ക്കിടയില് തുടരുന്ന അക്രമങ്ങളും, കൊലപാതകങ്ങളുമൊക്കെ. രണ്ട് ദിവസം മുന്പ് ഇബ്ദാന് പ്രദേശത്ത് നടന്ന അക്രമങ്ങളില് മൂന്ന് പേര് മരിക്കുകയും നിരവധി പേര്ക്ക് പരിക്ക് പറ്റുകയുമൊക്കെ ചെയ്തത് പോലുള്ള സംഭവങ്ങളും പോളിംഗ് ലക്ഷ്യം വെച്ചുള്ളതാണെന്നാണ് പറയുന്നത്. ഇത്തരം അക്രമങ്ങള് നടക്കുന്ന പ്രദേശം സാധാരണ ജനജീവിതത്തിലേക്ക് മടങ്ങിവരാന് ദിവസങ്ങള് എടുക്കും, അപ്പോഴേക്കും, ബാലറ്റ് പെട്ടികള് നിറച്ച് പൂട്ടികെട്ടിയിട്ടുമുണ്ടാകും. ആര്, ആരെ, ആര്ക്ക് വേണ്ടി തെരഞ്ഞെടുക്കുന്നു എന്നത് ഒരു വലിയ ചോദ്യചിഹ്നം തന്നെയാണിവിടെ. </p><p>ഇതിലും പ്രാധാന്യമേറിയതും , ഇപ്പോള് തന്നെ വന് വിവാദങ്ങളിലേക്കും ചര്ച്ചകളിലേക്കും നീങ്ങികൊണ്ടിരിക്കുന്നതുമായ പ്രസിഡെന്ഷ്യല് തെരഞ്ഞെടുപ്പ്, പ്രഖ്യാപിച്ചിരിക്കുന്ന സമയക്രമം അനുസരിച്ച് ഏപ്രില് 21 ന് ആണ്, അതായത് ഈ വരുന്ന ശനിയാഴ്ച. ഭരണപക്ഷവുമായി ഇടഞ്ഞ് നില്ക്കുന്ന വൈസ് പ്രസിഡന്റ് ആറ്റിക്കു അബൂബക്കറിന്റെ സ്ഥാനാര്ത്ഥിത്തം വന് വിവാദത്തിലേക്ക് വീണ്ടും നീങ്ങുകയാണ്. ഇലക്ഷന് കമ്മീഷന് അയോഗ്യതകല്പ്പിച്ച് സ്ഥാനാര്ത്ഥി പട്ടികയില് നിന്ന് ഒഴിവാക്കിയതിനെ ചോദ്യം ചെയ്ത് സമര്പ്പിച്ചിരുന്ന ഹര്ജികളില് കഴിഞ്ഞ ആഴ്ചയിലെ വിധിപ്രഖ്യാപനങ്ങള് ഒരേ സമയം തല്ലും തലോടലുമായി. ഫെഡറല് ഹൈക്കോടതി അബൂബക്കറിന് അനുകൂലമായി വിധിപ്രഖ്യാപനം നടത്തി മണിക്കൂറുകള്ക്കുള്ളില്, അതിനും മുകളിലുള്ള അപ്പീല് കോടതി പ്രതികൂലമായും വിധി പറഞ്ഞു. ഇതിനൊക്കെ മുകളിലുള്ള സുപ്രീം കോടതി, ഹര്ജി പരിഗണിച്ച് ഈ വ്യാഴാഴ്ച വിധിപറയാന് വെച്ചിരുന്നത്, ഗവണ്മന്റ് നടത്തിയ അപ്രതീക്ഷിതമായ പൊതു അവധി പ്രഖ്യാപനത്തോടെ വരുന്ന തിങ്കളാഴ്ചയിലേക്ക് മാറ്റി വെയ്ക്കേണ്ടിയും വന്നു. തനിക്കെതിരെയുള്ള ഭരണപക്ഷ നീക്കത്തിന്റെ വ്യക്തമായ നിലപാടിന്റെ ഉദാഹരണമാണീ പൊതു അവധിനല്കല് എന്ന് ആറ്റിക്കു അബൂബക്കര് പ്രസ്ഥാവിച്ചു കഴിഞ്ഞു, ഇനി ഇതാവും രണ്ട് ദിവസ ചര്ച്ചകള്. സുപ്രീം കോടതി ഇദ്ദേഹത്തിനു അനുകൂലമായി വിധി നല്കുകകയാണെങ്കില്, മിക്കവാറും, തെരഞ്ഞെടുപ്പ് മാറ്റിവെയ്കാന് ഇലക്ഷന് കമ്മീഷന് നിര്ബന്ധിതമാകും, കാരണം , പിന്നെ കഷ്ടിച്ച് 5 ദിവസങ്ങള് മാത്രമേയുള്ളൂ, മുന്പ്രഖ്യാപിത ഇലക്ഷന് ദിനത്തിന്. </p><p>ഭരണപക്ഷമായ പീപ്പിള്സ് ഡെമോക്രാറ്റിക് പാര്ട്ടിയുടെ സ്ഥാനാര്ത്ഥി ഉമാറു യാര് അദ്വവ യും പ്രധാന പ്രതിപക്ഷമായ ആള് നൈജീരിയ പീപ്പിള്സ് പാര്ട്ടിയെ പ്രതിനിധീകരിക്കുന്ന മുന് പട്ടാള ഭരണ മേധാവി മുഹമ്മദ് ബുഹാരിയുമാണ് പ്രസിഡന്റ് പദവിയിലേക്ക് മത്സരിക്കുന്ന രണ്ട് പ്രമുഖര്. ഭരണപാര്ട്ടിയായത് കൊണ്ട് തന്നെ ഏറെകുറെ ഫലം നിശ്ചയിച്ച പോലെയാണെങ്കിലും, എതിര്സ്ഥാനാര്ത്ഥി മുഹമ്മദ് ബുഹാരി , ജനവാസ ഗ്രാമ പ്രദേശങ്ങളില് പ്രചാരണത്തില് വമ്പിച്ച മുന്നേറ്റമുണ്ടാക്കുന്നുവെന്നത് പി.ഡി.പി യെ ആശങ്കപെടുത്തുന്നുണ്ടന്നാണ് റിപ്പോര്ട്ടുകള്<br /><br />മുന് ടാന്സാനിയന് പ്രധാനമന്ത്രി ജസ്റ്റിസ് ജോസഫ് വാരിയോബയുടെ നേതൃത്വത്തില് കോമണ്വെല്ത്ത് സംഘടനയുടെ നിരീക്ഷകര് എത്തുന്നുണ്ടന്ന് പറയുന്നുവെങ്കിലും, അവര് ഞാന് താമസിക്കുന്ന റിവര് സ്റ്റേറ്റിനോട് ചേര്ന്നു കിടക്കുന്ന നൈജര് ഡെല്റ്റാ പ്രദേശം ഒഴിവാക്കുമെന്നും കേള്ക്കുന്നു. ഈ പ്രദേശങ്ങളില് വര്ദ്ധിച്ച് വരുന്ന തട്ടികൊണ്ട് പോകലും, തീവ്രവാദപ്രവര്ത്തനവും ഒക്കെ മുന് നിര്ത്തിയാകുമത്. എന്തായാലും ഒരു നൈജിരിയ ഇലക്ഷന് തൊട്ടടുത്ത് നടക്കുന്നുവെങ്കിലും, നേരിട്ട് കണ്ട്മനസ്സിലാക്കാന് കഴിയാത്ത വിഷമത്തിലാണ് ഞാന്. ടെലിവിഷന് റിപ്പോര്ട്ടുകള് നോക്കിയിരിക്കാനെ തല്ക്കാലം നിവൃത്തിയുള്ളൂ. </p><p>കഴിഞ്ഞ കത്ത് കുറേ വൈകിയതില് പരാതിപെട്ട് എഴുതിയ നിന്റെ മറുപടി കിട്ടി. തിരക്കില് പെട്ടത് കൊണ്ട് മാത്രമാണ്, ഇനി വൈകാതിരിക്കാന് നോക്കാം. അപ്പോള്, ഇതിനു ഇങ്ങോട്ടുള്ള മറുപടി വല്ലാതെ വൈകണ്ട. അനുജന് , സുഹൃത്തുക്കള്, എല്ലാവരെയും എന്റെ അന്വേഷണങ്ങള് അറിയിക്കുക, ഒപ്പം വിഷുദിനാശംസയും..<br /><br />വിഷു ദിനാശംസകളോടെ </p><p>-അലിഫ്<br /><br /></p><div class="blogger-post-footer"><img width='1' height='1' src='https://blogger.googleusercontent.com/tracker/34168119-3630047799230425337?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com6tag:blogger.com,1999:blog-34168119.post-89159366727597123462007-03-31T09:57:00.000+01:002008-12-09T19:40:23.328+01:00നൈജീരിയ - ഭരണവും രാഷ്ട്രീയവും.പ്രിയ കൗച്ചൂ,<br />ഒരുപാട് നാളുകള്ക്ക് ശേഷമാണീ കത്ത്.അവധി കഴിഞ്ഞ് വന്ന ശേഷം വല്ലാത്ത ജോലിതിരക്കില് പെട്ടതും പിന്നെ ഇവിടുത്തെ സെക്യൂരിറ്റി നിയന്ത്രണങ്ങള് കടുപ്പിച്ചിരിക്കുന്നത് മൂലം പുറത്തേക്കൊന്നും ഇറങ്ങാന് കഴിയാത്തതുമൊക്കെയാണ് കാരണം. ക്യാമ്പിനു പുറത്തേക്കുള്ള യാത്ര പ്രോജക്റ്റ് സൈറ്റിലേക്ക് മാത്രം, അതു പോലും രണ്ട് സെക്യൂരിറ്റി വാഹനങ്ങളുടെ അകമ്പടിയോടെ മാത്രമേ ആകാവൂ എന്ന് നിഷ്കര്ഷിച്ചിരിക്കുകയാണ് കമ്പനി അധികൃതര്. പിന്നെ ക്യാമ്പിനുള്ളില് തന്നെയാണെന്റെ ഓഫീസ് എന്നതും, ഒരുവിധമെല്ലാ സൗകര്യവും ഉള്ള യൂറോപ്യന് മാതൃകയിലുള്ള ഒരു വലിയ ക്യാമ്പസ് ആണന്നതുമാണ് സെക്യൂരിറ്റി വലയം സൃഷ്ടിക്കുന്ന വീര്പ്പുമുട്ടലിലും ആശ്വാസമേകുന്നത്.<br /><br />ഫെബ്രുവരിമാസം ആദ്യ വാരം കുറേയധികം ഫിലിപ്പിനോകളെ തട്ടികൊണ്ട് പോയിരുന്നു. മിക്കവരെയും കമ്പനികള് മോചനദ്രവ്യം നല്കിയതിനാല് വിട്ടയക്കപെട്ടുവെങ്കിലും ഫിലിപ്പിനോ ഗവണ്മന്റ് നൈജീരിയയിലേക്ക് ആളെ വിടുന്നത് നിര്ത്തിവെച്ചിരിക്കുകയാണ്. ഇവിടെ നിന്നും അവധിക്ക് പോയിരുന്ന പലരും മലേഷ്യ വഴിയൊക്കെ (ടൂറിസ്റ്റ് ആയി മലേഷ്യയിലേക്ക് പോയിട്ട് അവിടുന്ന് ദുബായ് വഴി) യാണ് തിരികെയെത്തിയത്. ഇപ്പോള് ഇവിടുത്തെ ഫിലിപ്പൈന് എംബസിയുടെ കണക്കില് ഇവര് ഇവിടെയില്ല. എന്തിനു ഇത്ര റിസ്ക് എടുത്ത് ഇങ്ങോട്ട് വരുന്നുവെന്ന് ചോദിച്ചാല്,അവരുടെ നാട്ടിലെ തൊഴിലില്ലായ്മയുടെ ഭീകരചിത്രം തന്നെയാണെല്ലാവര്ക്കും നിവര്ത്തികാട്ടാനുള്ളത്. ഫെബ്രുവരിയില് തന്നെ രണ്ടാമത്തെ ആഴ്ചയില് ഒരു ഫിലിപ്പിനോ സ്ത്രീയെ തട്ടികൊണ്ട് പോയ സംഭവം, അക്രമികള് സ്ത്രീകളെയും ഒഴിവാക്കില്ലന്ന മുന്നറിയിപ്പു പോലെയായത് മിക്ക കമ്പനി അധികൃതരും ചര്ച്ച ചെയ്യുകയും , ഒരു വിധം ഫാമിലിയൊക്കെ തിരികെപോകുവാന് ഇടയാവുകയും ചെയ്തു. സ്ത്രീകളും കുട്ടികളും മിക്കവരും തിരിച്ച് പോയികൊണ്ടിരിക്കുകയാണ്. ആ തട്ടികൊണ്ട് പോകപ്പെട്ട സ്ത്രീ കൊല്ലപ്പെട്ടുവെന്നാണ് സ്ഥിതീകരിക്കാത്ത റിപ്പോര്ട്ടുകള്.നല്കാമെന്ന് പറഞ്ഞുറപ്പിച്ച മോചനദ്രവ്യം നല്കാത്തതുമായ ചില സംഭങ്ങളുടെ തുടര്ച്ചയായി ഇവിടെ നിന്നും പ്രാദേശിക എയര്പോര്ട്ടിലേക്ക് പോകും വഴി ഒരു ലബനോണ് പൗരനെ വെടിവെച്ച് കൊല്ലുകയും മറ്റൊരാളെ മാരകമായി പരുക്കേല്പ്പിക്കുകയും ചെയ്തതോടെ തട്ടികൊണ്ട് പോകല് നാടകങ്ങളുടെ ശൈലി തികഞ്ഞ അക്രമത്തിലേക്ക് വഴിമാറുകയാണ്.<br /><br />കഴിഞ്ഞ ആഴ്ചയില് ഇവിടെ തൊട്ടടുത്തുള്ള വര്ക്ക് സൈറ്റില് നിന്ന് ഡച്ചുകാരനായ ഒരു ചീഫ് സെക്യൂരിറ്റി ഓഫീസറെ കനത്ത വെടിവെയ്ക്കലിനു ശേഷം കൊണ്ട് പോയ വാര്ത്ത <a href="http://news.bbc.co.uk/1/hi/world/africa/6483695.stm" target="_blank">ബി.ബി.സി </a>യും മറ്റും റിപ്പോര്ട്ട് ചെയ്തത് അല്പം ഞെട്ടലോടെയാണ് കേട്ടത്. ഏകദേശം ഒരു കിലോമീറ്ററിനടുത്താണ് ഈ സ്ഥലം, എങ്കിലും ഇതുവരെയും ഞാന് ജോലിയെടുക്കുന്ന കമ്പനിയില് അനിഷ്ട സംഭവങ്ങളൊന്നുമുണ്ടാകാത്തത് കുറച്ച് ആശ്വാസകരമാണ്.<br /><br />ഈ ഏപ്രില് പകുതിയോടെ നടക്കാന് പോകുന്ന തിരഞ്ഞെടുപ്പിനോട് കൂടി അക്രമ സംഭവങ്ങള് കൂടാനാണ് സാധ്യതയെന്നാണ് റിപ്പോര്ട്ടുകള്. ഇക്കഴിഞ്ഞ നവംബര്- ഡിസംബര് മാസങ്ങളില് തന്നെ തുടങ്ങിയ തെരഞ്ഞെടുപ്പ് നടപടിക്രമങ്ങള് പൂര്ണ്ണതോതില് പുരോഗമിച്ച് വരുന്നു. 1960 ല് ബ്രിട്ടീഷ് കോളനിവാഴ്ചയില് നിന്നു സ്വതന്ത്രമാവുകയും പിന്നീട് മൂന്ന് വര്ഷങ്ങള് കൊണ്ട് സമ്പൂര്ണ ജനാധിപത്യ രാജ്യമായി നിലവില് വരികയും ചെയ്തെങ്കിലും ജനാധിപത്യ നിലയിലുള്ള ഭരണകൂടങ്ങള് വളരെ ചുരുങ്ങിയ കാലയളവിലേ നൈജീരിയയിലുണ്ടായിട്ടുള്ളൂ എന്നത് കൗതുകകരമാണ്.<br /><br />1966 ജനുവരിയില് ല് ഇബോ വംശജരായ ഒരു സംഘം പട്ടാള ഉദ്യോഗസ്ഥര് ജനറല് ജോണ്സണ് അഗുയിയുടെ നേതൃത്വത്തില് സംഘടിക്കുകയും അന്നത്തെ ഭരണതലവനെ വധിച്ച് ഭരണം പിടിച്ചെടുക്കുകയും ചെയ്തതോടെ നൈജീരിയയുടെ പട്ടാള ഭരണ വാഴ്ചയുടെ ചരിത്രവും തുടങ്ങുന്നു. ഇതേ തുടര്ന്ന് മറ്റ് പല വംശജരും കലാപമഴിച്ചു വിടുകയും സാധാരണക്കാരായ നിരവധി ഇബോ വംശജര് കൊല്ലപ്പെടുകയുമുണ്ടായി. അതേ വര്ഷം ജൂലായ് മാസത്തില് തന്നെ, വടക്കന് മേഖലയിലുള്ള പട്ടാള ഓഫീസര്മാര് സഘടിക്കുകയും സായുധകലാപത്തിലൂടെ ജനറല് ജോണ്സണെ വധിച്ച് ജനറല് യാകുബ് ഗൊവോണ് പുതിയ മിലിട്ടറി ഭരണം സ്ഥാപിക്കുകയും ചെയ്തു.<br /><br />അക്കാലത്ത് നാല് മേഖലയായി തിരിച്ചാണ് ഭരണം നടത്തിയിരുന്നത്. 1967 ല് ഈ മേഖലകളെ ഭരണസൌകര്യാര്ത്ഥം വിഭജിച്ച് 12 സംസ്ഥാനങ്ങളാക്കാന് കേന്ദ്രഭരണകൂടം തീരുമാനിച്ചത് കിഴക്കന് മേഖലയുടെ അധിപനായിരുന്ന കേണല് ചുക്ക്വേമേക്ക എതിര്ക്കുകയും, ഒപ്പം അധീനതയിലുണ്ടായിരുന്ന കിഴക്കന് മേഖലയെ ബിയാഫ്ര എന്ന പേരില് ഒരു സ്വതന്ത്ര രാഷ്ട്രമായി പ്രഖ്യാപിക്കുകയും ചെയ്തു. ഇത് ഏകദേശം ഒരു മില്യനിലധികം ആള്ക്കാര് കൊല്ലപെടുവാനിടയാക്കിയ, രണ്ടരവര്ഷത്തോളം നീണ്ട ആഭ്യന്തരയുദ്ധത്തിനു വഴിമരുന്നിട്ടു.<br /><br />1970 ല് ബിയാഫ്ര കീഴടങ്ങിയെങ്കിലും, ജനാധിപത്യ രീതിയിലുള്ള തെരഞ്ഞെടുപ്പ് വാഗ്ദാനം നടത്തി നടത്തി പട്ടാള ഭരണകൂടം തുടര്ന്നു കൊണ്ടേയിരുന്നു.ജനറല് ഗൊവോണിന്റെ പിന്ഗാമിയായി 1975 ല് അധികാരമേറ്റ ജനറല് മുര്ട്ടല റമത്ത് മുഹമ്മദ്, 1976ല് കൊല്ലപ്പെട്ടുവെങ്കിലും ചുരുങ്ങിയകാലം കൊണ്ട് വ്യക്തമായ രാഷ്ട്രീയ നിലപാടുകളിലൂടെ ജനങ്ങളുടെ ആരാധ്യപുരുഷനായി തീര്ന്നിരുന്നു. സ്വകാര്യവല്ക്കരണത്തെകുറിച്ചും , ജനായത്ത ഗവണ്മന്റ് വരേണ്ടതിന്റെ ആവശ്യകതയെ കുറിച്ചുമെല്ലാം വ്യക്തമായ കാഴ്ചപാടുണ്ടായിരുന്ന റമത്ത് മുഹമ്മദ്, സ്വതന്ത്രമായ തിരഞ്ഞെടുപ്പ് നടത്താനുള്ള നടപടിക്രമങ്ങള് തുടങ്ങിവെയ്ക്കുകയും ചെയ്തിരുന്നത്, പിന്ഗാമിയായി വന്ന ലെഫ്റ്റന്റ് ജനറല് ഒബസാന്ജോയ്ക്ക് കാര്യങ്ങള് എളുപ്പമാക്കി. 1979 ല് അമേരിക്കന് ഭരണഘടനയുടെ മാതൃകയില് നൈജീരിയന് ഭരണഘടന കൊണ്ടുവരികയും , തുടര്ന്ന് രാജ്യം തെരഞ്ഞെടുപ്പിലേക്ക് നീങ്ങുകയും ചെയ്തു.<br /><br />1979 ഒക്ടോബറില് നൈജീരിയ വീണ്ടും ജനാധിപത്യ ഭരണത്തിലേക്ക് മടങ്ങിയെത്തി. ഷെവു ഷഗാരിയെ ഭരണതലവനായി തിരഞ്ഞെടുത്ത് കൊണ്ട് , രക്തപങ്കിലമായ പട്ടാള ഭരണത്തില് നിന്ന് മോചനം നേടിയ നൈജീരിയ രണ്ടാമതും റിപബ്ലിക്കായി. പക്ഷേ അത് അധികകാലമൊന്നുമുണ്ടായില്ല, വീണ്ടും പട്ടാളം അധികാരം പിടിച്ചെടുത്തു. 1983 ല് ഷെവു ഷഗാരിയുടെ നേതൃത്വത്തില് നടന്ന ഭരണവര്ഗ്ഗ തെരഞ്ഞടുപ്പ് അതിക്രമങ്ങളില് ജനങ്ങളുടെ വിശ്വാസം നഷ്ടപെട്ട ഭരണകൂടത്തെ ജനറല് മുഹമ്മദ് ബുഹാരിയുടെ നേതൃത്വത്തില് പുറത്താക്കുകയായിരുന്നു.കുറേ നവീകരണപ്രവര്ത്തനങ്ങള്ക്കും അഴിമതിക്കെതിരെയുള്ള പോരാട്ടത്തിനുമൊക്കെ നേതൃത്വം നല്കിയെങ്കിലും രാജ്യം വളരെപെട്ടന്ന് ദാരിദ്ര്യത്തിലേക്ക് കൂപ്പുകുത്തുകയുമുണ്ടായി. അതേ തുടര്ന്ന് മറ്റൊരു പട്ടാളമേധാവി ജനറല് ഇബ്രാഹീം ബാബാംഗിട 1985 ല് അധികാരം പിടിച്ചെടുക്കുകയും ഒപ്പം എത്രയും പെട്ടന്ന് തെരഞ്ഞെടുപ്പ് നടത്താമെന്ന് ജനങ്ങള്ക്ക് ഉറപ്പു നല്കുകയും ചെയ്തു. പക്ഷേ, ആ വാഗദാനം നടപ്പിലാകുവാന് 1993 വരെ നൈജീയന് ജനത കാത്തിരിക്കേണ്ടി വന്നുവെന്ന് മാത്രം.<br /><br />1993 ജൂണില് നൈജീരിയ പോളിംഗ് ബൂത്തുകളിലെത്തി, സോഷ്യല് ഡെമോക്രാറ്റിക് പാര്ട്ടിയിലെ മൊഷൂദ് ആബിയോളയെ 58% വോട്ടുകള്ക്ക് തെരഞ്ഞെടുക്കുകയും ചെയ്തു. പക്ഷേ, ഇലക്ഷന് ഫലപ്രഖ്യാപനത്തിന്റെ അന്ന് വൈകിട്ട് ജനറല് ബാബാംഗിട തെരഞ്ഞെടുപ്പ് അസാധുവായതായി പ്രഖ്യാപിച്ചു. ഇതേ തുടര്ന്ന് അമേരിക്കന് സഹകരണമൊക്കെ നിര്ത്തലാക്കുകയും ആ സമയത്തെ നിരവധി നിര്മ്മാണ പ്രവര്ത്തനങ്ങള് തടസ്സപ്പെടുകയും ചെയ്തു. പക്ഷേ പറഞ്ഞ സമയത്ത് അധികാരമൊഴിയുന്നതായി പ്രഖ്യാപിച്ചുകൊണ്ട് , ചീഫ് ഏണസ്റ്റ് ഷൊന്കന്റെ നേതൃത്വത്തില് ഒരു ഇടക്കാല സര്ക്കാര് രൂപീകരിച്ച് ജനറല് ബാബാംഗിഡെ അധികാരമൊഴിഞ്ഞു.<br /><br />ആ വര്ഷം ആഗസ്റ്റില് പൊതുജന പ്രക്ഷോഭം കൊടുമ്പിരികൊള്ളുകയും, നിരവധിപേര് മരണപെടുകയുമൊക്കെയുണ്ടായതിനെ തുടര്ന്ന് മറ്റൊരു പട്ടാള മേധാവി ജനറല് സാനി അബാച്ച വീണ്ടും നൈജീരിയയെ മിലിറ്ററി ഭരണത്തിലേക്ക് നയിച്ചു. 1994 ജൂണില്, നേരത്തെ തെരഞ്ഞെടുപ്പില് വിജയിച്ച മൊഷൂദ് ആബിയോള സ്വയം രാഷ്ട്ര തലവനായി പ്രഖ്യാപിച്ചതിനെ തുടര്ന്ന് അറസ്റ്റ് ചെയ്യപെടുകയും ഫെഡറല് ഹൈക്കോടതി കുറ്റക്കാരനെന്ന് കണ്ട് ആജീവനാന്ത ജയില്ശിക്ഷ വിധിക്കുകയും ചെയ്തു.<br /><br />1995 ഒക്ടോബറില് ജനറല് സാനി അബാച്ച രാഷ്ട്രത്തോടായി ചെയ്ത പ്രസംഗത്തില്,ഭരണ നവീകരണപ്രക്രിയ തുടരുന്നതിലേക്ക് മൂന്ന് വര്ഷത്തെ സാവകാശം ഉന്നയിക്കുകയും സ്വതന്ത്രമായ ജനകീയ ഭരണമാറ്റം വാഗ്ദാനം നല്കുകയും ചെയ്തു. ആ വര്ഷം തന്നെ നവംബറില് ഒന്പത് രാഷ്ട്രീയ തടവുകാരെ തൂക്കികൊന്നതിനെ തുടര്ന്ന് കോമണ്വെല്ത്ത് രാജ്യങ്ങളില് നിന്ന് നൈജീരിയ പുറത്താക്കപ്പെട്ടു.<br /><br />ജയിലടയ്ക്കപ്പെട്ട ആബിയോളയുടെ ഭാര്യയെ 1996 ല് ലാഗോസില് വാഹനത്തിനുള്ളില് വെടിയേറ്റ് കൊല്ലപ്പെട്ട നിലയില് കണ്ടത്തി.1998ല് ജനറല് അബാച്ചയുടെ നിര്ദ്ദേശപ്രകാരം നിരവധി രാഷ്ട്രീയ തടവുകാരെ വിട്ടയച്ചതായി ഗവണ്മന്റ് അവകാശപ്പെട്ടു. തൊട്ടടുത്ത മാസം, ജൂണ് എട്ടിന് ജനറല് അബാച്ചയെ സ്വവസതിയില് മരണമടഞ്ഞ നിലയില് കണ്ടെത്തി. ഉടന് തന്നെ തൊട്ടടുത്ത അനുയായി മേജര് ജനറല് അബ്ദുല്സലാം അബൂബക്കര് അധികാരമേറ്റെടുത്തു. ആ മാസം പട്ടാളഭരണത്തിനെതിരെ ജനകീയകലാപം പൊട്ടിപുറപ്പെടുകയും ജൂലായ് മൂന്നിനു രാജ്യത്തെ മൊഷൂദ് ആബിയോള ഉള്പ്പെടെയുള്ളരാഷ്ട്രീയ തടവുകാരെയെല്ലാം വിട്ടയക്കുവാന് ഗവണ്മന്റ് സന്നദ്ധത കാണിക്കുകയും ചെയ്തു. ഇതിനു അക്കാലത്തെ അമേരിക്കന് ഭരണകൂടത്തിന്റെ ഇടപെടലും നിര്ദ്ദേശവുമുണ്ടായിരുന്നുവെന്നാണ് പറയപ്പെടുന്നത്.<br /><br />പക്ഷേ, ജൂലായ് മൂന്നിനു ജയില് വിമോചിതനായ മൊഷൂദ് ആബിയോള ജൂലായ് 7നു അമേരിക്കന് പ്രതിനിധികളുമായി സംസാരിച്ച് കൊണ്ടിരിക്കേ ഹൃദയ സ്തംഭനം മൂലം (ജയിലില് വെച്ച് നല്കിയ സ്ലോ പോയിസണ് മൂലമാണെന്നാണ് ഇപ്പോഴും ജനം വിശ്വസിച്ചിരിക്കുന്നത്) മരണമടഞ്ഞു.<br />ജൂലായ് 20 നു ടെലിവിഷനിലൂടെ രാഷ്ട്രത്തിനു നല്കിയ പ്രസംഗത്തില് 1999 ആദ്യം ഇലക്ഷന് നടത്തുമെന്നും 1999 മെയ് 29 നു തന്നെ പുതിയ ജനകീയ സര്ക്കാര് അധികാരത്തില് വരുമെന്നും മേജര് ജനറല് അബൂബക്കര് ഉറപ്പു കൊടുത്തു.<br /><br />1998 ഡിസംബറില് പ്രാദേശിക തെരഞ്ഞെടുപ്പുകളും 1999 ജനുവരി യില് സംസ്ഥാന നിയമസഭകളിലേക്കും തുടര്ന്ന് ഫെഡറല് കൗണ്സിലുകളിലേക്കും പ്രസിഡന്റ് സ്ഥാനത്തേക്കുമൊക്കെയുള്ള തെരഞ്ഞെടുപ്പുകളോടെ ഫെബ്രുവരിയില് നടപടിക്രമങ്ങള് പൂര്ത്തിയായി. ആദ്യ ഘട്ട തെരഞ്ഞെടുപ്പുകള്ക്ക് വിരുദ്ധമായി അവസാന ഘട്ട നടപടികളില് വ്യാപകമായ അഴിമതിയും ക്രമക്കേടുകളുമൊക്കെ ആരോപിക്കപ്പെടുകയും തെരഞ്ഞെടുപ്പ് കമ്മീഷന് പുതിയ ഭരണത്തലവനെ പ്രഖ്യാപിക്കുവാന് രണ്ട് ദിവസം വൈകേണ്ടതായും വന്നു. എങ്കിലും 1976 ല് പട്ടാളഭരണാധികാരിയായിരിക്കുകയും, തുടര്ന്ന് 1979 ല് ജനാധിപത്യം പുനസ്ഥാപിച്ച് അധികാര കൈമാറ്റം നടത്തുകയും ചെയ്ത ജനറല് ഒബസാന്ജോയുടെ നേതൃത്വം ജനകീയ വിധിയിലൂടെ 15 വര്ഷത്തോളം നീണ്ട പട്ടാളഭരണത്തിനു അറുതിവരുത്തുന്ന ചരിത്രവിജയം നേടി. 1995 ല് സാനി അബാച്ചയുടെ ഭരണകാലത്ത് ജയിലിലടയ്ക്കപെടുകയും 1998 ല് ജനറല് അബൂബക്കര് മോചനം നല്കുകയും ചെയ്ത രാഷ്ട്രീയ തടവുകാരിലൊരാളുമായിരുന്നു ജനറല് ഒബസാന്ജോ യെന്നതും ശ്രദ്ധേയമാണ്.<br /><br />ജനറല് ഒബസാന്ജോയെയും അദ്ദേഹത്തിന്റെ പീപ്പിള്സ് ഡമോക്രാറ്റിക് പാര്ട്ടിയെയും 2003 ല് നടന്ന തെരെഞ്ഞെടുപ്പിലും ജനം അംഗീകരിച്ചു. അന്ന് പ്രമുഖ എതിരാളിയായിരുന്നതും ഒരു മുന് പട്ടാള ഭരണാധികാരിയാണ്- 1984- 85 ല് അധികാരത്തിലുണ്ടായിരുന്ന ജനറല് മുഹമ്മദ് ബുഹാരി.<br /><br />2007 ല് കാലാവധി പൂര്ത്തിയാക്കപ്പെടുകയും രണ്ടുപ്രാവശ്യത്തിലധികം തുടര്ച്ചയായി ഭരണം കൈയ്യാളാന് ഭരണഘടന അനുവദിക്കാത്തതും കാരണം ഒരു പ്രാവശ്യം കൂടി അധികാരത്തിലിരിക്കാനുള്ള ജനറല് ഒബസാന്ജോയുടെ ആശയം, ഭരണഘടനാ ഭേദഗതിയായി അവതരിപ്പിക്കപ്പെട്ടുവെങ്കിലും ഇക്കഴിഞ്ഞ 2006 മെയ് മാസത്തില് നൈജീരിയന് സെനറ്റ് തള്ളികളഞ്ഞത് വീണ്ടും ഒരു തെരഞ്ഞെടുപ്പ് കോലാഹലമുയര്ത്തുകയാണ് . അന്ന് ആ ഭേദഗതിയെ എതിര്ത്തവരില് പ്രമുഖനായ വൈസ്പ്രസിഡന്റ് അറ്റിക്കു അബുബക്കറിന്റെ സ്ഥാനാര്ത്ഥിത്വം നൈജീരിയന് സ്വതന്ത്ര ദേശീയ തെരഞ്ഞെടുപ്പ് കമ്മീഷന് തള്ളികളഞ്ഞതും അദ്ദേഹമത് കോടതിയില് ചോദ്യം ചെയ്യുന്നതും വന് മാദ്ധ്യമ ചര്ച്ചകള്ക്ക് വഴിവെച്ചിരിക്കുന്നു.<br /><br />ശക്തമായ പുതിയ നേതൃത്വം ഉയര്ന്ന് വരാത്ത പക്ഷം വീണ്ടും ഒരു മിലിട്ടറി ഭരണം വന്നേക്കുമോ എന്നുള്ള ആശങ്കകള്ക്കിടയിലും നൈജീരിയന് ജനത പോളിംഗ് ബൂത്തുകളിലേക്കെത്താനുള്ള തയ്യാറെടുപ്പിലാണ്. ഇപ്പോഴുള്ള സമയപട്ടികയനുസരിച്ച് ഈ വരുന്ന ഏപ്രില് 14നു സംസ്ഥാന നിയമസഭാ ഇലക്ഷനുകളും, ഏപ്രില് 21 നു ദേശീയ കൗണ്സിലിലേക്കും പ്രസിഡന്റ് പദവിയിലേക്കുമുള്ള തെരഞ്ഞെടുപ്പും നടത്തുന്നതിനുള്ള ശ്രമത്തില് ഗവണ്മന്റ് പ്രവര്ത്തനങ്ങള് മുന്നോട്ട് പോകുന്നുണ്ട്.<br /><br />ഇതുമായി ബന്ധപ്പെട്ടും അല്ലാതെയും ഏവരും പ്രതീക്ഷിക്കുന്ന അക്രമങ്ങള് നേരിടാന് വന് സന്നാഹമൊരുക്കുന്നു എന്നൊക്കെ കേള്ക്കുന്നുണ്ട്. പെട്ടന്ന് ഒഴിഞ്ഞ് പോകേണ്ടി വന്നാലുള്ള സാധ്യതകള് കണക്കിലെടുത്ത് ഒട്ടു മിക്ക വിദേശ കമ്പനികളും മുന്നൊരുക്കങ്ങള് നടത്തുന്നു. അത്തരമൊരു ഒഴിപ്പിക്കലൊന്നും ഇല്ലാതിരിക്കുകയാണെങ്കില് ഇത്തവണത്തെ തെരഞ്ഞെടുപ്പ് വിശേഷങ്ങളുമായി ഉടന് തന്നെ നിനക്കെഴുതാം.<br /><br />അവിടുത്തെ വിശേഷങ്ങള് മറുപടിയില് പ്രതീക്ഷിച്ച് കൊണ്ട് തല്ക്കാലം നിര്ത്തുന്നു.<br />സ്നേഹപൂര്വ്വം<br />- അലിഫ്<br /><br /><br /><br /><a href="http://4.bp.blogspot.com/_ZmropMUj2cE/Rg4jIz1AoAI/AAAAAAAAAH8/96wzvyLEYmc/s1600-h/escort.jpg"><img id="BLOGGER_PHOTO_ID_5048010866587377666" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://4.bp.blogspot.com/_ZmropMUj2cE/Rg4jIz1AoAI/AAAAAAAAAH8/96wzvyLEYmc/s400/escort.jpg" border="0" /> <p align="center"></a></p><p align="center"><span style="color:#3366ff;">ഈ വാഹനത്തിനു തൊട്ടുപിന്നാലെ.... (ഒരു യാത്ര, മൊബൈല് ക്യാമറയില്)</span> </p><p></p><p align="left"><em>കുറിപ്പ്: ഈ ലേഖനത്തില് ചേര്ത്തിരിക്കുന്ന ചരിത്ര, രാഷ്ട്രീയ ഭരണപരമായ വിവരങ്ങള്ക്ക് Nigeria Politics- An overview (kingsley chriss) എന്ന പുസ്തകത്തോടും <a href="http://www.electionguide.org/country-news.php?ID=158" target="_blank">ഇലക്ഷന് ഗൈഡ്</a> ,<a href="http://en.wikipedia.org/wiki/Category:Politics_of_Nigeria" target="_blank">വിക്കി പീഡിയ </a>മുതലായ വെബ് സൈറ്റുകളൊടും പ്രാദേശിക ആനുകാലിക പ്രസിദ്ധീകരണങ്ങളോടും കടപ്പാട്.</p></em><br /><em></em><div class="blogger-post-footer"><img width='1' height='1' src='https://blogger.googleusercontent.com/tracker/34168119-8915936672759712346?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com8tag:blogger.com,1999:blog-34168119.post-1167649564777494622007-01-01T11:51:00.000+01:002007-01-01T12:23:43.976+01:00ലാഗോസ് വഴി നാട്ടിലേക്കും പിന്നെ തിരിച്ചും..പ്രിയപ്പെട്ട കൗച്ചൂ,<br />ഒരുപാട് നാളുകള്ക്ക് ശേഷമാണീ കുറിപ്പ്, കാരണം ഒരു അവധിക്ക് പോക്കും വരവും പിന്നെ ജോലിതിരക്കുകളും. മുന്പ് ഞാന് സൂചിപ്പിച്ചിരുന്ന പോലെ നവംബര് 14 നു തന്നെ നാട്ടിലേക്ക് പുറപ്പെട്ടു. പോര്ട്ട്ഹാര്കോര്ട്ട് എയര്പോര്ട്ട് പുനര് നിര്മ്മാണ ആവശ്യങ്ങള്ക്കായി അടച്ചിരിക്കുന്നതിനാല് കുറച്ചകലെയുള്ള 'ഒവേരി' എന്ന കാര്ഗോ എയര്പോര്ട്ടില് നിന്നാണ് ഇക്കുറി ലാഗോസിലേക്ക് പോകാനായത്.<br /><br />ഒവേരി വരെ പുലര്കാലത്ത് കമ്പനി വക ബസ്സില് മുന്പിലും പിന്നിലും പോലീസ് അകമ്പടിയോടെയുള്ള യാത്ര അക്ഷരാര്ത്ഥത്തില് 'ത്രില്ലിംഗ്' ആയിരുന്നു. ബസ്സില് ഞാനും എന്റെ സുഹൃത്തും പിന്നെയൊരു ഫിലിപ്പീനിയും. ഈ മൂന്ന് പേര്ക്ക് വേണ്ടിയുള്ള എസ്കോര്ട്ട് 12 പോലീസുകാരും!. ഒന്നര രണ്ട് മണിക്കൂറോളമുള്ള ഈ റോഡ് യാത്രയില് എന്തും സംഭവിക്കാമെന്നാണ് നമ്മുടെ സെക്യൂരിറ്റി വകുപ്പ് കാരുടെ അഭിപ്രായം. പക്ഷേ ഞാന് അധികവും കണ്ടത്, വഴിയരികില് വണ്ടിപാര്ക്ക് ചെയ്ത് താത്കാലിക ചെക്ക് പോസ്റ്റുകള് സൃഷ്ടിച്ച്, പാവം പിടിച്ച ടാക്സി ഡ്രൈവര്മാരോട് പോലും കാശുപിടുങ്ങുന്ന പോലീസ്/പട്ടാള യൂണിഫോമിട്ടവരുടെ അക്രമമാണ്. ഈ ഒന്നരമണിക്കൂര് യാത്രയില് ഇരുപത്തിയഞ്ചോളം ഇടത്തെങ്കിലും ഇത്തരം ചെക്ക് പോസ്റ്റുകളും പിടിച്ചുപറിയും കണ്ടു. ശ്രദ്ധേയമായ മറ്റൊന്ന്, ആരും ഇവരെ ചോദ്യം ചെയ്യാനോ തര്ക്കിക്കാനോ മിനക്കെടുന്നില്ലന്നുള്ളതും, എന്തേലും കൈമടക്ക് കൊടുത്ത് എത്രയും വേഗം സ്ഥലം വിടുന്നതുമാണ്. നമ്മുടെ വാഹനത്തിന് പോലീസ് എസ്കോര്ട്ട് ഉള്ളതിനാലാവണം , സല്യൂട്ടടിച്ച് യാത്രയാക്കു ന്നുമുണ്ടവര്. റോഡില് സൈഡ് ഒഴിവാകി തരാത്തവരെ തോക്ക് കാട്ടി ഭീക്ഷണിപ്പെടുത്തുക, റിയര്വ്യൂ മിറര് അടിച്ച് പൊട്ടിക്കുക, ട്രാഫിക്ക് കുരുക്കില് ബാക്കിയെല്ലാ വാഹനങ്ങളേയും തടഞ്ഞ് നിര്ത്തിയും തെറ്റായ വശത്തുകൂടെയും നമ്മുടെ വാഹത്തിന് വഴിയൊരുക്കുക തുടങ്ങിയ കലാപരിപാടികള് ഭംഗിയായി നടത്തുന്നുണ്ടായിരുന്നു മുന്പിന് എസ്കോര്ട്ട് പോലീസും.എന്തായാലും യാത്ര ബോറടിച്ചില്ലന്ന് വേണം പറയാന്.<br /><br />ഒവേരി മുതല് ലാഗോസ് വരെ ഒരു കുട്ടിവിമാനത്തിലാണ് യാത്ര. ഇവിടെ ചെറുവിമാനങ്ങള് തകര്ന്ന് വീഴുന്നതൊക്കെ നിത്യസംഭവമായതിനാല് ശ്വാസമടക്കി പിടിച്ചാണ് ലാഗോസ് വരെയെത്തിയത്.<br /><br />ലാഗോസ് നൈജീരിയയുടെ മുന് തലസ്ഥാന നഗരിയാണന്നറിയാമല്ലോ.ആ കാലത്ത് നടന്ന വികസനപ്രവര്ത്തനങ്ങളുടെ പ്രൗഢി ഇന്നുണ്ട് ഈ നഗരിക്ക്, ഒപ്പം അകാലത്തില് നിന്നുപോയ പല വമ്പന് പദ്ധതികളുടെയും ശേഷിപ്പുകളും. നൈജീരിയയുടെ ഏറ്റവും ജനസാന്ദ്രതയേറിയ പ്രദേശമാണ് ലാഗോസ്. വികസനപ്രവര്ത്തനങ്ങള്ക്ക് ഈ വര്ദ്ധിച്ച് വരുന്ന ജനസാന്ദ്രത തടസ്സമാകുമെന്ന് കണ്ടിട്ടാകണം ‘അബുജ’യിലേക്ക് തലസ്ഥാനം പറിച്ച് നടുവാന് ഫെഡറല് സര്ക്കാര് നിര്ബന്ധിതമായത്.<br /><br />1400-1800 കാലഘട്ടത്തിലെ ബെനിന് സാമ്രാജ്യത്തിന്റെ ഭാഗമായിരുന്ന 'എക്കോ' എന്ന പ്രദേശമാണ് ഇന്നത്തെ ലാഗോസ് ആയി അറിയപ്പെടുന്നത്. എവോറി/യോറുബ വംശജര് തിങ്ങിപാര്ത്തിരുന്ന ഒരു കോളനിയായിരുന്നു ഇവിടം. 1472 ല് ഇവിടം സന്ദര്ശിച്ച പോര്ച്ചുഗീസ് നാവികര് ഇത് രേഖപ്പെടുത്തിയിട്ടുണ്ട്. 1704-1851 കാലഘട്ടത്തില് അടിമകച്ചവടത്തിന്റെ കുപ്രസിദ്ധിയാര്ജ്ജിച്ച കേന്ദ്രമായിരുന്ന ഇവിടം,1861 ഓടെ ബ്രിട്ടീഷ് കോളണി വാഴ്ചയില് പെടുകയും ഒപ്പം അടിമകച്ചവടത്തിന് ഒരറുതിവരികയും ചെയ്തു.<br /><br />1914 ല് നൈജീരിയയുടെ തലസ്ഥാന നഗരിയായി വാഴ്ത്തപ്പെട്ട മനോഹരമായ പ്രദേശമായിരുന്നത്രേ, നിരവധി ദീപുകളുടെ സമൂഹം കൂടിയായ ലാഗോസ്. 'ലഗൂണി'ല് നിന്നുത്ഭവിച്ചതാകണം പോര്ട്ടുഗീസ്കാര് ചാര്ത്തികൊടുത്ത ലാഗോസ് എന്ന നാമധേയം. 1960 ല് നൈജീരിയ സ്വതന്ത്രമായെങ്കിലും 1967ല് പൊട്ടിപുറപ്പെട്ട ആഭ്യന്തരകലാപം മൂലം വികസനപ്രവര്ത്തനങ്ങള് താറുമാറായി. തലസ്ഥാന നഗരിയെയും അത് ബാധിച്ചു. പിന്നീട് ആഭ്യന്തരകലാപത്തിനറുതി വന്നതോടെ ജനങ്ങള്, മറ്റ് നൈജീരിയന് പ്രദേശങ്ങളില് നിന്നും തൊട്ടടുത്തെ മറ്റ് ആഫ്രിക്കന് രാജ്യങ്ങളില് നിന്ന് പോലും ലാഗോസിലേക്ക് കുടിയേറ്റമാരംഭിച്ചു. അതുകൊണ്ട് തന്നെ പല വംശജര് വന്നടിയുകയും ആചാരാനുഷ്ടാനങ്ങളില് മാറ്റങ്ങളുണ്ടാകുകയും ലാഗോസിന് യഥാര്ത്ഥത്തിലുണ്ടായിരുന്ന വംശീയപാരമ്പര്യം നഷ്ടമാകുകയും ചെയ്തു. ഒപ്പം ജനപെരുപ്പം കൊണ്ട് വീര്പ്പുമുട്ടുന്ന ഒരു നഗരിയുമായി മാറി.<br /><br />പക്ഷേ 1970 കളിലെ കുതിച്ചുയര്ന്ന എണ്ണപണത്തിന്റെ കൊഴുപ്പില് വികസനപ്രക്രിയയില് ലാഗോസ് അതിദ്രുതം മുന്നേറി. അക്കാലത്തുണ്ടാക്കിയ മേല്പ്പാലങ്ങളും, കിലോമീറ്ററുകള് നീളമുള്ളതും തൊട്ടടുത്ത ദ്വീപുകളായ വിക്ടോറിയ,ഇക്കോയി എന്നിവയുമായി ബന്ധിപ്പിക്കുന്നതുമായ പാലങ്ങളും, വമ്പന് കെട്ടിടങ്ങളും, എണ്ണിയാലൊടുങ്ങാത്ത ഫ്ലൈഓവറുകളും, എയര്പോര്ട്ടും, എക്സ്പ്രസ്സ് റോഡുകളുമൊക്കെ ഇന്നുമുണ്ട്. 1981 ലെ എണ്ണവിലയുടെ താഴോട്ട് പോക്കും നിവൃത്തികെട്ട നൈജീരിയഗവണ്മെന്റിന്റെ ഐ.എം എഫ് വായ്പാ ഉടമ്പടികളുമൊക്കെ ചേര്ന്ന് വികസനപ്രവര്ത്തനങ്ങള് പൂര്ണ്ണമായും നിലച്ചു.<br /><br />ജനജീവിതം ദുസ്സഹമാകുകയും, പിടിച്ചുപറിയ്ക്കും കൊള്ളയടിയ്ക്കും കുപ്രസിദ്ധിയാര്ജ്ജിക്കുകയും ചെയ്ത ലാഗോസിന്റെ തലസ്ഥാനനഗരപദവി 1991ല് അബൂജയിലേക്ക് മാറ്റപ്പെട്ടു. പക്ഷേ ഇന്നും നൈജീരിയയുടെ മറ്റ് ഭാഗങ്ങളെ അപേക്ഷിച്ച് നോക്കുമ്പോള് വൈദ്യുതി, വെള്ളം, ഗതാഗതം തുടങ്ങിയമേഖലകളില് ലാഗൊസ് നഗരം മുന്പന്തിയിലാണത്രേ. എന്നിരുന്നാലും ജനപ്പെരുപ്പം കൊണ്ടുള്ള പ്രശ്നങ്ങള്,ശരിയാം വണ്ണമല്ലാത്ത മലിന ജല നിര്ഗ്ഗമനം, മനുഷ്യവിസര്ജ്യം ഒഴുകുന്ന ഓടകള്, മണിക്കൂറുകള് നീളുന്ന ട്രാഫിക്ക് കുരുക്കുകള് തുടങ്ങിയവയാല് ഒരു വലിയ ചേരിപ്രദേശത്തിനു തുല്യമാണ് വമ്പന്കെട്ടിടങ്ങളും പാലങ്ങളും, എയര്പോര്ട്ടുമെല്ലാമുള്ള ലാഗോസിന്റെ നഗരപ്രദേശം.<br /><br />നൈജീരിയയുടെ പ്രധാന പോര്ട്ടുകളിലൊന്നാണ് ലാഗോസ്.നൈജീരിയന് പോര്ട്ട്സ് അതോറിട്ടി (NPA) യുടെ കീഴിലുള്ള ഈ തുറമുഖം, അന്തര്ദേശീയ കപ്പല് പാതയിലെ സുപ്രധാനമായതുമാണ്. പഴയകാലപ്രതാപമൊന്നുമില്ലങ്കിലും ക്രൂഡോയില്, തടി, കാര്ഷിക ഉത്പന്നങ്ങള് എന്നിവയുടെ കയറ്റുമതിയും ഭക്ഷ്യവസ്തുക്കള്, വാഹനങ്ങള്, വാണിജ്യഉത്പന്നങ്ങള്, നിത്യോപയോഗ വസ്തുക്കള് തുടങ്ങിയവയുടെ ഇറക്കുമതിയുമാണിവിടെ നടക്കുന്നത്.<br /><br />നൈജീരിയയുടെ ബാങ്കിംഗ് (ചില കുപ്രസിദ്ധ ഇടപാടുകളും) മേഖല ഇപ്പോഴും ലാഗോസ് കേന്ദ്രീകരിച്ചാണ്. നിരവധി ഫൈനാന്സ് സ്ഥാപനങ്ങളുടെ പ്രധാന ഓഫീസുകള് ഇവിടെയുണ്ട്. നഗരപ്രാന്തത്തിലുള്ള ‘ഇക്കേജ‘ വ്യവസായ എസ്റ്റേറ്റ് നൈജീരിയലെ തന്നെ ഏറ്റവും വലിയ സംരംഭമാണ്.<br /><br />എണ്ണകുഴലുകളുടെ വലിയ ഒരു നെറ്റ്വര്ക്ക് കടന്ന് പോകുന്ന ലാഗോസിന്റെ പ്രാന്തപ്രദേശങ്ങള് പലപ്പോഴും അപകടങ്ങള്ക്ക് വഴിവെക്കുന്നു. ഈ കുഴലുകളില് നിന്നും എണ്ണ മോഷ്ടിക്കുന്നവര് ധാരാളമാണ്, അതിനാല് തന്നെ ഒരു ചെറിയ തീപ്പൊരി ആ പ്രദേശമാകെ നശിപ്പിക്കുന്ന അഗ്നികുണ്ഡമാകാന് അധികനേരം വേണ്ട.ആളുകള് തിങ്ങിപ്പാര്ക്കുന്ന ഇടംകൂടിയായതിനാല് ധാരാളം മനുഷ്യജീവന് ഇതില് പൊലിഞ്ഞ് പോകാറുമുണ്ട്. (ഈയടുത്തുണ്ടായ 260 ഓളം പേര്ക്ക് ജീവാപായം സംഭവിച്ച ലാഗോസ് അപകടത്തിന്റെ വാര്ത്ത <a href="http://news.bbc.co.uk/2/hi/africa/6209845.stm" target="_blank">ഇവിടെ</a> )<br /><br />ലാഗോസില് നിന്നും വൈകുന്നേരത്തോടെ ദുബായ് ലേക്കും അവിടുന്ന് പിറ്റേന്ന് തിരുവനന്തപുരത്തേക്കും പറന്നു.ഡിസംബര് 8 മുതലുള്ള ചലച്ചിത്രമേളയും ആസ്വദിച്ച് മേളതീര്ന്ന 15നു തന്നെ തിരിക വണ്ടികേറി (ചലച്ചിത്രമേള കുറിപ്പുകള് <a href="http://alifcinema.blogspot.com/" target="_blank">ഇവിടെ</a>) ഡിസം.16 നു തിരികെ ലാഗോസ്സിലെത്തിയെങ്കിലും 17 ഉച്ചയോടെയേ പോര്ട്ട്ഹാര്കോര്ട്ടിലെത്താനായുള്ളൂ. ഇവിടെ കാത്തിരിക്കുന്നത് കിഡ്നാപ്പിംഗ് പോലുള്ള പരിപാടികള് തല്ക്കാലത്തേക്കെങ്കിലും നിര്ത്തിവെച്ച്, കുറച്ച് കൂടി ഭീകരമായ അന്തരീക്ഷം സൃഷ്ടിക്കുന്ന 'കാര് ബോംബ് സ്ഫോടന' പരമ്പരകള് തീര്ക്കുന്ന തീവ്രവാദി സംഘടനകളുടെ വാര്ത്തകളായിരുന്നു. പെട്രോളിയം ഭീമന്മാരായ 'ഷെല്'ന്റെ ഓഫീസ് വളപ്പിനടുത്തും ഇവിടെയടുത്ത് ചില സര്ക്കാര് ഓഫീസ് പരിസരത്തുമൊക്കെ സ്ഫോടനങ്ങള് നടന്നതിനാല് കടുത്ത സെക്യൂരിറ്റി വലയത്തിനുള്ളിലാണ് ഇത്തവണത്തെ ക്രിസ്തുമസ്സ് ആഘോഷങ്ങള്, ഈദും പുതുവത്സരവുമൊക്കെ.എപ്പോഴും പുറത്ത് പോകാന് കഴിയില്ലന്നത് സങ്കടകരമാണ്.ജീവനേക്കാള് വലുതല്ലല്ലോ ആഘോഷങ്ങള് എന്ന് സമാധാനിക്കാം.<br /><br />നിന്റെ മെയിലുകള് കിട്ടിയിരുന്നു, തുടര്ന്നും അയയ്ക്കുക. പുതിയ പ്രോജക്റ്റിന്റെ ഷൂട്ടിംഗ് റിപ്പോര്ട്ടുകള് <a href="http://acchor.blogspot.com/" target="_blank">ബ്ലോഗില് </a>കണ്ടു, ആശംസകള്.<br /><br />ഇന്ന് 2007 ജനുവരി ഒന്ന്<br />പുതുവത്സരാശംസകളോടെ<div class="blogger-post-footer"><img width='1' height='1' src='https://blogger.googleusercontent.com/tracker/34168119-116764956477749462?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com8tag:blogger.com,1999:blog-34168119.post-1163004048105786242006-11-08T17:17:00.000+01:002006-11-08T17:42:46.066+01:00നൈജീരിയ - ഭാഷ, സംസ്കാരം.പ്രിയ കൌച്ചു,<br />കത്തുകള്ക്കിടയിലുള്ള ദൈര്ഘ്യം ഏറെ കൂടുന്നുവെന്നെനിക്കറിയാം;എന്തു ചെയ്യാന്, ആഗ്രഹമില്ലാഞ്ഞിട്ടല്ല, സമയം തീരെ കിട്ടുന്നില്ല. ചെയ്തുകൊണ്ടിരിക്കുന്ന പ്രോജെക്റ്റ് വര്ക്കിന്റെ റിപ്പോര്ട്ടുണ്ടാക്കല് പണിപ്പുരയിലാണ്. അതൊന്ന് ഒരു വഴിക്കാക്കിയിട്ടു വേണം നാട്ടിലേക്ക് വണ്ടികയറാന്,മിക്കവാറും നവം.15ന്.<br /><br />ഇവിടുത്തെ ആള്ക്കാരുമായി സൌഹൃദ സംഭാഷണത്തിലേര്പ്പെടുകയാണ് ഇപ്പോഴത്തെ പ്രധാന പരിപാടി. എന്തെങ്കിലും വീണുകിട്ടിയാല് നിനക്കെഴുതാലോ. ഇവരുടെ സംസാരഭാഷ ഭയങ്കര രസമാണ്. സംസാരിക്കുന്നതിനൊപ്പം തന്നെ ആംഗ്യങ്ങളിലൂടെയും ആശയവിനിമയം നടത്താന് ശ്രമിക്കുന്നത് പുതുതായി കാണുന്നവര്ക്ക് ഒരു തമാശയാണ്, പക്ഷേ അത് ഇവരുടെ ഉള്ളിന്റെ ഉള്ളില് ഇനിയും വിട്ടുപോയിട്ടില്ലാത്ത തനത് സംസ്കാരത്തിന്റെയും പ്രാചീനമെങ്കിലും ശക്തമായ താളബോധത്തിന്റെയുമൊക്കെ പ്രതിഫലനമാണ്. മാത്രമല്ല, ഏതാണ്ട് 500 ലധികം രീതികളിലായി വ്യാപിച്ചുകിടക്കുന്ന സംസാരഭാഷ മറ്റൊരുവന് മനസിലാകണമെങ്കില് കുറച്ചൊക്കെ കൈയ്യും കലാശവുമൊക്കെ കാണിച്ചേ തീരൂ എന്നതുകൊണ്ടുമാകാം.<br /><br />ഹൌസ, ഇഗ്ബോ യോറുബ, ഫുലാനി എന്നീ ഭാഷകളാണ് പ്രധാനമായും ഇവര്ക്കിടയി ലുള്ളതെങ്കിലും ഏതാണ്ട് 250തിലധികം നൈജീരിയന് ഭാഷകള് പ്രയോഗത്തിലുണ്ടന്നാണ് ഔദ്യോഗിക കണക്ക്. ഈ 250 തന്നെ വീണ്ടും പ്രാദേശികതലത്തില് 500 ലധികമായും വിഭജിക്കപ്പെട്ടിരിക്കുന്നു. ചില ഗോത്ര സമൂഹങ്ങള് തന്നെ രണ്ടോ അതിലധികമോ ഭാഷയില് ആശയവിനിമയം നടത്താറുണ്ടെന്നുള്ളത് കൌതുകകരമാണ്. ഞാന് പാര്ക്കുന്ന തെക്ക് കിഴക്കന് പ്രവിശ്യയില് കൂടുതലായുള്ളത് ഇബോ വംശജരും, അവര് ഉപയോഗിക്കുന്ന ഭാഷ ഇഗ്ബോ യും അതിന്റെ 50 തിലേറെ വരുന്ന പ്രാദേശികരൂപാന്തരങ്ങളുമാണത്രേ.<br />ഇഗ്ബോ യിലെ ചില വാക്കുകള്;<br />ദൌലു (ദാഉലു) : നന്ദി<br />കെടാഉ : സുഖമാണോ<br />മ്ന്നിലി : വെള്ളം<br />ന്നി : എടുക്കൂ<br />ഒചെ : കസേര<br />ഓഗ: ബോസ് (സര് എന്ന അര്ത്ഥത്തില്)<br />വാഹ്ല : പ്രശ്നം (നോ വാഹ്ല : നോ പ്രൊബ്ലം)<br /><br />ഇതൊക്കെ തന്നെ പലരും നീട്ടലും കുറുക്കലുമൊക്കെയായി പലരീതിയിലാണ് ഉച്ചരിക്കുന്നത്.എന്റെ കൂടെ ജോലിയെടുക്കുന്ന മിക്കവരും പ്രാദേശികഭാഷ സംസാരിക്കുമെങ്കിലും എഴുതുവാന് അറിയില്ല.അവര് അതിന് ഔദ്യോഗിക ഭാഷയായ ആംഗലേയം തന്നെയാണുപയോഗിക്കുന്നത്. അത് പറയാന് വിട്ടു, ഇവിടുത്തെ വര്ഷങ്ങള് നീണ്ടുനിന്ന ബ്രിട്ടീഷ് കൊളോണിയല് വാഴ്ചയുടെ ഫലമെന്നോണം ആംഗലേയമാണ് ഔദ്യോഗിക ഭാഷ, സ്കൂളുകളിലും അതിനാണ് ഒന്നാമിടം.എന്നാല് 'പീജിയണ് ഇംഗ്ലീഷ്' എന്ന പേരിലുള്ള ഒരുതരം ആംഗലേയത്തിനോടടുത്തുനില്ക്കുന്ന സംസാര എഴുത്ത് ഭാഷ കോളണിവാഴ്ചയ്ക് വളരെ മുന്പ് തന്നെ പ്രചാരത്തിലുണ്ടായിരുന്നു വെന്ന് ചില കുറിപ്പുകളില് കാണുന്നു. എന്റെ സുഹൃത്ത് എമ്മാനുവേല യുടെ അഭിപ്രായത്തില് ഏതെങ്കിലും നൈജീരിയന് എഴുത്തുഭാഷ വശമുള്ളവര് ഈ തലമുറയില് വിരളമാണ്. 42നും 51നുമിടയ്ക്കാണ് സാക്ഷരതാ ശതമാന നിരക്കെന്ന് ഔദ്യോഗിക വെബ്സൈറ്റ് പറയുന്നുവെങ്കിലും അതിലും വളരെ താഴെയാവാനേ സാധ്യതയുള്ളൂവെന്നാണ് ഇവരുടെ അഭിപ്രായം. എഴുത്തും വായനയും അറിയാത്തവരും ആംഗലേയം നന്നായി തന്നെ കൈകാര്യം ചെയ്യുന്നത് നിത്യജീവിതത്തിന്റെ ആവശ്യകത കൊണ്ടാകാം.<br /><br />നീണ്ടുനിന്ന കോളണിവാഴ്ചയും സ്വാതന്ത്ര്യാനന്തരം നിരവധി വര്ഷങ്ങള് കടന്നുപോയ പട്ടാളഭരണവും മൂലം ഗോത്രസംസ്കാരം മ്യൂസിയം മാതൃകകളില് മാത്രമായൊതുങ്ങിപോയിരിക്കുന്നു. ഇപ്പോള് ടൂറിസത്തിന്റെ ഭാഗമായി കെട്ടുകാഴ്ചകളായിതീരുന്ന സാംസ്കാരിക പരിപാടികളില് ആഫ്രിക്കന് ഗോത്ര ചലനങ്ങളേക്കാള് മുഴച്ചുനില്ക്കുന്നത് പാശ്ചാത്യ ചുവട്വെയ്പ്പുകളാണന്നതില് ഈ പുത്തന് തലമുറയും കുണ്ഠിതപെടുന്നു. ഉള്ഗ്രാമങ്ങളില് ഇപ്പോഴും വിവാഹം, മരണം തുടങ്ങിയെന്തിനും തനത് വാദ്യഘോഷങ്ങളും ചടുല താളമേളങ്ങളുടെയുമൊക്കെ അകമ്പടിയുമുണ്ടാകുമത്രേ, പക്ഷേ അതൊന്നും ഡോക്കുമന്റ് ചെയ്ത് വെയ്ക്കാന് പോലും ഭരണകൂടത്തിന് താല്പര്യമില്ലന്നാണിന്നിവരുടെ പരാതി.<br /><br />ബെന്യൂ നദീതടത്തില് വികാസം പ്രാപിച്ച ‘നോക് ‘ സംസ്കാരത്തിന്റെ തിരുശേഷിപ്പുകള് കണ്ടെത്തിയിട്ടുള്ളത് നൈജീരിയന് ഗോത്രവര്ഗങ്ങളുടെ ഏതാണ്ട് 2000 ത്തിലേറെ വര്ഷത്തെ പഴക്കം സൂചിപ്പിക്കുന്നു. ബി.സി 500 നും എ.ഡി 200നും ഇടയ്കുണ്ടായിരുന്നുവെന്ന് കരുതപ്പെടുന്ന 'നോക് ‘ സംസ്കാരത്തിന്റെ ഉറവിട ഖനനത്തില് കണ്ടത്തിയ ചുട്ടെടുത്ത കളിമണ് പാത്ര ശില്പനിര്മ്മാണത്തിന്റെ നിരവധിമാതൃകകള്, പാരമ്പര്യ കലാരൂപങ്ങളുടെയും ഒരു ജനതയുടെ മുഴുവന് സംസ്കാരത്തിന്റെയും മഹത്വം വെളിവാക്കുന്നവയാണ്. (പോര്ട്ട് ഹാര്കോര്ട്ട് മ്യൂസിയത്തില് ചിലത് പ്രദര്ശിപ്പിച്ചിട്ടുള്ളത് കാണാന് കഴിഞ്ഞു) പുല്ല് നെയ്തുണ്ടാക്കുന്ന വിവിധ കരകൌശല വസ്തുക്കള്, തടികൊണ്ടുള്ള കൊത്തുപണികള്, കൈകൊണ്ട് നെയ്യുന്ന തുണിത്തരങ്ങള് തുടങ്ങിയവയേപ്പോലെ തന്നെ കളിമണ് പാത്ര നിര്മ്മാണം ഇന്നും സുപ്രധാനമായ ഒരു കുലത്തൊഴിലാണ്; ഉപജീവനമാര്ഗവും. കരകൌശല വസ്തുക്കളില് എന്നെ ഏറ്റവും ആകര്ഷിച്ചത് പല നിറത്തിലും ആകൃതിയിലുമുള്ള മുഖംമൂടികളാണ്, അതും തടികൊണ്ടുള്ളവ.<br /><br />വസ്ത്രധാരണരീതി പല വംശജരും പലവിധത്തിലാണെങ്കിലും നിറപ്പകിട്ടാര്ന്ന വസ്ത്രങ്ങളോടാണിവര്ക്ക് ഏറെ പ്രിയം. ക്രിസ്തുമത വിശ്വാസികള് പക്ഷേ പള്ളിയില് പോകുന്നതൊക്കെ വളരെ 'ഫോര്മല്' വസ്ത്രങ്ങളണിഞ്ഞാണ്. പെണ്കുട്ടികള്ക്ക് തലയില് 'സ്കാര്ഫ്' കെട്ടുന്നതും വളരെ നീളമേറിയ തുണികൊണ്ട് പ്രത്യേകശൈലിയില് തലപ്പാവുപോലെ ചുറ്റികെട്ടുന്നതും പാരമ്പര്യ ശൈലിയാണ്. വിവാഹം പോലുള്ള പൊതുചടങ്ങുകളില് ഇവര് പാരമ്പര്യ വസ്ത്രങ്ങളണിയുവാന് പ്രത്യേകം ശ്രദ്ധിക്കുന്നു. (ഇല്ലാത്തവര്ക്ക് വാടകയ്ക് കിട്ടുന്ന സ്ഥലങ്ങള് ധാരാളമുണ്ടത്രേ)<br /><br />പെണ്കുട്ടികള് 20 വയസ്സോടെയും ആണ്കുട്ടികള് 25നോടടുത്തും വിവാഹിതരാകുമായിരുന്നു നേരത്തെ. പക്ഷേ ഇപ്പോള് വിദ്യാഭ്യാസം, ജോലി തുടങ്ങിയവയോടൊപ്പം പെണ്കുട്ടികള് 25 നോടടുത്തേ വൈവാഹികജീവിതത്തിലേക്ക് പ്രവേശിക്കാറുള്ളൂ. സ്ത്രീധന സമ്പ്രധായമൊക്കെ കുറഞ്ഞ അളവിലെങ്കിലും വ്യാപകമായി ഇപ്പോഴുമുണ്ട്. വിവാഹ ചടങ്ങുകളൊക്കെ വളരെ ചിലവേറിയതിനാല് ഇപ്പോള് പലരും ‘ലിവിംഗ് റ്റുഗതര്‘ സമ്പ്രധായത്തിലാണ്. പാരമ്പര്യ രീതിയിലുള്ള വിവാഹം ചിലപ്പോള് രണ്ടോ മൂന്നോ വര്ഷങ്ങള്ക്ക് ശേഷമാകും, അതും ജനിച്ച ഗ്രാമത്തില് വെച്ച്. വംശ പാരമ്പര്യമൂല്യത്തെ വളരെ വലുതായികാണുന്ന ഇവര് വംശം , മതം പിന്നെ സ്ഥലം എന്ന ക്രമത്തിലാണ് പരസ്പരം പരിചയപ്പെടുത്തുന്നത് പോലും. വംശീയ സ്പര്ധയും മറ്റും ചെറിയതോതിലുള്ള ലഹളയ്ക് കാരണമാകുന്നത് നിത്യ സംഭവമാണ്.<br /><br />നൈജീരിയക്കാര് ഭക്ഷണം കഴിക്കുന്ന രീതിയ്ക്കും ഭക്ഷ്യവസ്തുക്കള്ക്കും ഒരുപാട് സാമ്യം നമ്മുടേതായിട്ടുണ്ട്. പരസ്യമായ സദസ്സിലോ, മറ്റ് രാജ്യക്കാര് പങ്കെടുക്കുന്ന ചടങ്ങിലോ അല്ലാതെ ഇവര് സ്പൂണും ഫോര്ക്കും ഒന്നും ഉപയോഗിക്കാറില്ല. കൈകൊണ്ട് തന്നെ വാരി കഴിക്കുകയാണ് ചെയ്യുന്നത്. ഇറച്ചി, മീന് തുടങ്ങിയവയ്ക് പ്രാധാന്യമേറെ. അതുപോലെ എരിവും ചൂടും കുറച്ചൊക്കെ ഇഷ്ടപ്പെടുകയും ചെയ്യുന്നു. ‘കസാവ‘ യെന്നപേരില് നമ്മുടെ കാച്ചില് പോലിരിക്കുന്ന ഒരു തരം കിഴങ്ങ് ഇവര്ക്ക് പ്രിയംങ്കരമാണ്, പ്രത്യേകിച്ചും ചൂട് കൂടിയ വടക്കന് പ്രവിശ്യയില്. കൊഴുപ്പും വെള്ളത്തിന്റെ അംശവും വളരെകൂടുതലായുള്ളത് തന്നെയാവാം കാരണം. "നൈജീരിയന് വസതികളില് അതിഥികള് ഒരിക്കലും ഭക്ഷണശേഷം നന്ദി പറയാന് പാടില്ല, കാരണം അതിഥികള്ക്ക് ഭക്ഷണം കൊടുക്കുകയെന്നത് നന്ദി സ്വീകരിക്കാന് പാടില്ലാത്ത കടമയാണ്" ഇതുപറയുമ്പോള് എമ്മനുവേലയുടെ കണ്ണുകളിലെ തിളക്കം 'അതിഥി ദേവോ ഭവ:‘ എന്ന് കരുതുന്നൊരു നാട്ടില് നിന്നു വരുന്ന എനിക്ക് തിരിച്ചറിയാനാവും.<br /><br />ബാക്കി അടുത്ത കത്തിലെഴുതാം, അവിടുത്തെ വിശേഷങ്ങള്ക്കായി കാത്തിരിക്കുന്നു.<br /><br />ആശംസകളോടെ,<div class="blogger-post-footer"><img width='1' height='1' src='https://blogger.googleusercontent.com/tracker/34168119-116300404810578624?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com10tag:blogger.com,1999:blog-34168119.post-1161368439986957952006-10-20T18:48:00.000+01:002006-10-20T19:57:47.713+01:00'ഒന്നേ' യിലേക്ക് ഒരു യാത്ര<div align="left">പ്രിയ കൌച്ചു,<br />നിനക്ക് സുഖം തന്നയല്ലേയെന്ന പതിവ് ചോദ്യം ആവര്ത്തിക്കുന്നു.നല്ല തിരക്കുണ്ട്, അതിനാലാണ് മെയിലുകള് വൈകുന്നത്;പിന്നെയിവിടുത്തെ നെറ്റ്വര്ക്ക് മിക്കപ്പഴും പണിമുടക്കിലുമാണ്. ബ്ലോഗിങ്ങില് ഹരം പിടിച്ചിരിക്കുന്നു, ചിന്തിക്കുവാനും ചിരിക്കുവാനുമുതകുന്ന ഒരു പാട് ബ്ലോഗെഴുത്തുകള് സുലഭം. നീ പറഞ്ഞപ്പോള് ഇത്ര കേമമെന്ന് ഞാന് കരുതിയേയില്ല.ഓഫീസ് സമയം കഴിഞ്ഞേ പറ്റുകയുള്ളുവെങ്കിലും പിന്മൊഴികള്ക്കും തനിമലയാളത്തിനുമിടയില് നിനക്ക് കത്തെഴുതാന് വൈകിയാല് പിണങ്ങണ്ട, നീ തന്നെ കാരണം.<br /><br />കഴിഞ്ഞ കത്തിലെഴുതിയിരുന്ന 'തട്ടികൊണ്ട് പോകല്' ഭീക്ഷണികളും അതിനേതുടര്ന്നുണ്ടായ നിയന്ത്രണങ്ങളുമൊക്കെ വരുന്നതിനു മുന്പ് ജൂലായ് അവസാന ആഴ്ച ഇവിടെനിന്നും 40 തോളം കിലോമീറ്റര് അകലെയുള്ളതും എന്റെ കൂടെയുള്ള മറ്റ് മൂന്ന് പേരുടെ ക്യാമ്പിംഗ് സ്ഥലവുമായ 'ഒന്നേ'(Onne) യിലേക്ക് പോകാന് കഴിഞ്ഞിരുന്നു. ഇവിടെ വന്ന ശേഷം ആദ്യമായാണ് ഇത്രയെങ്കിലും ദൂരം റോഡ് മാര്ഗ്ഗം സഞ്ചരിക്കുവാന് അവസരം കിട്ടുന്നത് എന്നതിനാല് ആകെ ത്രില്ലിലായിരുന്നു ഞാന്. ഡ്രൈവറെ കൂടാതെ ഒരു മിലിറ്ററി ഗണ്മാന് കൂടെയുണ്ടാവാറുള്ളത് ഞാന് പറഞ്ഞിരുന്നല്ലോ.പോകുന്ന വഴിയൊക്കെ എന്നെ അലട്ടിയിരുന്ന ഒരു വലിയ ചോദ്യം അവന്റെ കൈയ്യിലിരിക്കുന്ന തോക്ക് പൊട്ടുമോ എന്നതായിരുന്നു.<br /><br /></div><a href="http://photos1.blogger.com/blogger/130/3669/1600/market.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/market.jpg" border="0" /></a><br />റോഡുകളുടെയും മറ്റും സ്ഥിതി ഞാന് നേരത്തേ എഴുതിയിരുന്നതിലും ഒട്ടും വിഭിന്നമല്ല.കുറെ നല്ല റോഡുണ്ട്, ബാക്കിയെല്ലാം പൊട്ടിപൊളിഞ്ഞത് തന്നെ. ജനസാന്ദ്രതയേറിയിടങ്ങളിലാണ് ഏറ്റവുമധികം പ്രശ്നങ്ങള്.വഴിയോരങ്ങളിലെ തകര ഷീറ്റ് മേഞ്ഞ കടകളും വീടുകളുമൊക്കെ കൂടി ഒരു വലിയ ചേരിപ്രദേശത്ത് കൂടി കടന്നു പോകുന്ന പ്രതീതിയാണ്. കുറച്ചു ദൂരം കഴിഞ്ഞപ്പോഴേക്കും ജനവാസം കുറഞ്ഞയിടമെങ്കിലും നല്ല റോഡും , വശങ്ങളില് പച്ചപ്പ് നിറഞ്ഞ പ്രദേശവുമായിതീര്ന്നു. ഇടയ്ക് ചില നദികളും, പാലങ്ങളുമൊക്കെയായി കേരളത്തിലൂടെ തന്നെ കടന്നുപോകുന്ന പ്രതീതി. വളരെയകലെ കാണുന്ന ഉയരമേറിയ പനകള് തെങ്ങാണന്നു തെറ്റിദ്ധരിച്ചു പോകും. വിശാലമായ മൈതാനങ്ങളില് ഫുട്ബോളിനു പിന്നാലെ കുതിക്കുന്ന കുട്ടികളെ കണ്ടപ്പോള് ബാല്യകാലത്തേക്ക് ഓര്മ്മകള് ഓട്ടപ്രദക്ഷിണം നടത്തി.<br /><br /><a href="http://photos1.blogger.com/blogger/130/3669/1600/bony%20river.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/bony%20river.jpg" border="0" /></a><br /><br />പോകുന്ന വഴി 'എലമ്മെ' (Eleme) ജംഗ്ഷന് കഴിഞ്ഞതും വാഹനങ്ങളുടെ നീണ്ട നിരയില് പെട്ടു. അതിനു മുന്പ് പല ട്രാഫിക് കുരുക്കുകളിലും വരിതെറ്റിച്ചും തെറ്റായ വശത്തൂടെ കടന്നു കയറിയും അഭ്യാസം കാണിച്ച ഡ്രൈവര്ക്കും ചെറിയ പരുങ്ങല്, ഇവിടെ എല്ലാവരും ക്യൂ പാലിക്കുന്നുണ്ട്. കുറെ അടുത്തെത്തിയപ്പോഴാണ് മനസ്സിലായത് റോഡിലെ പോലീസ് ചെക്കിംഗ് ആണ്. എന്നുപറഞ്ഞാല് ആയുധധാരികളായ ഒരു പറ്റം പോലീസുകാര് വാഹനങ്ങള് തടഞ്ഞുനിര്ത്തി പണം പിരിക്കുന്നു.പരസ്യമായിതന്നെയാണ് ഡ്രൈവര്മാര് കാശ് കൊടുക്കുന്നത്,അല്ലാതെ നാട്ടിലെപ്പോലെ ആര്.സി.ബുക്കിലും ലൈസന്സിനുള്ളിലും തിരുകീട്ടല്ല. ക്യാമറയിലേക്ക് കൈപോയപ്പോള് സെക്യൂരിറ്റിക്കാരന് തടഞ്ഞു. അവന് കൂടെയുള്ളതിനാലാകണം ഞങ്ങളുടെ വണ്ടി വേഗം കടത്തിവിട്ടു.<br /><br /><br /><a href="http://photos1.blogger.com/blogger/130/3669/1600/pana%20long%20shot.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/pana%20long%20shot.jpg" border="0" /></a><br /><br /><a href="http://photos1.blogger.com/blogger/130/3669/1600/pana.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/pana.jpg" border="0" /></a><br /><br />ദൂരെ 'എലമേ പെട്രോകെമിക്കല്സിന്റെ' പുകകുഴലുകള് തീയും പുകയും വമിപ്പിക്കുന്നു. നൈജീരിയയുടെ എണ്ണപ്പെട്ട ഒരു പൊതുമേഖലാ വ്യവസായസ്ഥാപനമാണ് 900ത്തോളം ഹെക്ടര് സ്ഥലത്ത് വ്യാപിച്ചു കിടക്കുന്ന ഈ പെട്രോകെമിക്കല് ശാല. 80 തോളം കിലോമീറ്റര് അകലെയുള്ള ‘ഒബിയഫു പ്ലാന്റി‘ ല് നിന്നും നേരിട്ട് ബന്ധിപ്പിച്ചിട്ടുള്ള കുഴലുകളിലൂടെയാണ് പ്രധാന അസംസ്കൃത വസ്തുക്കളായ ദ്രാവക, വാതക പെട്രോളിയം ഇവിടേക്ക് എത്തുന്നത്. അത് സംസ്കരിച്ച് എതിലിന്, ബ്യൂട്ടേന്, പോളിയെത്തിലിന് തുടങ്ങി നിരവധി വ്യാവസായിക ഉത്പന്നങ്ങളും, കാസ്റ്റിക് സോഡ, പോളിവിനെയില് ക്ലോറൈഡ് (pvc) പോലുള്ള വാണിജ്യ ഉത്പന്നങ്ങളും നിര്മ്മിക്കപെടുന്ന ഈ സ്ഥാപനം തദ്ദേശവാസികള്ക്ക് നല്ലൊരു തൊഴില്സംരംഭം കൂടിയാണ്. 1982ല് പ്രാരംഭപ്രവര്ത്തനങ്ങള് ആരംഭിച്ചെങ്കിലും ഒന്നാം ഘട്ടം പൂര്ണ്ണതോതില് ഉത്പാദനം തുടങ്ങിയത് 1995 മുതലാണ്; ത്വരിതഗതിയില് മൂന്നാം ഘട്ട വികസനപ്രവര്ത്തനങ്ങള് നടന്നുവരികയാണ് വിദേശ നിക്ഷേപ സാങ്കേതിക പങ്കാളിത്തമുള്ള ഈ പൊതുമേഖലാ സ്ഥാപനത്തിലിപ്പോള്.<br /><br />'ഠേ, ഠേ ' ചിന്തകളെ വിറപ്പിച്ച്കൊണ്ടുയര്ന്ന വെടിശബ്ദം, നോക്കിയപ്പോള് എന്റെ വാഹനം നിര്ത്തിയിട്ടിരിക്കുന്നു, സെക്യൂരിറ്റിക്കാരന് വശത്തെ ചില്ലു താഴ്ത്തി മുകളിലേക്ക് വെടിവെക്കുന്നു. റോഡിന് കുറേദൂരെയായുള്ള ചെറിയ ഒരു കവലയില് നിന്നും വീണ്ടും വെടിശബ്ദം. 'കഴിഞ്ഞു എന്നെ തട്ടികൊണ്ട് പോകുകയോ കൊള്ളയടിക്കന് പോകുകയോ ആണല്ലോ ദൈവമേ' എന്നു കരുതി മൊബെയിലില് 'ഹെല്പ്' അടിക്കാനൊരുങ്ങിയപ്പോഴേക്കും വണ്ടി നീങ്ങിതുടങ്ങി. സംസാരശേഷി വീണ്ടുകിട്ടി, ഞാനവനോട് കാര്യം തിരക്കിയപ്പോഴാണ് സംഭവം പിടികിട്ടിയത്; അവന്റെ ഒരു മിലിട്ടറി സുഹൃത്ത് മറ്റേ റോഡില് നില്ക്കുന്നത് കണ്ട് പരസ്പരം 'വിഷ്' ചെയ്തതാത്രേ..!. പണ്ടാരമടങ്ങാന് പേടിപ്പിച്ചുകളഞ്ഞല്ലോ പഹയാ എന്നോര്ത്തിരിക്കുമ്പോഴേക്കും ഞങ്ങള് 'ഒന്നേ' ക്യാമ്പി ലെത്തിയിരുന്നു.<br /><br /><a href="http://photos1.blogger.com/blogger/130/3669/1600/onne%20arial.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/onne%20arial.jpg" border="0" /> <p align="center"></a><strong></strong><em><strong>ഒന്നെ ഓയില് ആന്ഡ് ഗ്യാസ് ഫ്രീസോണ് - ഒരു വിദൂര ദൃശ്യം</strong><br /></em><br /></p><p align="left"><br />നൈജീരിയയുടെ മറ്റൊരു പ്രധാന തുറമുഖപ്രദേശമാണ് ഒന്നെ. ഫെഡറല് ഓഷ്യന് ടെര്മിനല് (FOT) , ഫെഡറല് ലൈറ്റ് ടെര്മിനല് (FLT) എന്നിങ്ങനെ രണ്ട് പോര്ട്ടുകള് ഉള്പ്പടെ ഏകദേശം 16 ചതുരശ്ര കി.മീറ്റര് പ്രദേശമുള്പ്പെടുത്തി രൂപീകരിച്ചിരിക്കുന്ന 'ഒന്നെ ഓയില് ആന്ഡ് ഗ്യാസ് ഫ്രീ സോണ്' നൈജിരിയയുടെ സാമ്പത്തിക മേഖലയുടെ അനിവാര്യഘടകമായി കഴിഞ്ഞു. കയറ്റുമതി ഇറക്കുമതി ചുങ്കവും മറ്റു നൂലാമാലകളൊന്നും ഇല്ലായെന്നത് പല വിദേശകമ്പനികള്ക്കും ഇവിടേക്കു വരാന് പ്രചോദനമാകുന്നു. പൂര്ണ്ണമായും വിദേശ സ്വകാര്യ കമ്പനികളുടെ മേല്നോട്ടത്തിലുള്ള വികസനപ്രവര്ത്തനം ചുറ്റുമുള്ള മറ്റ് പ്രദേശങ്ങളിലേക്കും വ്യാപിക്കുന്നുവെന്നത് കാണാനാകും. നല്ല ഗതാഗതസൌകര്യങ്ങളുമൊക്കെ ഒരുക്കുവാന് സദാപ്രവര്ത്തനനിരതരാണീ നിക്ഷേപര്. ആരംഭംകുറിച്ച് 10വര്ഷം കൊണ്ട് തന്നെ ഷെല്, മോബില്, റ്റോട്ടല്, അജിപ് തുടങ്ങിയ ബഹുരാഷ്ട്ര ഓയില് ഭീമന്മാരുടേതുള്പ്പടെ ഏകദേശം 150 തിലധികം വിദേശനിക്ഷേപകര് ഇവിടം പ്രധാനതാവളമാക്കി കഴിഞ്ഞു. ഇത്തരം വികസനപ്രവര്ത്തങ്ങള്മൂലം തദ്ദേശീയരായ അളുകള്ക്ക് തൊഴില് ലഭിക്കുന്നു എന്നതും ശ്രദ്ധേയമാണ്.<br /><br />ഇവിടെ നാല്-അഞ്ച് വര്ഷമായിട്ട് താമസിക്കുന്ന മലയാളി സുഹൃത്തിനെ കിട്ടി, ഒപ്പം രാത്രി,അടുത്തു തന്നെയുള്ള 'ബുഷ് ബാറില്' പോകാമെന്നുള്ള ആശയവും. പകലൊക്കെ അടഞ്ഞ് കിടക്കുകയും വൈകുന്നേരമാകുമ്പോഴേക്കും സജീവമാകുകയും ചെയ്യുന്ന നിരവധി ബുഷ് ബാറുകള് ഇവിടുണ്ടെന്ന് കേട്ടിട്ടുണ്ട്. നമ്മുടെ നാട്ടിലെ തട്ടുകട വിപുലീകരിച്ചൊരു സെറ്റപ്പ് ആയിട്ടാണ് എനിക്ക് തോന്നിയത്. ഇതിന്റെ മേല്ക്കൂര ഉണങ്ങിയ ചെറുചെടികളും പുല്ലും മറ്റുംകൊണ്ട് മേഞ്ഞതിനാലാവുമോ 'ബുഷ്' ബാര് എന്നു പേരുവന്നത്?. എന്റെ സുഹൃത്തിന്റെ അഭിപ്രായത്തില് അവിടെ നല്ല 'പുഷും പുള്ളു' മൊക്കെ നടക്കുന്നതിനാല് 'പുഷ്' ബാര് എന്ന് പേരിട്ട് ലോപിച്ചിങ്ങനെ ആയതാവാമെന്നാണ്. (ഏയ്, ഇതിന് അമേരിക്കന് ബന്ധമൊന്നും ഉണ്ടാകാന് വഴിയില്ല..!) മങ്ങിയവെളിച്ചവും ഇടയ്കിടെ മിന്നിത്തെളിയുന്ന വര്ണ്ണബള്ബുകളും ആഫ്രിക്കന് ചടുലതാളമേള സംഗീതവുമൊക്കെയായി പ്രധാന വേദിയും ബാറുമൊഴികെ തുറസായി കിടക്കുന്ന ഒരു 'ഓപ്പണ് എയര്' ഡാന്സ് ബാര്. വിവിധ വര്ണവേഷത്തിലുള്ള നൈജീരിയന് തരുണീമണികളുടെ നൃത്തചുവടുകളും നുരഞ്ഞ് കവിയുന്ന ബീയര് മഗുകളും കൊണ്ട് ഹരം കൊള്ളാവുന്ന ഒരിടമെന്നതിലുപരി ഇത് ഒരു ബുക്കിംഗ് കേന്ദ്രം കൂടിയാണ്; അതേ, ഇവിടെ നിന്നും പെണ്കിടാങ്ങളെ ബുക്ക് ചെയ്ത് താമസസ്ഥലത്തേക്കോ, അല്ലെങ്കില് അവര് തന്നെ ഒരുക്കുന്നയിടത്തേക്കോ പോകാം. ഇന്ത്യന്സിനെ ഇവര്ക്ക് വലിയ നോട്ടമില്ല, കാരണം കൂടെ കൂട്ടുന്നവര് അപൂര്വ്വം. നല്ല വെളുത്ത സായിപ്പിനേയും കറുത്ത സ്വദേശികളെയുമാണവര്ക്ക് താല്പര്യം. രണ്ടും മൂന്നും എണ്ണത്തിനേയൊക്കെ വണ്ടിയില് കയറ്റികൊണ്ട് പോകുന്ന വിദേശികളെയും കണ്ടു. ഒരു ക്യാന് ബീയറോ ഭക്ഷണമോ വാങ്ങികൊടുത്താല് കൂടെ വന്നിരിക്കാനും കൊഞ്ചാനും വേണമെങ്കിലൊന്നു കുഴഞ്ഞാടാനും തയ്യാറാണിവര്, ആത്യന്തികമായ ലക്ഷ്യം കൂടെ പോരുകയെന്നത് തന്നെ. ഇവിടെ നിന്നും കൊണ്ട്പോയി സ്ഥിരമായി കൂടെ താമസിപ്പിക്കുന്നവരുമുണ്ട്, മാസാമാസം ഒരു തുക കൊടുത്താല് മതിയല്ലോ.<br /><br />ഇന്ത്യനായത് കൊണ്ടാവാം, എന്റെടുത്ത് വന്നിരുന്ന പെണ്കുട്ടി 'സോണിയ' എന്ന് പേര് പറഞ്ഞത്. (ഞാന് തല്കാലത്തേക്ക് ഒരു ആന്ഡ്രൂസ് ആകുകയും ചെയ്തു) ഇവര് പറയുന്നതൊന്നും സത്യമായിരിക്കില്ല;പക്ഷേ ഞാന് ഡിസൈനര് ആണന്നൊക്കെ പറഞ്ഞപ്പോള് അവള് വാചാലയായി. മാസ് കമ്മ്യൂണിക്കേഷന് യൂനിവെര്സിറ്റിയില് പഠിക്കുകയാണത്രെ. ഞാന് ചില ജേര്ണലിസം നമ്പര് ഒക്കെയിട്ടപ്പോള് അവള്ക്കും സന്തോഷം.ഒരുവര്ഷം കൂടി പഠിക്കേണ്ടതുണ്ട്, പരീക്ഷയായി,ഫീസടയ്ക്കണം, ഹോസ്റ്റലിലെ ഫീസ് തുടങ്ങിയവയ്ക്കായി ഇടയ്ക് 'ബുഷ് ബാറിലേക്ക് വരും.വീട്ടിലെ ദാരിദ്ര്യമോ ബുദ്ധിമുട്ടുകളെയോപറ്റി ഞാന് ചോദിച്ചിട്ടും ഒഴിവാക്കിയാണവള് സംസാരിച്ച് കൊണ്ടിരുന്നത്. ഗ്രാഫിക്സ്, ജേര്ണലിസം തുടങ്ങിയവയില് അവള്ക്ക് കുറച്ചൊരു വിവരമുണ്ട് താനും, പക്ഷേ ഒന്നും വിശ്വസിക്കാനും പറ്റില്ല. ആരെയോ കാത്തിരിക്കുന്നതിനിടെ സമയം പോകാന് എന്റെ കൂടെകൂടിയതാണന്നവള് പറഞ്ഞ് കേട്ടപ്പോള് ഒഴിവാക്കാനെന്ത് കള്ളം പറയണമെന്നാലോചിച്ചിരുന്ന എനിക്ക് സമാധാനമായി.<br /><br />അല്പം ഭയത്തോട് കൂടിതന്നെ, ഏതു നിമിഷവും തട്ടികൊണ്ട് പോകലോ, കൊള്ളയടിയോ ഒക്കെ നടക്കാവുന്ന പ്രദേശമായിട്ട് കൂടിയും (ഗണ്മാനും ഇല്ല) കുറെയധികം സമയം അവിടെ ചിലവഴിച്ചു,അതാണതിന്റെയൊരു ത്രില്ലും. പിന്നെ കണ്ട് മടുത്ത അടച്ചുമൂടി ശീതീകരികരിച്ച ഡാന്സ് ബാര് കണ്സപ്റ്റിങ്ങനെ തുറന്ന അന്തരീക്ഷത്തിലേക്ക് പറിച്ച് നട്ട് കാണുന്നതിന്റേയും. രാത്രി ഏകദേശം പത്ത് മണിയോടെ അവിടുന്ന് മടങ്ങുമ്പോഴും ഒഴിഞ്ഞ കസേരകള് വീണ്ടും നിറയുകയും, ബീയര് പാത്രങ്ങള് ഒഴിയുകയും ചെയ്ത് കൊണ്ടേയിരുന്നു. ചായം പുരട്ടിയതെങ്കിലും മ്ലാനമായ ചില മുഖങ്ങള് ഇനിയും വന്നെത്താനുള്ളവരെ പ്രതീക്ഷിക്കുകയും സ്പീക്കറിലൂടെ കിംഗ് സണ്ണി ആഡെ യുടെ 'ഡാന്സ് എവേ യുവര് സോറോ' എന്ന ഗാനത്തിന്റെ വരികള് ഒഴുകിപരക്കുകയും ചെയ്തുകൊണ്ടിരുന്നു.<br /><br />തല്ക്കാലം വിട.</p><div class="blogger-post-footer"><img width='1' height='1' src='https://blogger.googleusercontent.com/tracker/34168119-116136843998695795?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com23tag:blogger.com,1999:blog-34168119.post-1160154280869604812006-10-06T17:25:00.000+01:002006-10-06T18:28:30.476+01:00അസൂയമൂത്തൊരു ആട്ടിന്കുട്ടി<div align="center">കുമാര്ജിയുടെ <a href="http://frame2mind.blogspot.com/2006/10/blog-post.html" target="_blank">ഫ്രെയിമിലൂടെ</a><br />യുള്ള അസ്തമനദൃശ്യം കണ്ട് അസൂയമൂത്ത് ഓഫീസിനു പുറത്തിറങ്ങിയപ്പോള് ദാ, ഇവിടെയും അസ്തമനം.ഇവിടെ വന്നിട്ട് മാസം മൂന്ന് കഴിഞ്ഞെങ്കിലും മിക്കദിവസവും മഴയായതു കാരണം ഇതുപോലൊരു ദൃശ്യം കാണാനേ കഴിഞ്ഞിട്ടില്ല. എടുത്തൂ എന്റെ കുട്ടി ക്യാമറ </div><div align="center">(canon poweshot A 400) </div><div align="center"></div><div align="center"></div><div align="center">പടിഞ്ഞാറോട്ട് നോക്കി ഒന്നു ക്ലിക്കി </div><div align="center"></div><div align="center"></div><a href="http://photos1.blogger.com/blogger/130/3669/1600/1.3.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/1.3.jpg" border="0" /></a> <p align="center"><br />ഒന്നൂടെ ക്ലിക്കി<br /><br /></p><a href="http://photos1.blogger.com/blogger/130/3669/1600/6.3.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/6.3.jpg" border="0" /> <p align="center"></a>പിന്നെ കിഴക്കോട്ട് തിരിഞ്ഞും ഒന്നു ക്ലിക്കി<br /><a href="http://photos1.blogger.com/blogger/130/3669/1600/4.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/4.jpg" border="0" /></a><br />( ഇത് ആനയെപ്പോലെ ശ്രമിച്ച ആട്ടിങ്കുട്ടി..കുമാര്ജി, ക്ഷമിക്കണേ )<br /><br /><br /><br /><br /></p><div class="blogger-post-footer"><img width='1' height='1' src='https://blogger.googleusercontent.com/tracker/34168119-116015428086960481?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com17tag:blogger.com,1999:blog-34168119.post-1159770670080099602006-10-02T07:16:00.000+01:002006-10-02T08:05:12.446+01:00എണ്ണപാടങ്ങളെന്ന അപകടമേഖല<strong>15/08/06</strong><br />പ്രിയ കൌച്ചു,<br />നിന്റെ മെയിലുകള് കിട്ടി. ലബനോണില് നിന്നും ഒഴിഞ്ഞു പോകുന്ന സ്ത്രീകളുടെയും കുട്ടികളുടെയും ദൃശ്യങ്ങളെക്കുറിച്ച് നീയെഴുതിയത് ഉള്ളിന്റെയുള്ളില് ഒരു വിങ്ങലായവശേഷിക്കുന്നു, ഇന്നലെമുതല് വെടിനിര്ത്തല് പ്രഖ്യാപിച്ചിരിക്കുന്നത് ഒരാശ്വാസമാണെങ്കിലും.<br /><br />നൈജീരിയയില് വന്നിട്ട് രണ്ട് മാസം കഴിയുന്നു. ജോലിതിരക്കു കൊണ്ടാവണം 65 ദിവസങ്ങള് ഓടിമറഞ്ഞത് അറിഞ്ഞതേയില്ല. ഏകദേശം കേരളത്തിന്റെ കാലാവസ്ഥയുമായി നല്ല ചേര്ച്ചയുണ്ടെങ്കിലും മഴ വളരെ ശക്തമാണ്. മണിക്കൂറുകളോളം മുടക്കമില്ലാതെ ഒരേ താളത്തിലും ശക്തിയിലും പെയ്യുന്ന മഴ, പിന്നെ ചിലപ്പോള് പെട്ടന്ന്, നല്ല വെയിലും. കാലാവസ്ഥയിലെ ഈ ചാഞ്ചാട്ടം ചെറിയ തോതിലെങ്കിലും ശാരീരികാസ്വാസ്ഥ്യമുണ്ടാക്കുന്നു.<br />ഇവിടുത്തെ കാഴ്ചകളൊന്നും കാണുവാന് നല്ല അവസരങ്ങള് ഇനിയും കിട്ടിയില്ല. സുരക്ഷാഭീക്ഷണി കടുത്തത്, അതുകൊണ്ട് തന്നെ സുരക്ഷിതത്വ ക്രമീകരണങ്ങളും. ബാര്ബര്ഷോപ്പില് പോകണമെങ്കിലും ഒന്നോ രണ്ടോ ഗണ്മാന്മാര് അകമ്പടിസേവിക്കുന്നത് അരോചകമാകുന്നു.<br /><br />നൈജീരിയയുടെ വലിയ സംസ്ഥാനങ്ങളിലൊന്നായ 'റിവര് സ്റ്റേറ്റിന്റെ തലസ്ഥാനമാണ് പോര്ട്ട് ഹാര്കോര്ട്ട്. നൈജര് നദി അറ്റ്ലാന്റിക്കില് പതിക്കുന്നത് നിരവധി ചെറു കൈവഴി(കഴിഞ്ഞ കത്തിന്റെ ഒപ്പം വെച്ചിരുന്ന മാപ്പ് ശ്രദ്ധിക്കുക) കളിലൂടെയാണ്. അതില് പ്രധാനപ്പെട്ട ഒന്നായ 'ബോണി നദിക്ക്' വശംചേര്ന്നു കിടക്കുന്നതും 'ഇഗ്സോ', 'ഇജോ' തുടങ്ങിയ വംശജര് തിങ്ങിപാര്ത്തിരുന്നതുമായ ഈ പ്രദേശം 1912 ലാണ് ബ്രിട്ടീഷുകാര് കണ്ടെത്തി ഒരു പ്രധാനതുറമുഖമായി വികസിപ്പിച്ചെടുത്തത്. അന്നത്തെ കൊളോണിയല് സെക്രട്ടറി ലൂയിസ് ഹാര്കോര്ട്ടിന്റെ പേരു ചാര്ത്തപ്പേട്ട 'പോര്ട്ട് ഹാര്കോര്ട്ട്' സമീപപ്രദേശമായ "എനുഗു' വില് നിന്ന് ബോണി നദിവഴി കടത്തികൊണ്ട് വരുന്ന കല്ക്കരിയുടെ കയറ്റുമതിയാണ് പ്രധാനമായും ലക്ഷ്യമിട്ടിരുന്നത്. പതുക്കെ പതുക്കെ ഉയര്ച്ച പ്രാപിച്ച ഈ പ്രദേശം ഇന്ന് നൈജീരിയയുടെ ഏറ്റവും പ്രധാനപ്പെട്ട വാണിജ്യ തുറമുഖസമുച്ചയ നഗരിയാണ്.<br /><br /><br /><p><a href="http://photos1.blogger.com/blogger/130/3669/1600/bonny.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/bonny.jpg" border="0" /></a><br />ലോകരാഷ്ട്രങ്ങളില് എട്ടാമത്തെ ഏറ്റവും ഉയര്ന്ന പെട്രോളിയം കയറ്റുമതി രാജ്യമാണ് നൈജീരിയ എന്നറിയാമല്ലോ, ആഫ്രിക്കയില് ഒന്നാമത്തേയും. 2005 ലെ കണക്കനുസരിച്ച് ശരാശരി 2.6 മില്യണ് ബാരലാണ് പ്രതിദിന കയറ്റുമതി. ബഹുരാഷ്ട്രകമ്പനികളാണ് ഇവിടുത്തെ ഉത്പാദനത്തിന്റെയും കയറ്റുമതിയുടെയുമൊക്കെ ചുക്കാന് പിടിക്കുന്നത്. പെട്രോളിയം-പ്രകൃതിവാതകങ്ങളുടെ അമൂല്യശേഖരമാണത്രേ നൈജര് നദിതടപ്രദേശങ്ങളില് ഒളിഞ്ഞിരിക്കുന്നത്.<br />സ്വതവേ പെട്രോളിയം ഖനന വ്യവസായമേഖല അപകടസാധ്യത ഏറെയുള്ളതാണ്. പൊട്ടിത്തെറി, ചോര്ച്ച, അഗ്നി ബാധ തുടങ്ങി നിരവധി പ്രതിസന്ധികള് ഏതുനിമിഷവും പ്രതീക്ഷിച്ചും,അഥവാ അങ്ങിനെ സംഭവിച്ചാല് സ്വീകരിക്കേണ്ട സുരക്ഷാ നടപടികളെക്കുറിച്ച് പരിശീലനം സിദ്ധിച്ചുമൊക്കെയാണ് എണ്ണപ്പാടങ്ങളില് തൊഴിലെടുക്കുന്നത്. പുറംരാജ്യക്കാരായ തൊഴിലാളികളെ സംബന്ധിച്ച് , ഇവിടെ നൈജീരിയയില് മറ്റൊരു അപകടം കൂടി പതിയിരിക്കുന്നു.<br /><br />കണ്ടല്കാടുകള് തഴച്ചു വളരുന്ന ചതുപ്പു നിലങ്ങളും ജലാശയങ്ങളുമൊക്കെയാണ് പോര്ട്ട് ഹാര്കോര്ട്ടിനു ചുറ്റും. മത്സ്യബന്ധനമാണ് ഒരു പ്രധാന തൊഴില് വരുമാന മേഖല. പക്ഷേ പെട്രോളിയം അനുബന്ധവ്യവസായങ്ങള് തഴച്ചു വളര്ന്നതോടുകൂടി ആവാസവ്യവസ്ഥിതിയില് വന് മാറ്റമുണ്ടാവുകയും മത്സ്യസമ്പത്തിനെ കാര്യമായി ബാധിക്കുകയും ചെയ്തു. ഖനനം കഴിഞ്ഞ് അല്ലെങ്കില് പരീക്ഷണങ്ങള് കഴിഞ്ഞ് ഉപേക്ഷിക്കപ്പെടുന്ന എണ്ണകിണറുകളില് നിന്നും പിന്നെയും ആയിരകണക്കിന് ടണ് ക്രൂഡോയില് ഉത്പാദിപ്പിക്കപെട്ടുകൊണ്ടിരിക്കും, വര്ഷങ്ങളോളം. അവയൊക്കെ പാടപോലെ പരന്ന് മലീമസമാക്കപ്പെട്ട നദീമുഖവും പരിസര പ്രദേശങ്ങളും നിരവധി ആരോഗ്യപ്രശ്നങ്ങള് ഉണ്ടാക്കുന്നു. ജലാശയങ്ങളിലേക്ക് പ്രകൃതിതന്നെ തള്ളിവിടുന്ന ഖരജലമാലിന്യങ്ങള്പോലും വെള്ളത്തില് ലയിച്ചു ചേരുന്നില്ല, എണ്ണപ്പാടമൂലം ഒഴുകി നീങ്ങുന്നുമില്ല.<br /><br /><a href="http://photos1.blogger.com/blogger/130/3669/1600/no_7.2.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/no_7.2.jpg" border="0" /></a><br />കുടിവെള്ളം കിട്ടാക്കനിയാണ്. മിക്ക ചെറുഗ്രാമങ്ങളിലും മലിനമാക്കപ്പെട്ട വെള്ളം കുടിച്ച് കുട്ടികളും മൃഗങ്ങളും ചത്തൊടുങ്ങുന്നു. ഉത്പാദനമേഖലയിലെ വായു മലിനീകരണം മറ്റൊരു വശത്ത്. മത്സ്യസമ്പത്ത് വളരെ കുറയുകയും ആളുകള് തിങ്ങിപാര്ക്കുന്നയിടങ്ങളില് ആരോഗ്യപ്രശ്നങ്ങള് ഉടലെടുക്കുകയും ചെയ്തതില് ഇവിടുത്തെ ആളുകള് രോഷാകുലരാണ്. ഇത്രയും നൈജീരിയന് സമ്പത്ത് ചൂഷണം ചെയ്യപ്പെടുന്നുണ്ടെങ്കിലും അതിന്റെ പ്രയോജനം സാധാരണക്കാരനിലേക്ക് എത്തുന്നില്ലന്നതാണ് ഏറ്റവും വലിയ പരാതി. വികസനം ഇനിയും എത്തിനോക്കാത്ത ഗ്രാമപ്രദേശങ്ങളാണ് മിക്കതും. വൈദ്യുതി, കുടിവെള്ളം തുടങ്ങിയ അടിസ്ഥാന സൌകര്യങ്ങള് പോലും നിഷേധിക്കപ്പെടുന്ന സാഹചര്യം. രാഷ്ട്രീയമായും സാമൂഹികമായുമുള്ള അനിശ്ചിതാവസ്ഥ,ഒപ്പം തൊഴിലില്ലായ്മയും. ഇതില് നിന്നൊക്കെ ഉടലെടുത്തതോ, അല്ലെങ്കില് ഈ സാഹചര്യം മുതലെടുക്കുവാനായി സൃഷ്ടിക്കപ്പെട്ടതോ ആയ നിരവധി സായുധവിപ്ലവ സംഘങ്ങള്, ചെറുതും വലുതും, കണ്ടല്ക്കാടുകളുടെ മറപറ്റി പ്രവര്ത്തിക്കുന്നു. പരസ്പരം പോരടിക്കുന്ന വിപ്ലവസംഘാങ്ങളുടെ ജഢങ്ങള് ബോണി നദിയിലൂടെ ഒഴുകിനടക്കുന്നത് നിത്യകാഴ്ചയാണ്.<br /><a href="http://photos1.blogger.com/blogger/130/3669/1600/boat.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/boat.jpg" border="0" /></a><br />ആയുധശേഖരണത്തിനും മറ്റും സാമ്പത്തികപ്രതിസന്ധി നേരിടുന്ന ഇവര് കൊള്ളയും കൊലയും ശീലമാക്കുന്നു. ബാങ്ക്/പെട്രോള് ബങ്ക് കൊള്ളയടി നിത്യസംഭവം പോലെയാണ്. (പറഞ്ഞാല് വിശ്വസിക്കില്ല; വലിയ ട്രക്ക് കൊണ്ട് നിര്ത്തി, ചെറിയ ക്രയിനുപയോഗിച്ച് സ്ട്രോങ്ങ് റൂം ഷെല്ഫുകളപ്പാടെ പൊക്കി കൊണ്ട് പോകുന്നതരം പരിപാടികളാണ് ഇവിടെ അരങ്ങേറുന്നത്) മറ്റൊന്ന് എണ്ണക്കുഴലുകളില് വിള്ളലുണ്ടാക്കി ക്രൂഡോയില് ശേഖരിച്ചു കടത്തലാണ് (കഴിഞ്ഞ വര്ഷം രണ്ട് നൈജീരിയന് സൈനികഉദ്യോഗസ്ഥന്മാരെ ടണ് കണക്കിന് ക്രൂഡോയില് ഇപ്രകാരം ശേഖരിച്ച് റഷ്യയിലേയും കിഴക്കന് യൂറോപ്പിലേയും ക്രിമിനല് സംഘങ്ങള്ക്ക് മറിച്ചു വില്ക്കാന് നേതൃത്വം കൊടുത്തതിന് പട്ടാള വിചാരണചെയ്ത് തുറുങ്കിലടച്ചത് വാര്ത്തയായിരുന്നത്രേ..)പക്ഷേ ഇതൊക്കെ ഒരു പരിധിവരെ തടയാന് ഭരണകൂടത്തിനു കഴിഞ്ഞിട്ടുണ്ട്. പകരം യുവ വിപ്ലവകാരികള് പെട്രോളിയം കമ്പനികളിലെ തൊഴിലാളികളെ തട്ടിയെടുത്ത് തലയെണ്ണി കാശു വാങ്ങാന് തുടങ്ങി. ഇതുമൂലം രണ്ട് ലക്ഷ്യങ്ങളാണവര് സാധിക്കുന്നത്; നല്ലയൊരുതുക മോചനദ്രവ്യമായി കിട്ടും, അതുപോലെ ലോകമാദ്ധ്യമ ശ്രദ്ധയും നേടാം.(ചില വാര്ത്തകള് <a href="http://news.bbc.co.uk/2/hi/africa/4790121.stm" target="_blank">ഇവിടെ</a> )<br />ഈ ആഗസ്റ്റില് മാത്രം , ഇന്നലെത്തെയുള്പ്പെടെ ഏതാണ്ട് ആറോളം സംഭവങ്ങള് റിപ്പോര്ട്ട് ചെയ്യപ്പെട്ടു, റിപ്പോര്ട്ട് ചെയ്യപ്പെടാതെ ഒതുക്കി തീര്ത്തവ നിരവധി.ആദ്യമൊക്കെ ജലാശയമാര്ഗ്ഗം യാത്രചെയ്യുന്നവരേയാണ് തട്ടികൊണ്ട് പോയിരുന്നതെങ്കില് ഇപ്പോള് റോഡിലേക്കും വ്യാപിച്ചിരിക്കുന്നു.യൂറോപ്യന് രാജ്യങ്ങളില് നിന്നുള്ള തൊഴിലാളികളേറെയും നിശാക്ലബ്ബുകളിലേയും മറ്റും നിത്യ സന്ദര്ശകരാണ്(ക്ലബ്ബുകള് വേണ്ടുവോളമുണ്ട് താനും..!!) അവിടെനിന്ന് ഇറങ്ങുന്നവരൊക്കെയാണ് പ്രധാന ഇരകളെങ്കിലും, കമ്പനിപടിക്കല് നിന്നു തന്നെ കൂടെയുണ്ടായിരുന്ന ഗണ്മാനെ വെടിവെച്ച് കൊന്നശേഷം തട്ടികൊണ്ട് പോയ സംഭവും ഈയടുത്തുണ്ടായി.<br /><br /><a href="http://photos1.blogger.com/blogger/130/3669/1600/2.0.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/2.0.jpg" border="0" /></a><br /><br />ഇതുകാരണം മിക്ക കമ്പനികളും തൊഴില് സമയങ്ങളില് മാറ്റം വരുത്തുവാനും, തൊഴിലാളികളുടെ വിന്യാസം ക്രമപ്പെടുത്താനുമൊക്കെ നിര്ബന്ധിതരായി. ഫലമോ ഏതാണ്ട് 20 ശതമാനത്തോളം ഉത്പാദനക്കുറവ് ജൂലായ്- ആഗസ്റ്റ് മാസങ്ങളില് ഉണ്ടായിട്ടുണ്ടെന്നാണ് കണക്കുകള് സൂചിപ്പിക്കുന്നത്. രാജ്യത്തിന്റെ പ്രധാന വരുമാനത്തിലാണീ കുറവെന്നത് കൊണ്ട് ഭരണകൂടം ഉണര്ന്ന് പ്രവര്ത്തിക്കുമെന്നാണ് പ്രതീക്ഷിക്കുന്നത്.<br /><br />വൈകിട്ട് ആറുമണിമുതല് രാവിലെ ആറുമണിവരെ ക്യാമ്പിന് പുറത്ത് പോകരുതെന്നുള്ള നിര്ദേശം ഞങ്ങള്ക്കും കിട്ടി. ജീവനില് കൊതിയുള്ളതുകൊണ്ട് അല്ലെങ്കിലും ആ നേരത്ത് പുറത്ത് കറങ്ങാന് പോകാത്തതിനാല് എനിക്കാ നിര്ദേശം ബാധകമല്ല. എങ്കിലും കഴിഞ്ഞതിനു മുമ്പത്തെ ആഴ്ചയവസാനം 'ഒന്നേ' പോര്ട്ടിലുള്ള സുഹൃത്തുക്കളോടൊപ്പം (കൂടെ വന്ന മൂന്ന് പേര് അവിടെയാണ്)അവിടെയടുത്തുള്ള 'ബുഷ് ബാറില്' രാത്രി പോകുകയും അതു വേറിട്ടൊരു അനുഭവമാകുകയും ചെയ്തു. ആ വിശേഷങ്ങള് അടുത്ത കത്തില്.<br /><br />നിന്റെ ഡോക്കുമെന്ററി ' മെന് ഓഫ് ബെര്ഡന് ' തിരുവനന്തപുരം ഫെസ്റ്റിവലിനയച്ചിട്ട് മറുപടിയെന്തെങ്കിലും..? ഡിസംബറിലെ ഫെസ്റ്റിവലും കൂടി കണക്കാക്കി ലീവിനപേക്ഷിച്ചിട്ടുണ്ട്, നീ വരുമല്ലോ അല്ല്ലേ..?<br /><br />ആശംസകളോടെ</p><p></p><br /><em>കുറിപ്പ്: ചിത്രങ്ങള് ഒരു നൈജീരിയന് സുഹൃത്തിന്റെ ശേഖരത്തില് നിന്ന്.</em><div class="blogger-post-footer"><img width='1' height='1' src='https://blogger.googleusercontent.com/tracker/34168119-115977067008009960?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com9tag:blogger.com,1999:blog-34168119.post-1158588434996092702006-09-18T14:38:00.000+01:002006-09-18T15:58:17.133+01:00നൈജീരിയ, ചില നിരീക്ഷണങ്ങള്<p align="left"> 02/07/06</p><p align="left">പ്രിയ കൌച്ചൂ,</p><p align="left">കഴിഞ്ഞ രണ്ടുപ്രാവശ്യമായിട്ട് ചില <a href="http://nigeriadiary.blogspot.com/2006/09/blog-post_17.html#links" target="blank">കുറിപ്പുകള്</a> ഒക്കെ അയച്ചു പറ്റിച്ചതിനു മാപ്പ്. ഇവിടെ ഭയങ്കര ജോലി തിരക്ക്. ഒന്നാമത് പുതിയ സ്ഥലം, ഓഫീസ്, ആള്ക്കാര്, സൈറ്റ് , കടുത്ത മഴ ; എല്ലാം കൂടി ആകെ കുഴഞ്ഞു മറിഞ്ഞ് പിരാന്തു പിടിക്കുന്ന അവസ്ഥ. കൂട്ടത്തില്, കൂടെ വന്നയാളെക്കൂടി വേറെ ക്യാമ്പിലേക്ക് മാറ്റിയതോടെ ഒറ്റപ്പെടല് പൂര്ണ്ണം. വമ്പന് ചുറ്റുമതിലും വൈദ്യുത വേലിക്കെട്ടും സെക്യൂ രിറ്റി കാമറയുമൊക്കെ സുരക്ഷയെക്കാളും ഭയമാണുളവാക്കുന്നത്. ക്യാമ്പില് ഇന്ഡ്യന്സ് ആരുമില്ല, ഒരു റൊമേനിയന്, ജര്മ്മന്, ഇറ്റാലിയന്, പിന്നെ രണ്ട് ഫിലിപ്പീനികളും. പഠിച്ചതും ശീലിച്ചതുമൊക്കെ മറക്കേണ്ടി വരുന്ന ജോലി രീതികള് മടുപ്പുളവാക്കുന്നുണ്ടെങ്കിലും ഏതു ജോലിയും ആസ്വദിച്ച് ചെയ്യാനുള്ള കഴിവു വികസിപ്പിച്ചു തന്ന ഗുരുവിനു നന്ദി, അദ്ദേഹം കാരണമാണല്ലോ ഇവിടെ എത്തി ചേര്ന്നതും. പുറത്തു പോകു ന്നത് വിരളമാണ്, ആഴ്ചയിലൊരു ഷോപ്പിംഗ്, അത്രേയുള്ളൂ; സുരക്ഷാ പ്രശ്നങ്ങള് തന്നെ കാരണം.</p><p align="left">ഇവിടെ ഓഫീസില് ഒരു നൈജീരിയന് ആര്ക്കിടെക്റ്റ് കൂടെയുണ്ട്. അവനില് നിന്നും ചോര്ത്തിയെ ടുത്ത ചില കാര്യങ്ങള്; ഏതു രാജ്യത്തിന്റെയും ഭൂമിശാസ്ത്രവും, ചരിത്രവുമൊക്കെ ഇപ്പോള് ഇന്റര്നെറ്റില് ഒരു മൌസ് ക്ലിക്ക് അകലത്തില് സുലഭമാണ്,എങ്കിലും ഒരന്വേഷണം, ചില നിരീക്ഷണങ്ങളും.</p><p align="left">എന്നെ ആദ്യം അമ്പരപ്പിച്ചൊരു കാര്യം,നൈജീരിയയ്ക്ക് വടക്കും കിഴക്കും പടിഞ്ഞാറുമേയുള്ളൂ, തെക്കില്ല; അങ്ങിനെയും ഒരു സ്ഥലമോ..? സംഭവമെന്താണെന്നു വച്ചാല് നൈജര് നദിയുമായി ബന്ധ പ്പെട്ടാണു നൈജീരിയയുടെ ഭൂപ്രകൃതിയെന്നറിയാമല്ലോ. വടക്കു പടിഞ്ഞാറു നിന്നു വരുന്ന നൈജര് നദിയും, പ്രധാന പോഷകനദികളിലൊന്നും കാമറൂണിലുത്ഭവിച്ച് വടക്കു കിഴക്കന് പ്രവിശ്യയിലൂടെ വരുന്ന ബെന്യു നദിയും നൈജീരിയയുടെ ഏകദേശം മധ്യഭാഗത്തിനു താഴെ വെച്ച് യോജിക്കുകയും പിന്നെ ഒന്നായി തെക്കുഭാഗത്തേക്ക് ഒഴുകുകയുമാണു ചെയ്യുന്നത്.<br /></p><a href="http://photos1.blogger.com/blogger/130/3669/1600/Nigeria%20malayalam.6.jpg"><img style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://photos1.blogger.com/blogger/130/3669/320/Nigeria%20malayalam.6.jpg" border="0" /></a><br />അങ്ങെനെ ഈ രാജ്യം മൂന്നായി ഭാഗിക്കപ്പെടുന്നു. അബുജ (ഇപ്പോഴെത്തെ തലസ്ഥാന നഗരി) കഡുന, കാനോ തുടങ്ങിയ പ്രദേശങ്ങളുള്പ്പെട്ട വടക്കന് മേഖല, ലാഗോസ്, ബെനിന് സിറ്റി, ഇബ്ദാന്, തുടങ്ങിയവയടങ്ങുന്ന പടിഞ്ഞാറന് പ്രദേശം, ബെന്യൂ, പോര്ട്ട് ഹാര്കോര്ട്ട് ഉള്പ്പെട്ട റിവര് സ്റ്റേറ്റ്, തരാബ തുടങ്ങിയവയടങ്ങുന്ന കിഴക്കന് നൈജീരിയ. <p align="left"></p><p align="left">നൈജര് നദീതടമായ പോര്ട്ട് ഹാര്കോര്ട്ടും പരിസര പ്രദേശങ്ങളും എണ്ണയുത്പാദനത്തിനു പേരുകേട്ടതാണ്. അതുപോലെതന്നെ പ്രകൃതിവാതകം കൊണ്ട് സമ്പുഷ്ടമാണിതിന്റെ അടിത്തട്ട്. മറ്റുപല ആഫ്രിക്കന് രാജ്യങ്ങളുമെന്നപോലെയോ അതിലധികമോ പ്രകൃതി വിഭവങ്ങള് കൊണ്ട് സമ്പന്നമാണിവിടം. കല്ക്കരി, ടിന്ന്, ഇരുമ്പ് തുടങ്ങി ഒരുപാടൊരുപാട് വിഭവങ്ങള് ഇനിയും ചൂഷണം ചെയ്യാപ്പെടാതെ നൈജീരിയന് മണ്ണില് ഒളിച്ചു കിടക്കുന്നു. ഒരു കാലത്ത് അമേരിക്കന് ഡോളറി ന്റെയൊപ്പം വിലയുണ്ടായിരുന്നത്രേ നൈജീരിയന് കറന്സിയായ 'നൈറ'യ്ക്. (നാണയം - കോബോ ) ഇന്ന് 133 നൈറ കൊടുക്കണം, ഒരു ഡോളര് കിട്ടാന്;അതും ബ്ലാക്കില്. അഴിമതിനിറഞ്ഞ ഭരണ സംവിധാനങ്ങളും പ്രാദേശിക പ്രശ്നങ്ങളും, സുരക്ഷാഭീക്ഷണിയുമൊക്കെയാണ് ഈ അധഃപതനത്തിനു കാരണമായി ചൂണ്ടികാണിക്കപ്പെടുന്നത്.പെട്രോളിയം തുടങ്ങിയമേഖലകളിലൊക്കെ വിദേശ കമ്പനി കളുടെ ആധിപത്യമാണ്. സ്വദേശി കമ്പനികളോട് ഭരണകൂടത്തിനും താല്പര്യമില്ല. ഇവിടെ വിളയി ച്ചെടുക്കുന്ന എണ്ണപ്പണം അതുകൊണ്ട് തന്നെ വിദേശത്തേക്കാണ് ഒഴുകുന്നത്, ഒപ്പം മാറിമാറിവരുന്ന ഭരണകര്ത്താക്കളുടെ അക്കൌണ്ടുകളിലേക്കും.പക്ഷേ ഇപ്പോള് അതിനു ചില മാറ്റങ്ങള് ഒക്കെ കണ്ടു വരുന്നുണ്ടന്നാണ് ഈ സുഹൃത്തിന്റെ അഭിപ്രായം. നല്ല നാളേക്ക് കാത്തിരിക്കുന്ന ഒരു ജനതയുടെ പ്രതീക്ഷയുടെ തിളക്കം അയാളുടെ കണ്ണുകളിലും നമുക്ക് കാണാം.</p><p align="left">ഏറിയ പങ്കും പട്ടാളഭരണകൂടങ്ങളുടെ നിഴലിലായിരുന്നു സ്വാതന്ത്ര്യാനന്തര നൈജീരിയ. 1999 മുതല് ഒബ്സാന്ജോ യുടെ നേതൃത്വത്തിലുള്ള ജനാധിപത്യസംവിധാനത്തിലാണ് പ്രകൃതിവിഭങ്ങള് കൊണ്ട് സമ്പന്നമെങ്കിലും വികസനം കാത്തു കിടക്കുന്ന ഈ പശ്ചിമാഫ്രിക്കന് രാജ്യം. </p><p align="left">ഔദ്യോഗിക ഭാഷ ആംഗലേയമാണെങ്കിലും പ്രാദേശികമായി 250തിലധികം സംസാരഭാഷ യിവിടുണ്ട് . അതില് തന്നെ നീട്ടലും കുറുക്കലുമൊക്കെയായി വേറെയും വകതിരിവുകള്. സംസാരി ക്കുമ്പോള് തന്നെ ചില നീട്ടലും മൂളലും ആംഗ്യങ്ങളുമൊക്കെയുണ്ടാവും . ശരീരഭാഷയും വളരെ വ്യത്യസ്ഥ മാണ്.</p><p align="left">കഴിഞ്ഞ കത്തില് സൂചിപ്പിച്ചിരുന്ന പോലെ സ്ത്രീപുരുഷ അനുപാതം ഏകദേശം തുല്യമാണെന്നു തന്നെ പറയാം. സ്ത്രീകള്ക്ക് പൊതുവേ വിദ്യാഭ്യാസം കുറവായിട്ടാണു കാണുന്നത്. ജീവിത വിജയം കരസ്ഥമാക്കുന്ന സ്ത്രീകളും നന്നേ കുറവ്. വിവാഹം കഴിഞ്ഞ് കുട്ടികള് നാലോ അഞ്ചോ ഒക്കെ ആകുമ്പോഴേക്കും ഭര്ത്താവ് വേറെ കല്യാണം കഴിച്ച് അതില് രണ്ട് കുട്ടികളുമായിട്ടുണ്ടാവും. പിന്നെ ഇതൊക്കെ വിധിയായി കരുതി ശേഷിച്ച ജീവിതം കുട്ടികളെയും വളര്ത്തി ഏതെങ്കിലുമൊക്കെ വിധ ത്തില് ഉന്തിതള്ളി നീക്കുന്നവരാണ് സാധാരണ സ്ത്രീകള്. പക്ഷേ ഇതേ അവസ്ഥയിലെത്തിപ്പെടുന്ന, കുറച്ചു വിദ്യാഭ്യാസവും അതുപോലെ വിവാഹത്തിനുമുന്പു തന്നെ എന്തെങ്കിലുമൊക്കെ ജോലിയും വരുമാനവുമൊക്കെയുള്ള പെണ്കുട്ടികള് തളര്ന്നു പോകുന്നു. അവര്ക്ക് സാഹചര്യങ്ങളുമായി പൊരു ത്തപ്പെടാനും, താഴേതട്ടിലേക്കൊതുങ്ങിക്കൂടാനും പറ്റാതെവരുന്ന സന്ദര്ഭത്തില്, പിന്നെ ചുണ്ടില് ചായം തേച്ച് വഴിയോരത്തേക്കിറങ്ങുകയേ നിവൃത്തിയുള്ളൂ. ഈ നാടിന്റെ ശാപം തന്നെയാണു വേശ്യാ വൃത്തി.അതൊരു തൊഴില്മേഖലയാണോ എന്നതിനെ കുറിച്ചൊക്കെ തര്ക്കമുണ്ടാകാം, പക്ഷേ ഇവിടെ ഏറ്റവും സുലഭമായത് പെണ്ണു തന്നെ.. പെട്രോളിയം വ്യവസായവുമായി ഏറെ ബന്ധ പ്പെട്ടിരിക്കുന്നതിനാല് വിദേശികള് വളരെയധികമാണു പോര്ട്ട് ഹാര്കോര്ട്ടിലും പരിസരത്തും..അതു കൊണ്ട് തന്നെ, ആവശ്യക്കാരും ഏറെയുണ്ട്. </p><p align="left">പുരുഷന്മാര് അധികം പഠിപ്പില്ലെങ്കിലും എന്തെങ്കിലും പണിയെടുത്ത് ജീവിക്കാന് ശ്രമിക്കുന്നു. പണ മുണ്ടാക്കുന്നത് ഒരിക്കലും കുടുംബത്തിലേക്കെത്തില്ലന്നു മാത്രം. ധാരാളിത്തമാര്ന്ന ജീവിതശൈലി യാണ് മിക്കവരും നയിക്കുന്നത്. ഇതൊന്നുമല്ലാതെ കുടുംബമായും സ്വസ്ഥമായും ജീവിക്കുന്ന വരുമുണ്ട്. രണ്ടും മൂന്നും ഫാക്ടറികളും സ്ഥാപനങ്ങളുമൊക്കെ നടത്തുന്നവരുണ്ട്. ലക്ഷകണക്കിന് ഡോളര് വരു മാനമുള്ളവര്, പക്ഷേ ആത്യന്തിക ലക്ഷ്യം ആഡംബര ജീവിതമാവും. ഉദ്ദേശിച്ചതിനടുത്ത് എത്തികഴി ഞ്ഞാല് ചിലപ്പോള് ഒരു രാത്രികൊണ്ട് കമ്പനി പൂട്ടും. അമേരിക്കയിലേക്കോ കാനഡയിലേക്കോ ഒക്കെ കുടിയേറുകയാണ് അടുത്ത പരിപാടി. അങ്ങിനെ പൂട്ടികിടക്കുന്ന ഒരു പാട് സ്ഥാപനങ്ങള് ഇവിടെ കാണാം. </p><p align="left">തൊഴിലില്ലായ്മയും പട്ടിണിയുംകൊണ്ട് പൊറുതിമുട്ടുമ്പോള് ഉണ്ടാവുന്നതാണോ വിപ്ലവം.? ഇവിടെ യുവതലമുറയെന്നവകാശപ്പെടുന്നവര് വിപ്ലവങ്ങള്ക്ക് ശ്രമിക്കുന്നു. തോക്കിന് കുഴലിലിലൂടെ. വിദേശകമ്പനികളുടെ ആധിപത്യവും എണ്ണപ്പണത്തിന്റെ ഒഴുക്കും അവരെ രോഷം കൊള്ളിക്കുന്നുണ്ടാവാം. വിദേശഫണ്ടൊന്നും കിട്ടാന് വഴിയില്ലാത്തതു കൊണ്ട് അവര് ബാങ്കുകള് കൊള്ളയടിക്കുന്നു,എണ്ണപ്പാടങ്ങളില് ജോലിയെടുക്കുന്ന വിദേശികളെ തട്ടികൊണ്ട് പോയി തലയെണ്ണി പണം ചോദിക്കുന്നു, എണ്ണക്കുഴലുകളില് വിള്ളലുണ്ടാക്കി എണ്ണ ചോര്ത്തുന്നു..അവര്ക്ക് പണം വേണം, ആയുധശേഖരണത്തിന്.</p><p align="left">എണ്ണപ്പാടമെന്ന അപകടമേഖലയെക്കുറിച്ച് അടുത്ത കത്തിലെഴുതാം.എന്റെ കത്തു താമസിച്ചാലും നിനക്ക് അയക്കാലോ ഒന്നിങ്ങോട്ട്, എന്റെ കത്തിനായി കാത്തിരിക്കാതെ.</p><p align="left">സ്നേഹപൂര്വ്വം.</p><div class="blogger-post-footer"><img width='1' height='1' src='https://blogger.googleusercontent.com/tracker/34168119-115858843499609270?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com19tag:blogger.com,1999:blog-34168119.post-1158518678824046142006-09-17T19:31:00.000+01:002006-09-18T15:32:53.886+01:00കുറിപ്പുകള്<div align="left">1. (21/06/06)</div><div align="left"> </div><div align="left">ഇതൊരു കൂടാണ്..</div><div align="left">ടെലികമ്മ്യൂണിക്കേഷന് ടവറുകള് താങ്ങി നിര്ത്തിയിരിക്കുന്ന </div><div align="left">ആകാശത്തിനു കീഴെ ഒരു കൂട്...</div><div align="left">പുറത്ത് അംഗരക്ഷകര് കാവല്നില്ക്കുന്നു..</div><div align="left">വൈദ്യുതിപ്രവഹിക്കുന്ന വേലിക്കെട്ടുകള് പുറം കാഴ്ചയെ മറയ്ക്കുന്നുവോ..</div><div align="left">അതോ കാഴ്ചകള് മങ്ങുന്നുവോ..?</div><div align="left">മൂസിക് ചാനലിലെ നേര്ത്ത രാഗങ്ങള് മാത്രമാണു കൂട്ട്...</div><div align="left">ഭാഗ്യം... പുറത്തെ ശബ്ദവീചികള് ഉള്ളിലേക്കെത്തുന്നില്ല...</div><div align="left">അല്ലെങ്കിലും..</div><div align="left">മുറവിളി ശബ്ദം പോലും നഷ്ടപെട്ടുപോയഒരു ജനതയാണെല്ലോ പുറത്ത്.....</div><div align="left">സമ്പന്നതയ്ക്കും ദാരിദ്ര്യത്തിനുമിടയില് ഞെരിപിരി കൊള്ളുന്നഒരു രാജ്യം..</div><div align="left"> </div><div align="left">2. (25/06/06)</div><div align="left"> </div><div align="left">എന്തൊരു മഴയാണിത്...........!!</div><div align="left">ആകാശത്തുനിന്നും പെയ്തിറങ്ങുന്ന മഴനാരുകള്കാറ്റിലാടിയുലഞ്ഞ് നൃത്തം വെയ്ക്കുന്നു...</div><div align="left">ചടുല താളത്തോടെ...</div><div align="left">ഒരോലത്തലപ്പുപോലും മറയ്ക്കുവാനില്ലാത്ത കാഴ്ചയില്, </div><div align="left">അങ്ങു ദൂരെ,എണ്ണപ്പാടങ്ങളില് ഉയര്ന്നുനില്ക്കുന്ന </div><div align="left">കുഴലുകള് അഗ്നിവമിപ്പിക്കുന്നു..., ഒരു മഴയ്ക്കുംഅണയ്ക്കാനാവാത്ത പോലെ...</div><div align="left">അവയുടെതുടര്ച്ചയെന്നോണം മിന്നല്പിണരുകള്</div><div align="left">വിശാലമായ ആകാശക്യാന് വാസില്വിസ്മയ കാഴ്ചയൊരുക്കുന്നു...</div><div align="left">ഈ പ്രദേശമാകെ വൈദ്യുതിപ്രകാശത്തില്കുളിച്ചുനില്ക്കുന്നതു കൊണ്ടാവും,</div><div align="left">വളരെ വ്യക്തമാണ് മഴനൃത്തം..</div><div align="left">സര്പ്പങ്ങള് ഇണ ചേരും പോലെ,വന്യവും ഭ്രാന്തവുമായ വേഗത്തിലും </div><div align="left">താളത്തിലുംമഴമുത്തുകള് ഭൂമിയെ പുണരുന്നു...</div><div align="left">കാറ്റിനും നല്ല വേഗത...</div><div align="left">പക്ഷേ, മഴ തുടരുകതന്നെയാണ്...</div><div class="blogger-post-footer"><img width='1' height='1' src='https://blogger.googleusercontent.com/tracker/34168119-115851867882404614?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com2tag:blogger.com,1999:blog-34168119.post-1157910535379913602006-09-10T18:27:00.000+01:002006-09-10T18:48:55.390+01:00ജൂണ് 18 ഞായറാഴ്ച എഴുതിയത്പ്രിയ കൌച്ചൂ,<br /> ദുബായില് നിന്നും 8 മണിക്കൂര് യാത്രയ്ക്ക് ഒടുവില് നൈജീരിയയുടെ പഴയ തലസ്ഥാനനഗരിയായ ലാഗോസില് എത്തുമ്പോള് സമയം 3മണി. ലാഗോസ് എയര്പോര്ട്ടിനകത്തു തന്നെ കമ്പനി പ്രതിനിധി കാത്തുനിക്കുന്ന വിവരം എമിഗ്രേഷന് ഓഫീസര് അറിയിച്ചപ്പോള് ഒരാശ്വാസം; അപരിചിതമായ സ്ഥലവും, ഭാഷയും, കീറാമുട്ടികളും..ടെന്ഷന് കുറച്ചു കുറഞ്ഞു. ലഗേജ് ഒക്കെ എടുത്തു പുറത്തിറങ്ങി കാറില് സഹായിയോടൊപ്പം ഡൊമസ്റ്റിക്ക് എയര്പോര്ട്ടിലേക്ക്, ഇനി പോര്ട്ട് ഹാര്കോര്ട്ടിലേക്ക് അടുത്ത വിമാനം പിടിക്കണം. <br />ഞാനവിടെ നിന്നും തിരിക്കുമ്പോള് തമാശയ്ക്ക് പറഞ്ഞതുപോലെ, രണ്ടുപേര്ക്കു കയറാവുന്ന ചെറിയവിമാനത്തിലാവും ഞങ്ങളെ കൊണ്ടുപോകുകയെന്നതിന് വലിയ മാറ്റമൊന്നുമില്ല. ഇതിലൊരു പത്തുപതിനഞ്ച് ആളു കേറും.മനസ്സില് പഴയ സിനിമ "ഗോഡ്സ് മസ്റ്റ് ബീ ക്രേസി" യിലെ കുട്ടി വിമാനമായിരുന്നെങ്കിലും, അത്ര ഉയരത്തിലല്ലാതെ പറക്കുന്ന ഈ ചെറുവിമാനത്തില് ആഫ്രിക്കയുടെ നൈജീരിയന് ആകാശകാഴ്ചകള് ആസ്വദിക്കാനായി.മരുപ്രദേശങ്ങളും, പച്ചപ്പും, വലിയൊരു നീല സാരി കാറ്റില് പറന്നു കിടക്കുമ്പോലെ തോന്നിക്കുന്ന നദികളും ഇടകലര്ന്നു കിടക്കുന്നു. ചെറിയ കൂടുകള് അടുക്കിവെച്ചതുപോലെ അങ്ങിങ്ങ് ചിതറി കാണപ്പെടുന്നത് ചെറുഗ്രാമങ്ങളാവാം. തെങ്ങാണോ..അല്ല, പനയാണു കൂടുതലും, മുകളില് നിന്നു നോക്കുമ്പോള് മനസിലാവുക പ്രയാസം.<br /><br /> പോര്ട്ട് ഹാര്കോര്ട്ട് ഒരു ചെറിയ എയര്പോര്ട്ടാണ്. ഇവിടെയും കമ്പനിയുടെ ആള്ക്കാര് കാത്തു നില്ക്കുന്നുണ്ടാവുമെന്ന പ്രതീക്ഷയോടെ പുറത്തിറങ്ങിയപ്പോള് ഞെട്ടിപ്പോയി.. സ്റ്റെന്ഗണ്, പിസ്റ്റള് തുടങ്ങിയവയേന്തിയ മൂന്നാലു പട്ടാള വേഷധാരികളോടൊപ്പം സില്വസ്റ്റര് സ്റ്റാലന് കറുത്തുമെലിഞ്ഞതു പോലെയൊരാള് നേരെ വരുന്നു.നില്ക്കണോ ഓടണോ എന്നു സംശയിക്കുന്നതിനു മുന്നേ അയാള് അടുത്തെത്തി, "താങ്കള്..? " ന്റമ്മോ..പേടിപ്പിച്ചുകളഞ്ഞല്ലോ പഹയാ എന്ന ചമ്മല് മുഖഭാവമൊളിപ്പിച്ച് ഗൌരവത്തില് " അതേയതേ, വണ്ടിയെവിടെ..?" എന്നു ചോദിക്കേണ്ടി വന്നു. വണ്ടി വന്നു, ഞങ്ങളും ഒരു തോക്കുകാരനും അതില് കയറി. കാത്തുനിന്ന "സ്റ്റാലന്" ഡ്രൈവറോട് കാര്യങ്ങള് വിശദമായി പറയുന്നതു കേട്ടു, പക്ഷേ ഒന്നും മനസ്സിലായില്ല!.മുന്പിലൊരു വണ്ടി സെക്യൂരിറ്റി എസ്കോര്ട്ടോടെ കമ്പനി ആസ്ഥാനത്തേക്കു തിരിച്ചു. <br /><br /> കമ്പനിയുമായുള്ള കോണ്ട്രാക്റ്റില് യാത്രകള്ക്ക് സുരക്ഷാക്രമീകരണം നടത്തുമെന്നൊക്കെ പറഞ്ഞിരുന്നെങ്കിലും ഇത്രയും കരുതിയിരുന്നില്ല. ഇതിനര്ത്ഥം അത്രമാത്രം സുരക്ഷാപ്രശ്നങ്ങള് ഇവിടെയുണ്ട് എന്നല്ലേ..?!.അപരിചിതത്വം നിറഞ്ഞവഴികളിലൂടെ, പേടിയുണ്ടെങ്കിലും,പുതിയകാഴ്ചകളിലേക്കാണല്ലോ ഈ യാത്ര എന്ന നിഗൂഢമായ ആനന്ദത്തോടെ കാറിന്റെ ജാലകത്തിലൂടെ പുറത്തേക്കു നോക്കിയിരുപ്പായി. എയര്പോര്ട്ടു മുതല് എട്ടുപത്ത് കിലോമീറ്റര് നല്ല റോഡായിരുന്നത് പെട്ടന്ന് ജനസാന്ദ്രമായ ഒരിടത്തേക്കെത്തുകയും, റോഡാകെ പൊട്ടിപൊളിഞ്ഞ് താറുമാറായിക്കിടക്കുന്ന അവസ്ഥയിലേക്ക് മാറുകയും ചെയ്തു. ഒരു സ്വപ്നത്തിലെന്ന വണ്ണമുള്ള ഈ അവിശ്വസനീയമായ മാറ്റം പുറം കാഴ്ചകളിലുമുണ്ട്. ദാരിദ്ര്യത്തിന്റെ കടുത്ത മുഖങ്ങള്..പൊട്ടിപൊളിഞ്ഞ വാഹനങ്ങള്, തിക്കും തിരക്കും പിടിച്ച ട്രാഫിക്ക്..മൂന്നുപേര് കയറിപ്പോകുന്ന ബൈക്കുകള്. ട്രിപ്പടിക്കുന്ന ടാക്സിക്കാറാണെന്നു തോന്നുന്നു, നിര്ത്തുമ്പോഴേക്കും ഒരു പത്തുപതിനഞ്ച് ആണും പെണ്ണുമെല്ലാം തിക്കിതിരക്കി കയറാന് നോക്കുന്നു. മഴവെള്ളം ചെളിയുമായി കൂടികുഴഞ്ഞ്,വൃത്തിഹീനമായിക്കിടക്കുന്ന റോഡരിക്. ഇടയ്ക്കൊരു വാനില് വാദ്യഘോഷങ്ങളുമായി പാട്ടു പാടുന്ന സംഘം..മൊത്തത്തില് ഒരു വലിയ ചേരിപ്രദേശത്തുകൂടി കടന്നുപോകുന്ന പ്രതീതി.<br /><br /> ഡ്രൈവറുടെ ഭാഷ്യത്തില് ഇത് സിറ്റിയാണ്. ജംഗ്ഷനുകളില് കയ്യും കലാശവും അലറിവിളിക്കലുമൊക്കെയായി ട്രാഫിക്ക് നിയന്ത്രിക്കുന്ന പോലീസുകാര് ഉണ്ടെങ്കിലും ഇതൊന്നും നമുക്ക് ബാധകമല്ലന്ന മട്ടില് ചീറിപ്പായുന്ന ബൈക്കുകള്, ടാക്സി ബൈക്കുകളാണെന്നു ഞങ്ങള് തിരിച്ചറിഞ്ഞു.ഇവിടെ ഏറ്റവുംകൂടുതല് ആള്ക്കാര് ഉപയോഗിക്കുന്ന "ട്രാന്സ്പോര്ട്ട്" ടാക്സി ബൈക്കുകളാണെന്ന് ഡ്രൈവറുടെ സംശയനിവാരണവും. റോഡരികില് കണ്ടവരിലേറെയും സ്ത്രീകളാണെന്നത്, ഇവിടെ പുരുഷന്മാരെക്കാളും സ്ത്രീകളാണെന്ന നിഗമനത്തിലേക്ക് എത്തിക്കുമോയെന്ന സംശയങ്ങള്ക്കൊടുവില് ഞങ്ങള് കമ്പനി ആസ്ഥാനത്ത് എത്തിചേര്ന്നു. <br /><br /> ഞങ്ങളെക്കാള് മുന്പേ ഇവിടെ എത്തിചേര്ന്ന രണ്ടു സുഹൃത്തുക്കള് മറ്റേതോ ക്യാമ്പിലാണെന്നറിഞ്ഞപ്പോള് വിഷമമായെങ്കിലും,പുറം കാഴ്ചകളില് നിന്നും വ്യത്യസ്തമായി, ഇലക്ട്രിഫൈട് സുരക്ഷാമതിലുകള്ക്കുള്ളില് മറ്റൊരുലോകം കാത്തിരിക്കുന്നതറിഞ്ഞു. മനോഹരമായി പരിപാലിക്കപ്പെടുന്ന യൂറോപ്യന് മാതൃകാ പൂന്തോട്ടങ്ങളും, കെട്ടിടങ്ങളും, കളിക്കളങ്ങളും മറ്റും മറ്റും. എന്നിരുന്നാലും, ഇവിടെയെത്തിചേര്ന്ന വിവരം നാട്ടിലേക്കൊന്നു വിളിച്ചറിയിക്കുവാന് ഫോണ് സൌകര്യം അന്വേഷിച്ചു നടന്ന ഞങ്ങള് വലഞ്ഞു..അവസാനം നീന്തല്കുളത്തിനടുത്ത് അകത്തും പുറത്തും വെള്ളവുമായിരുന്ന സായിപ്പിനെ കുറ്റിവെച്ച് കാര്യം നടത്തി. രാത്രി വൈകിയിരുന്നെങ്കിലും, റെസ്റ്റാറന്റിലും ബാറിലുമൊക്കെ നല്ല തിരക്ക്, പ്രൊജെക്ഷന് സ്ക്രീനില് ലോകകപ്പ് കാണുന്നവരുടെ ബഹളവും.<br /><br /> രാത്രി ഗസ്റ്റ്ഹൌസില് തങ്ങി പിറ്റേന്നു രാവിലെ ജോയിനിംഗ് നൂലാമാലകളൊക്കെ തീര്ത്ത് അടുത്ത 18 ദിവസത്തെ ചിലവിനുള്ള കാശും വാങ്ങി ഞങ്ങളെ നിയമിച്ചിരിക്കുന്ന സൈറ്റ് ഓഫീസിലേക്ക് യാത്രയായി.പുതിയ ഒരു തോക്കു സെക്യൂരിറ്റികാരന് കൂടെയുണ്ട്, ഇനിയുള്ള ദിനങ്ങളില് ഇത് ഞങ്ങളുടെ ഒരു ഭാഗമായിതീരുമായിരിക്കാം.! വീണ്ടും പഴയതുപോലെയുള്ള ഒന്നു രണ്ടു 'സിറ്റി'കള് താണ്ടി 'അമാദി ക്രീക്ക്' എന്നയിടത്ത് എത്തിചേര്ന്നു. ഇവിടെയാണു ഓഫീസും താമസവും. ഇവിടുത്തെ വിശേഷങ്ങള് അടുത്ത കത്തില്, ബോറടിച്ചില്ലല്ലോ അല്ലേ..? മറുപടിയെഴുതുക.ചോദിക്കാന് മറന്നു, സുഖം തന്നെയല്ലേ നിനക്ക്?..<br /><br />സ്നേഹപൂര്വ്വം.<div class="blogger-post-footer"><img width='1' height='1' src='https://blogger.googleusercontent.com/tracker/34168119-115791053537991360?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com13tag:blogger.com,1999:blog-34168119.post-1157908816182919552006-09-10T18:17:00.000+01:002006-09-10T18:20:16.183+01:00സമര്പ്പണംഞാന് നൈജീരിയയില് നിന്നുള്ള കുറച്ചു വിശേഷങ്ങള് പങ്കു വെയ്ക്കുകയാണ്. ഇത് പലപ്പോഴായി ഞാന് കൌച്ചുവെന്ന് വിളിക്കുന്ന സുഹൃത്തിന് എഴുതിയിട്ടുള്ള കത്തുകളുടെ രൂപത്തിലാണ്. എന്റെയും സഹധര്മ്മിണിയുടെയും ഏറ്റവും അടുത്ത സുഹൃത്തായ കൌച്ചു, പോണ്ടിച്ചേരി സ്വദേശിനിയെങ്കിലും മലയാളം നന്നായി വായിക്കുകയും മനസ്സിലാക്കാന് ശ്രമിക്കുകയും ചെയ്യാറുണ്ട്.ഇതിനിടയില് ഒരുപാട് തമാശകളുണ്ടെങ്കിലും ഞാന് കളിയാക്കാറില്ല. ഞങ്ങള് പരീക്ഷയിട്ടത് തമ്പാനൂര് റെയില്വേസ്റ്റേഷനില് "സസ്യേതരഭോജന ശാല" എന്നത് വായിച്ച് അര്ത്ഥം പറയിച്ചുകൊണ്ട്. ഇപ്പോള് അമേരിക്കയില് അനുജനോടൊപ്പം ഡോക്കുമെന്ററി സിനിമയുമായി ബന്ധപ്പെട്ട് പ്രവര്ത്തിക്കുന്നു.<br /> ഇത് ഞാന് ഇവിടെ എത്തിയപ്പോള് മുതലുള്ള നേര്കാഴ്ചകളാണ്. എനിക്കു കാണാന് പറ്റുന്ന ചെറിയ ഫ്രെയിമിലൂടെയുള്ള നേര്ക്കാഴ്ച. എന്തുകൊണ്ട് ചെറിയ ഫ്രെയിം എന്നുള്ളത് കുറിപ്പുകളില് നിന്നും മനസ്സിലാകും..<br />അപ്പോള്...<br />സ്റ്റാര്ട്ട്, ആക്ഷന്..ക്യാമറ..<div class="blogger-post-footer"><img width='1' height='1' src='https://blogger.googleusercontent.com/tracker/34168119-115790881618291955?l=nigeriadiary.blogspot.com' alt='' /></div>അലിഫ് /alifhttp://www.blogger.com/profile/11207856034673114842noreply@blogger.com1